<p><span style="color: #000000;"><strong>(ម៉ាឌ្រីដ)៖</strong> ប្រទេសអេស៉្បាញបានធ្វើការតែងតាំង «រដ្ឋមន្រ្តីផ្លូវភេទ» ដំបូងបំផុតរបស់ខ្លួន ដែលមាននាទីទទួលបន្ទុកធ្វើយ៉ាងជំរុញ ប្រជាជនឲ្យព្យាយាមយកបុត្រធីតា ដោយរដ្ឋាភិបាលសង្ឃឹមថានឹងអាចបង្កើនអត្រាបង្កកំណើត ដែលកំពុងធ្លាក់ចុះរបស់ប្រទេស តំបន់អឺរ៉ុបមួយនេះ និងទាបបំផុតនៅក្នុងចំណោម ប្រទេសអភិវឌ្ឍន៍។ នេះបើតាមការដកស្រង់ការផ្សាយចេញពីសារព័ត៌មាន Fox News នៅមុននេះបន្តិច នាព្រឹកថ្ងៃសៅរ៍ ទី០៤ ខែមីនា ឆ្នាំ២០១៧។</span></p>
<p><span style="color: #000000;">ប្រភពព័ត៌មានខាងលើ បានឲ្យដឹងថា នាយករដ្ឋមន្រ្តីអេស៉្បាញលោក Mariano Rajoy បានតែងតាំងលោកស្រី Edelmira Barreira រដ្ឋមន្រ្តីខាងផ្លូវភេទរបស់ប្រទេស ដើម្បីជំរុញឲ្យពលរដ្ឋអាស៉្បាញបង្កើតកូន ឲ្យបានច្រើនបន្ថែមទៀត ខណៈប្រទេសតំបន់អឺរ៉ុបមួយនេះ កំពុងតែប្រឈមមុខជាមួយវិបត្តិចំនួនប្រជាជន ដោយមានអត្រាកំណើតតិចជាងអត្រានៃការស្លាប់ជាលើកដំបូងមិនធ្លាប់ កាលពីឆ្នាំ២០១៦កន្លងទៅនេះ។</span></p>
<p><span style="color: #000000;">គួរបញ្ជាក់ថា ចាប់តាំងពីឆ្នាំ២០០៨មក ចំនួនទារកដែលបានកើតនៅក្នុងប្រទេសអេស៉្បាញ បានធ្លាក់ចុះយ៉ាងខ្លាំងរហូតដល់ទៅ១៨ភាគរយ ហើយចំនួននៃគូស្វាមីភរិយាដែលគ្មានកូនវិញនោះបានកើតកើនឡើង ស្ទើរតែបីដងពោលគឺពី១.៥លានកាលពីឆ្នាំ១៩៧៧ ទៅដល់៤.៤លាននៅក្នុងឆ្នាំ២០១៥។ ជុំវិញបញ្ហានេះអ្នកជំនាញជាច្រើន បានលើកឡើងថា ការបំពេញការងារច្រើនម៉ោង និងទំនៀមទំលាប់នៃការចូលចិត្ត ញ៉ាំអាហារយប់ជ្រៅ ក៏ដូចជាការទទួលទានដំណេកក្រោយរំលងអាធ្រាត សុទ្ធតែចូលរួមចំណែកមួយភាគធំ នៅក្នុងការថយចុះនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/3/4/14e-04-03-2017--11-28-13.jpg"><span style="color: #000000;"><img src="/FileManager/Articles/mce/2017/3/4/14e-04-03-2017--11-28-13.jpg" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>