<p>តាមប្រភពពីគេហទំព័រ Phonearena, ក្មេងស្រី Chloe Gillooley ត្រូវបានប៉ាម៉ាក់ ទិញកាដូឲ្យនូវ<br />iPad មួយគ្រឿង នៅក្នុងថ្ងៃខួបកំណើតលើកទី ៨ របស់នាង។ គ្រប់រឿងទាំងអស់ មិនមានអ្វីត្រូវ<br />និយាយឡើយ រហូតដល់ថ្ងៃទី ២៤ ខែសីហា ពេលដែលChloe នៅផ្ទះលោកយាយរបស់ខ្លួន <br />នៅតំបន់ Widnes ប្រទេសអង់គ្លេស រួមជាមួយប៉ារបស់នាងគឺ លោក Tim Gillooley។</p>
<p id="aui_3_2_0_1486">នៅល្ងាចថ្ងៃដដែលនោះ ពេលដែល លោក Tim Gillooley ចេញពីបន្ទប់ទឹកមកក្រៅ ដើម្បីសាក<br />ថ្ម iPad ឲ្យកូនស្រី ពេលនោះស្រាប់តែ ធ្វើឲ្យគាត់ដួលអុកគូទ ដោយសារតែការផ្ទុះយ៉ាងខ្លាំង<br />ពីឆ្នាំងសាក iPad។ ការផ្ទុះភ្លាមៗ និងមានចរន្តឆក់ផងនោះ បានធ្វើឲ្យបណ្តាម្រាមដៃរបស់បុរស<br />អាយុ ៣៤ឆ្នាំ រូបនេះ ឆេះខ្លោចខ្មៅ។ សំណាងណាស់ដែលក្មេងស្រី Chloe Gillooley ឈរក្បែរ<br />នោះ មិនមានបញ្ហាអ្វីកើតឡើង។</p>
<p><a class="thickbox" title="" href="/FileManager/Commons/2013/8/29/678258-29-08-2013--10-51-31.jpg"><img src="/FileManager/Articles/mce/2013/8/29/678258-29-08-2013--10-51-31.jpg" alt="" /></a></p>
<p>តាមលោក Tim Gillooley បានឲ្យដឹងថា iPad នេះ ធ្លាប់មានបញ្ហា ជាមួយឆ្នាំងសាកម្តងរួចមក<br />ហើយ ហើយគាត់ក៏បានយកឧបករណ៍ ទៅឲ្យគេពិនិត្យមើល ហើយត្រូវបានគេឆ្លើយមកវិញ<br />ថា ទាំង iPad និងឆ្នាំងសាក មិនមានបញ្ហា (ខូច) អ្វីកើតឡើងឡើយ។ ប៉ុន្តែជាក់ស្តែង ពេល<br />នោះ Tim Gillooley នៅតែសំរេចចិត្តទិញ ខ្សែ Connector lightning ហ្សីនថ្មីមួយទៀត របស់<br />Apple។</p>
<p><a class="thickbox" title="" href="/FileManager/Commons/2013/8/29/678254-29-08-2013--10-52-23.jpg"><img src="/FileManager/Articles/mce/2013/8/29/678254-29-08-2013--10-52-23.jpg" alt="" /></a></p>
<p>បច្ចុប្បន្ន Apple កំពុងតែធ្វើអង្កេត ត្រួតពិនិត្យលើបញ្ហាផ្ទុះនេះ ហើយបានស្នើសុំឲ្យលោក Tim<br /> Gillooley ផ្ញើឆ្នាំងសាកនោះ មកក្រុមហ៊ុន ដើម្បីធ្វើការត្រួតពិនិត្យ។ <em>"ខ្ញុំពិតជាចូលចិត្តផលិតផល<br />របស់ Apple ណាស់ ប៉ុន្តែខ្ញុំនឹងមិនអនុញ្ញាតឲ្យកូនស្រីរបស់ខ្ញុំ នៅជិត iPhone របស់ខ្ញុំឡើយ<br />ខ្លាចវាផ្ទុះដូចគ្រាប់បែក ដូចករណី iPad ទៀត"</em>, Gillooley និយាយឲ្យដឹង៕</p>
<p><strong>បញ្ហាមួយចំនួនដែលពាក់ព័ន្ធនឹងគ្រោះថ្នាក់ កើតចេញពីផលិតផលរបស់ Apple ៖</strong></p>
<p><span style="color: #0000ff;"><a href="/News/Detail/24157/iphone-5-fatal-electric-shock-while-charging"><span style="color: #0000ff;">iPhone 5 បង្កឲ្យមានចរន្តឆក់មនុស្សស្លាប់ ពេលកំពុងសាកថ្ម</span></a></span></p>
<p><span style="color: #0000ff;"><a href="/News/Detail/73452/a-user-to-the-hospital-when-charging-iphone"><span style="color: #0000ff;">អ្នកប្រើប្រាស់ទូរស័ព្ទម្នាក់ទៀត ត្រូវបានដេកពេទ្យ ព្រោះឆក់ពេលសាកថ្ម iPhone</span></a></span></p>
<p><a href="/News/Detail/45382/iphone-5-exploded-victim-may-be-blind"><span style="color: #0000ff;">ជនរងគ្រោះចិនម្នាក់ទៀត អាចនឹងត្រូវពិការភ្នែក ដោយសារការផ្ទុះរបស់ iPhone 5</span></a><span style="color: #0000ff;"><a href="/News/Detail/24157/iphone-5-fatal-electric-shock-while-charging"><span style="color: #0000ff;"><br /></span></a></span></p>
<p><span style="color: #333333;">ព័ត៌មានស្តីពីបច្ចេកវិទ្យាថ្មីៗ គួរឲ្យចាប់អារម្មណ៍ជាច្រើនទៀត <strong><span style="color: #0000ff;"><a href="/News/Category/45/hightech"><span style="color: #0000ff;">សូមចុចត្រង់នេះ</span></a></span></strong> !!!</span></p>
<p style="text-align: right;">ដោយ៖ សិលា<br />ប្រភព៖ VReview</p>