<div class="article-content">
<p><strong>ភ្នំពេញ :</strong> ស្រ្តីមេម៉ាយម្នាក់ បានស្លាប់ភ្លាមៗ នៅកន្លែងកើតហេតុ បន្ទាប់ពីត្រូវចរន្តអគ្គិសនី <br />ខណ:ស្រ្តីរងគ្រោះ បានយកខ្សែឌុយភ្លើងទៅដោតនឹង ហ្រ្វីភ្លើង ដើម្បីបំភ្លឺភ្លើងក្នុងផ្ទះ បន្ទាប់<br />ភ្លើងដាច់ ហើយឆេះឡើងវិញ។ ការស្លាប់របស់ស្រ្តីរងគ្រោះ បានបន្សល់ទុកឲ្យកូនប្រុស ស្រី<br />៧នាក់ រស់នៅ ឯកោ គ្មានទីពំនាក់ និងរកស៊ីចិញ្ចឹមបាច់តទៅទៀត។</p>
<p>នាយនគរបាលប៉ុស្តិ៍ សង្កាត់ក្បាលកោះ លោក ម៉ៅ រិទ្ធ ដែលចុះទៅពិនិត្យ នៅកន្លែងកើតហេតុ <br />បាននិយាយថា ករណីឆក់ ជនរងគ្រោះស្លាប់ខាងលើ នេះបានកើតឡើង កាលពីវេលាម៉ោង៩<br />យប់ ថ្ងៃទី២២ ខែមេសា ឆ្នាំ២០១៣ ស្ថិតនៅផ្ទះជនរងគ្រោះ ភូមិជ្រោយអំពិល សង្កាត់ក្បាលកោះ<br />ខណ្ឌ មានជ័យ។ លោកមេប៉ុស្តិ៍ បានឲ្យដឹងថា ជនរងគ្រោះ ដែលស្លាប់ដោយសារចរន្តភ្លើងឆក់<br />ខាងលើនេះ មានឈ្មោះ ឃឹម អេង អាយុ ៥៨ឆ្នាំ ប្រកបរបរ ចិញ្ចឹមជីវិត និងកូនៗ ទាំង៧នាក់ <br />ស្នាក់នៅផ្ទះកើតហេតុ ។</p>
<p id=":11v">បើតាមលោកមេប៉ុស្តិ៍ មុនពេលកើតហេតុ ស្រ្តីរងគ្រោះ បានយកឌុយខ្សែភ្លើង ទៅដោតនឹងហ្រ្វី<br />ភ្លើង ដើម្បីបំភ្លឺភ្លើងក្នុងផ្ទះ បន្ទាប់ពីភ្លើងដាច់ចរន្ត ហើយឆេះឡើងវិញ ដោយដៃស្រ្តីរងគ្រោះ ទទឹក<br />ផងនោះ ក៏បានឆ្លងចរន្ត បណ្តាលឲ្យឆក់ ស្លាប់ភ្លាមៗតែម្តង បើទោះបីកូនៗ និងប្រជាពលរដ្ឋ នៅ<br />ក្បែរកន្លែងកើតហេតុ ខិតខំជួយយ៉ាងណាក៏ដោយ គឺវាហួសពេលទៅហើយ។</p>
<p>ក្រោយកើតហេតុ សមត្ថកិច្ចមូលដ្ឋាន និងសមត្ថកិច្ចជំនាញ បានចុះទៅពិនិត្យភ្លាមៗ ហើយធ្វើ<br />កោសល្យវិច័្ចយ ដោយអះអាងថា ស្រ្តីរងគ្រោះ ពិតជាស្លាប់ដោយសារ ខ្សែភ្លើងឆក់មែន ។ ក្រោយ<br />ធ្វើកោសល្យវិច័្ចយរួចហើយ សមត្ថកិច្ចបានប្រគល់សព ស្រ្តីរងគ្រោះទៅឲ្យក្រុមគ្រួសារ ដើម្បីយក<br /> ទៅធ្វើបុណ្យ តាមប្រពៃណី ។</p>
<p>ជាមួយគ្នានេះដែរ កូនៗទាំង អស់របស់ស្រ្តីរងគ្រោះ បានលើកដៃសំពះ សូមជំនួយ ពីសប្បុរសជន<br /> នានា ជួយឧបត្ថម្ភដល់ពួកគេផង ដោយហេតុថា ពួកគេគ្មានអ្វី ជាទីពំនាក់ ក្នុងការចិញ្ចឹម ជីវិតទេ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0421.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0422.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0423.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>