<p><span style="color: #000000;">ព័ត៌មានអន្តរជាតិ ៖ កម្មវិធីបុណ្យឆ្លងឆ្នាំសកល ត្រូវបានអាជ្ញាធរប្រទេស បែលហ្សិក ប្រកាសលុុប ចោល ពុំអោយមានការប្រារព្ធឡើងអធឹកអធម នា ទីក្រុង ព្រុចសែល នោះទេ ក្រោមហេតុផលតែ មួយ គត់នោះគឺ ព្រួយបារម្ភពីការវាយប្រហារ ភារវកម្ម ពិភពលោក ។</span></p>
<p><span style="color: #000000;"><a class="thickbox" title="" href="/FileManager/Commons/2015/12/31/13b-31-12-2015--09-55-03.jpg"><img src="/FileManager/Articles/mce/2015/12/31/13b-31-12-2015--09-55-03.jpg" alt="" /></a><br /></span></p>
<p><span style="color: #000000;">នាយករដ្ឋមន្រ្តី ប្រទេសបែលហ្សិក លោក Charles Michel អោយដឹងថាសេចក្តីសម្រេចចិត្តប្រការ នេះត្រូវបានធ្វើឡើង បន្ទាប់ពីទទួលបានព័ត៌មានប្រឈមមួយចំនួន តួយ៉ាង ដើមសប្តាហ៍នេះមន្រ្តី ប៉ូលីសក្នុងស្រុក បានចាប់ឃាត់ខ្លួនមនុស្ស ២នាក់ ដែលជាជនសង្ស័យរៀបចំផែនការវាយប្រហារ អំឡុងកម្មវិធីបុណ្យឆ្លងឆ្នាំថ្មី ។</span></p>
<p><span style="color: #000000;">ប្រភពអោយដឹងថា ប្រទេសបែលហ្សិក បានចាប់ផ្តើមប្រកាសអាសន្ន ភារវកម្មចាប់តាំងពីមានការ វាយប្រហារភារវកម្ម កក្រើកទីក្រុងប៉ារីស ប្រទេស បារាំង នាថ្ងៃទី ១៣ ខែវិច្ឆិកា កន្លងទៅនេះ ក្នុង នោះមួយចំនួននៃសមាជិកក្រុមឧក្រិដ្ឋជន គឺជាជនជាតិដើម ពីប្រទេស បែល ហ្ស៊ិក ។ សេចក្តីប្រ កាសពីអភិបាលក្រុង ព្រុចសែល លោក Yvan Mayeur តាមរយៈសារ ព័ត៌មានរដ្ឋ RTBF ឲ្យដឹងថា បណ្តាមន្រ្តីកំពូល រួមជាមួយនឹងរដ្ឋមន្រ្តី ក្រសួងមហាផ្ទៃ ពួកយើងបានសម្រេចចិត្ត មិនប្រារព្ធកម្ម វិធីឆ្លងឆ្នាំសកលនាយប់ថ្ងៃព្រហស្បត្តិ៍ ទី ៣១ ធ្នូ ២០១៥ នេះទេ ។</span></p>
<p><span style="color: #000000;"><a class="thickbox" title="" href="/FileManager/Commons/2015/12/31/13-31-12-2015--09-54-47.jpg"><img src="/FileManager/Articles/mce/2015/12/31/13-31-12-2015--09-54-47.jpg" alt="" /></a><br /></span></p>
<p><span style="color: #000000;">អភិបាលក្រុងដដែលបន្តអោយដឹងថា កាលពីបុណ្យឆ្លងឆ្នាំសកល ២០១៤ ចូលឆ្នាំថ្មី ២០១៥ មាន ប្រជាជនប្រមាណ ១០០,០០០ នាក់ បានមកប្រមូលផ្តុំ នា ទីក្រុង ព្រុចសែល ដើម្បីអបអរសាទរ ឆ្នាំថ្មី ដូច្នេះ បរិបទ មនុស្សចូលរួមយ៉ាងច្រើនកុះករនេះហើយ ដែល នាំអោយដែនសមត្ថកិច្ចមិន អាចគ្រប់គ្រងបានគ្រប់ជ្រុងជ្រោយ ទោះខិតខំប្រឹងប្រែងអស់លទ្ធភាព ក៏សម្រេចប្រកាសរំសាយ ចោលតែម្តង។</span></p>
<p><span style="color: #000000;"><a class="thickbox" title="" href="/FileManager/Commons/2015/12/31/13a-31-12-2015--09-54-55.jpg"><img src="/FileManager/Articles/mce/2015/12/31/13a-31-12-2015--09-54-55.jpg" alt="" /></a><br /></span></p>
<p><span style="color: #000000;">គួរបញ្ជាក់ថា អំឡុងខែ វិច្ឆិកា កន្លងទៅនេះ ទីក្រុង ព្រុចសែល ស្ថិតនៅ ក្រោមការប្រកាសបិទគ្រឹះ ស្ថានមួយចំនួនរួមមានដូចជា សាកលវិទ្យាល័យ វិទ្យាល័យ និងប្រព័ន្ធដឹក ជញ្ជូនរយៈពេល ៤ ថ្ងៃ ពាក់ព័ន្ធនឹងការភ័យខ្លាច ថាអាចនឹងមានការវាយប្រហារភារវកម្ម ស្រដៀងទៅនឹងការវាយប្រហារ ភារវកម្មកក្រើកទីក្រុងប៉ារីស ប្រទេស បារាំង។ ភារវកម្ម ដ៏ កក្រើក នៅ ប៉ារីស នាយប់ថ្ងៃទី ១៣ វិច្ឆិកា កន្លងទៅនេះ បានសម្លាប់មនុស្ស សរុប ១៣០ នាក់ ខណៈ រាប់រយនាក់ផ្សេងទៀត របួស ធ្ងន់ស្រាល ៕</span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>