<p><strong>ភ្នំពេញ៖</strong> ជាតារាសម្តែង និងជាតារាចម្រៀង កញ្ញា គង់ ចាន់រដ្ឋា បច្ចុប្បន្ននេះនាងកំពុងតែស្ថិតនៅ លើទឹកដី នៃ ប្រទេសមហាអំណាច សហរដ្ឋអាមេរិក ជាមួយនឹង ភាពជោជ័យពីការច្រៀង និងសម្តែងនៅទីនោះ បន្ទាប់ពី បានឈានជើងចាកចេញ ពីប្រទេសកម្ពុជា កាលពីកាលអំឡុង ចុងខែមីនា ឆ្នាំ២០១៤ តាមរយៈសមាគមន៍ ខ្មែររស់នៅសហរដ្ឋអាមេរិកជា អ្នកស្ពាន់ស័រ (Sponsor) ធានាដើម្បីចេញទៅ សម្តែង រយៈពេល៣ខែ។</p>
<p>ឆ្លើយឆ្លងជាមួយភ្នាក់ងារ គេហទំព័រ LookingTODAY តាមសារអេឡិចត្រូនិច នៅរសៀលថ្ងៃទី២៩ ខែ មេសា ឆ្នាំ២០១៤នេះ តារាសម្តែងកញ្ញា គង់ ចាន់រដ្ឋា បានប្រាប់ឱ្យដឹង ពីទឹកដីសហរដ្ឋអាមេរិកមកថា ឥឡូវនេះ នាងកំពុងតែមានវត្តមាន ជាមួយនឹងតារាចម្រៀងប្រុសខ្មែរ គឺលោក យក់ ដួងតារា ។</p>
<p>តារាចម្រៀង និង សម្តែងកំពុងទទួលបានការគាំទ្រ និង ប្រជាប្រិយភាពខ្លាំងគួរសម កញ្ញា គង់ ចាន់រដ្ឋា បានឱ្យដឹង ទៀតថា នាងបានចាកចេញ ពីទឹកដីកំណើតទៅចម្រៀង និងសម្តែងនៅអាមេរិក រយៈពេល១ខែមកហើយ ពោល គឺនាងឡើងយន្តហោះ កាលពីអំឡុងចុងខែ៣ (មីនា) ឆ្នាំ២០១៤។ បើតាមគម្រោង គឺតម្រូវឱ្យនាងស្នាក់នៅសម្តែង ទីនោះ រយៈពេល ៣ខែ ទើបវិញត្រឡប់មកស្រុកខ្មែរវិញ។</p>
<p>តារាសម្តែងមកពីដែនដីខេត្តសៀមរាបអង្គរ កញ្ញា គង់ ចាន់រដ្ឋា បានបន្តថា "ខ្ញុំមានអារម្មណ៍ សប្បាយរីករាយ ព្រោះមានបងប្អូនខ្មែរ គាត់គាំទ្រច្រើន ពេលទៅដល់ទីនោះ ។ ក្នុងរយៈពេលមួយខែ នេះគឺបានចេញទៅសម្តែង ច្រើនរដ្ឋគឺប្រហែលជិត១០ រដ្ឋហើយ"។</p>
<p>រដ្ឋា បានបន្ថែមថា នាងកំពុងតែទទួលបាន ភាពជោគជ័យ ពីការចេញទៅច្រៀង និងសម្តែងនៅលើទឹក សហរដ្ឋអាមេរិក ព្រោះបងប្អូនអាណិកជនខ្មែរទីនោះ មានការចេញចិត្ត និងគាំទ្រមកលើនាងយ៉ាងច្រើន ។ ជាពិសេសក៏ទទួលបានការសរសើរ និងពេញចិត្តពីអ្នករស់នៅទីនោះ ថា នាងជាតារាមិនចេះឆ្មើងឆ្មៃ។ បើតាមការបញ្ជាក់ ឱ្យដឹងនាង និង លោក យក់ ដួងតារា ត្រូវវិលត្រឡប់មកស្រុកខ្មែរវិញ នៅចុងខែកក្កដា ឆ្នាំ២០១៤ ខាងមុខនេះ៕</p>
<p style="text-align: center;"><img src="http://image.lookingtoday.com:81///lookingtoday/looking-images/news/2014/April/id-017/chetha-35.jpg" alt="Photo by LookingTODAY" width="600" /></p>
<p style="text-align: center;"><img src="http://image.lookingtoday.com:81///lookingtoday/looking-images/news/2014/April/id-017/chetha-36.jpg" alt="Photo by LookingTODAY" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-100/Ravuth-125.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-100/Ravuth-126.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-100/Ravuth-128.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-100/Ravuth-129.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-100/Ravuth-130.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-100/Ravuth-131.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-100/Ravuth-132.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/29841-2014-04-29-10-50-41.html" target="_blank">ផ្តល់សិទ្ធដោយ ៖ ដើមអម្ពិល</a></p>