<p><strong>- លោក ឯម ច័ន្ទមករា ទទូចឲ្យក្រុមកំប្លែង លោកពែកមី សូមទោសជាសាធារណៈ និងគិតគូរឡើងវិញ លើការសម្តែងរបស់ក្រុមខ្លួន</strong></p>
<p><strong>ភ្នំពេញ៖</strong> ឈុតឆាកកំប្លែងរបស់ក្រុមនាយពែកមី ក្នុងសាច់រឿង «គ្រូជួយ មិនជួយគ្រូវិញ» ចាក់ផ្សាយតាមកញ្ចក់ ទូរទស្សន៍ CTN កាលពីពេលថ្មីៗនេះ បង្កឲ្យមានប្រតិកម្មថា ជាការមើលងាយ និងប្រមាថយ៉ាងធ្ងន់ធ្ងរដល់ជន ពិការ។ អគ្គលេខាធិការក្រុមប្រឹក្សាសកម្មភាពជនពិការ លោក ឯម ច័ន្ទមករា បានអំពាវនាវដោយទទូចឲ្យក្រុម កំប្លែងនាយពែកមី ធ្វើការសុំទោសជាសាធារណៈ និងមានស្មារតីខ្ពស់ចំពោះសកម្មភាពកំប្លែងរបស់ខ្លួន។</p>
<p>កំប្លែងរឿង «គ្រូជួយ មិនជួយគ្រូវិញ» ដែលបានចាក់ផ្សាយតាមកញ្ចក់ទូរទស្សន៍ CTN កាលពីសប្តាហ៍កន្លងទៅ ថ្មីៗ របស់ក្រុមកំប្លែងនាយពែកមី មានឈុតឆាកមួយ នាយសាក់ស៊ី បានដើរតួជាជនពិការទៅស្វែងរកនាយពែក មី ដើម្បីព្យាបាលទីបំផុតជំងឺត្រូវបានជាសះស្បើយ ដែលចំណុចនេះជាការអប់រំមួយ ដ៏មិនត្រឹមត្រូវដល់សធារណ ជន ព្រោះជំងឺពិការរភាពមិនអាចស្វែងរកការព្យាបាលដោយការវាយដំដូចក្នុងសាច់រឿងនោះឡើយ។ មួយវិញ ទៀតពាក្យពេចន៍មួយចំនួន របស់ក្រុមកំប្លែងបាននិយាយចំអកឡកឡើយដល់ក្រុមជនពិការ នាំឲ្យប៉ះពាល់ដល់ សតិអារម្មណ៍របស់ជនពិការកាន់តែខ្លាំងថែមទៀត។ </p>
<p>អគ្គលេខាធិការក្រុមប្រឹក្សាសកម្មភាពជនពិការ លោក ឯម ច័ន្ទមករា បានថ្លែងតាមបណ្តាញសង្គមហ្វេសប៊ុករបស់ លោកថា ការសម្តែងខាងលើ បានប៉ះពាល់ជាខ្លាំងទៅលើជនពិការ ពិសេសប្រឆាំងនឹងមាត្រា២ នៃច្បាប់ស្តីពីកិច្ច ការពារ និងលើកកម្ពស់សិទ្ធិជនពិការ ដែលបានចែងអំពីការទប់ស្កាត់ កាត់បន្ថយ និងលុបបំបាត់ ការរើសអើង ចំពោះជនពិការ រួមនឹងអនុសញ្ញាស្តីពីសិទ្ធិជនពិការ ក្នុងការការពារ ការមាក់ងាយ ការរើសអើងលើជនពិការ ដែល ច្បាប់នេះ ក៏បានចូលជាធរមានទៅហើយនោះ។</p>
<p>លោកបានថ្លែងបន្តថា «ក្នុងនាមជាអគ្គលេខាធិការក្រុមប្រឹក្សាសកម្មភាពជនពិការ ខ្ញុំសូមសម្តែងនូវការសោក ស្តាយជាខ្លាំង ចំពោះក្រុមកំប្លែងរបស់លោក ពែកមី សម្តែងរឿង គ្រូជួយ មិនជួយគ្រូវិញ ដែលសាច់រឿងនេះ បានសម្តែងអំពីការត្រាប់ជាជនពិការប្រភេទ CP ហើយយកទៅព្យាបាលដោយប្រើធូប/ដំបង វាយទៅលើតួអង្គ ដែលជាជនពិការ និងបានប្រើពាក្យចំអកមួយចំនួនប៉ះពាល់ដល់ជនពិការជើង ដែលប្រើជើងរណបសិប្បនិម្មិត»។</p>
<p>លោក ឯម ច័ន្ទមករា ក៏បានទទូចឲ្យក្រុមកំប្លែងលោក ពែកមី សុំទោសជាសាធារណៈចំពោះករណីខាងលើ បើការ សម្តែងនេះ ពិតជាទង្វើអចេតនា ហើយលោកក៏សង្ឃឹមយ៉ាងមុតមាំថា ក្រុមកំប្លែងរបស់លោក ពែកមី នឹងមានការ ភ្ញាក់រលឹកអំពីបញ្ហា ដែលបានកើតឡើងខាងលើនេះ។</p>
<p>លោក ឯម ច័ន្ទមករា ថែមទាំងបានបញ្ជាក់ទៀតថា រាល់ការសម្តែងជាតួអង្គជនពិការមិនត្រូវបានហាមឃាត់នោះ ទេ តែមិនត្រូវសម្តែងក្នុងរូបភាពចំអកឡកឡើយ ក្នុងន័យអវិជ្ជមាន ដើម្បីធ្វើឲ្យគេសើចនោះទេ។</p>
<p>ជនពិការទាំងអស់នៅកម្ពុជា ត្រូវបានរាជរដ្ឋាភិបាលកំពុងលើកកម្ពស់ និងយកចិត្តទុកដាក់យ៉ាងខ្លាំងតាមរយៈ ចេញព្រះរាជក្រឹត្យ អនុក្រឹត្យ និងលិខិតបទដ្ឋានគតិយុទ្ធនានា ក្នុងបំណងលើកកម្ពស់សិទ្ធិ និងសុខុមាលភាពរបស់ ជនពិការ។</p>
<p>អគ្គលេខាធិការក្រុមប្រឹក្សាសកម្មភាពជនពិការបន្តបញ្ជាក់ថា «យើងលើកទឹកចិត្តឲ្យអ្នកសម្តែងទាំងអស់ សម្តែង ដោយលើកទឹកចិត្តជនពិការ លើកកម្ពស់ស្មារតីរបស់ជនពិការ ក្នុងន័យអប់រំមិនឲ្យមានការមើលងាយ និងប្រមាថ ទៅលើជនពិការ ដើម្បីភាពសប្បាយនោះឡើយ។ ការមើលងាយ និងបន្ទោសបង្អាប់រើសអើង លើជនពិការនេះ ត្រូវគេហាម ខាតដាច់ខាត ហើយអាចមានទោសទ័ណ្ឌថែមទៀតផង តាមមាត្រា ២ នៃច្បាប់ស្តីពីជនពិការ»។</p>
<p>លោក ឯម ច័ន្ទមករា ក៏បានលើករិះគន់ផងដែរថា ច្បាប់កម្ពុជា សូម្បីតែពាក្យមនុស្សឆ្កួត ក៏គេមិនឲ្យហៅផងដែរ ព្រោះជាការប្រមាថ និងរើសអើងធ្ងន់ធ្ងរ គឹត្រូវជំនួសដោយ ពាក្យថា ពិការស្មារតី ឬសតិមិនប្រក្រតីជាដើម។</p>
<p>សូមបញ្ជាក់ផងដែរថា ក្រុមកំប្លែងរបស់នាយពែកមី ដែលកំពុងទទួលបានការគាំទ្រ និងមានប្រជាប្រិយភាពមួយ នៅកម្ពុជានោះ កាលពីពេលថ្មីៗនេះ បានធ្វើឲ្យបងប្អូនខ្មែរ-ឥស្លាមប្រតិកម្ម និងខឹងសម្បាយ៉ាងខ្លាំងផងដែរ បន្ទាប់ ក្រុមកំប្លែងប្រចាំស្ថាននីយទូរទស្សន៍ CTN សម្តែងធ្វើឲ្យប៉ះពាល់ធ្ងន់ធ្ងរដល់កិត្តិយសរបស់ពួកគេ។</p>
<p>សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងឱកាសអញ្ជើញជាអធិបតីប្រារព្ធពិធីអប អរសាទរខួបលើកទី១៦ ទិវាវប្បធ៌មជាតិ ០៣ មីនា នៅសាលសន្និសីទចតុមុខ កាលពីថ្ងៃទី០៣ ខែមីនា ឆ្នាំ២០ ១៤ បានទទូចឲ្យអ្នកសិល្បៈគ្រប់ទម្រង់ទាំងអស់ ត្រូវបញ្ចូលនូវសារអប់រំល្អដល់អ្នកមើល ពោលមិនមែនច្រៀង សម្តែងឲ្យតែពិរោះ និងល្អមើលនោះទេ ត្រូវតែបង្កប់នូវសារអប់រំល្អ ដល់អ្នកមើល ធ្វើយ៉ាងណាឲ្យបានទាំង សប្បាយពិរោះ និងចំណេះដឹងផងដែរ។</p>
<p>ក្រុមតារាកំប្លែងនាយពែកមី ប្រជាពលរដ្ឋកម្ពុជាជាច្រើនទទួលស្គាល់ថា ក្រុមកំប្លែងនេះ ពូកែជ្រើសរើសយកឈុត ឆាកសម្តែង និងពាក្យសម្តីប្លែកៗ ធ្វើឲ្យទស្សនិកជនសើចសប្បាយ តែក៏មានចំណុចមួយចំនួនធំ ត្រូវបានគេរិះគន់ ផងដែរ ដោយសារតែពួកគេនិយមយកពាក្យពេចន៍អាសអាភាស ចំអេសចំអាស និងពាក្យមិនគួរគប្បីប្រើមួយ ចំនួនទៀតមកនិយាយស្តីពេលសម្តែង អាចជាការជះឥទ្ធិពលអាក្រក់ដល់អ្នកទស្សនា ជាពិសេសសង្គមកម្ពុជាទាំងមូល ដែលត្រូវបានគេ ទទួលស្គាល់ថា មានវប្បធម៌ល្អថ្លៃថ្នូរនោះផងដែរ។</p>
<p>ពិតកំប្លែងត្រូវតែរកពាក្យប្លែកៗសម្រាប់នាំដល់ការសប្បាយ តែមិនអាចគិតតែការនាំឲ្យសើចសប្បាយ តែមិនគិត ផលប៉ះពាល់ សេចក្តីថ្លៃថ្នូរ និងបង្កប់នូវសារអប់រំល្អដល់អ្នកទស្សនា ព្រមទាំងការឆ្លុះបញ្ចាំងដោយភ្ជាប់ជាមួយ នូវក្រមសីលធម៌ និង ចរិយាធម៌ក្នុងការរស់នៅប្រចាំថ្ងៃរបស់ពលរដ្ឋខ្មែរនោះឡើយ៕</p>
<p><object style="display: block; margin-left: auto; margin-right: auto;" width="513" height="441" data="http://www.youtube.com/v/hw-BqNg3C48&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/hw-BqNg3C48&rel=1" /></object></p>
<p style="text-align: center;"><img src="http://111.92.240.170:81//dap-news/dap-images/2014/January/id-009/saray-007.jpg" alt="Photo by DAP-NEWS" width="550" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-009/saray-008.jpg" alt="Photo by DAP-NEWS" width="550" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-009/saray-009.jpg" alt="Photo by DAP-NEWS" width="550" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-009/saray-010.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-009/S-124.jpg" alt="" width="550" /></p>
<p style="text-align: center;"><strong>លោក ឯម ច័ន្ទមករា អគ្គលេខាធិការក្រុមប្រឹក្សាសកម្មភាពជនពិការ សំណេះសំណាលជាមួយជនពិការកម្ពុជា</strong></p>
<p style="text-align: right;"><a href="http://www.lookingtoday.com/index.php/entertainment-general-news/28713-2014-03-20-23-02-26.html" target="_blank">ផ្តល់សិទ្ធដោយ ៖ ដើមអម្ពិល</a></p>