<p>លោកប្រធានាធិបតីអាមេរិក Barack Obama បាននិយាយសារភាពតិចៗ ប៉ុន្ដែត្រូវមីក្រូហ្វូនស្រូបសម្លេងបាន ៖ “ខ្ញុំបានបោះបង់បារីហើយ នោះព្រោះតែខ្លាចប្រពន្ធ។</p>
<p style="text-align: center;"><br /> <a class="thickbox" title="" href="/FileManager/Commons/2013/9/24/obama-24-09-2013--17-25-23.jpg"><img src="/FileManager/Articles/mce/2013/9/24/obama-24-09-2013--17-25-23.jpg" alt="" /></a><br /><em>ប្រធានាធិបតី Obama និងភរិយា Michelle</em></p>
<p>មេដឹកនាំរបស់អាមេរិករូបនេះ បានបង្ហើបព័ត៌មានខាងលើ នៅក្រៅព្រឹត្តិការណ៍មហាសន្និបាតអង្គការសហប្រជាជាតិ នៅក្រុង New York ស្ដីអំពីសារសំខាន់នៃសង្គមស៊ីវិល កាលពីថ្ងៃទី ២៣កញ្ញា ឆ្នាំ២០១។<br /><br />នៅក្នុងខ្សែអាតសម្លេងមួយដែលត្រូវបានអ្នកសារព័ត៌មានអាមេរិកថតបាន លោក Obama កំពុងឈរជជែកគ្នា ក្រោយកិច្ចប្រជុំ និងបានសួរបុរសម្នាក់ឈរនៅក្បែរថា លោកបានបោះបង់បារីហើយ ឬនៅ។ នៅពេលបុរសនៅក្បែរនោះសួរត្រឡប់មកវិញ លោក Obama ឆ្លើយតបដោយសប្បាយថា ៖ “រយៈពេល ៦ឆ្នាំមកនេះ ខ្ញុំមិនបានជក់បារីមួយដើមណានោះទេ។ នោះក៏ដោយសារតែខ្ញុំខ្លាចប្រពន្ធ” ។<br /><br />ការសន្ទនាដ៏ខ្លីខាងលើ ត្រូវបានមីក្រូហ្វូនថតសម្លេងបាន ដោយអ្នកទាំងពីរមិនបានដឹងខ្លួនសោះ។ លោក Obama ធ្លាប់បានញៀនបារីអស់មួយរយៈពេលវែង ហើយលោកបានហៅខ្លួនឯងថា ជាមនុស្សញៀនបារី នៅក្នុងសៀវភៅកំណត់ហេតុវ័យក្មេងរបស់គាត់ ដែលមានឈ្មោះថា “ក្ដីស្រមៃពីឪពុកខ្ញុំ” ។<br /><br />គួររំឭកថា ទម្លាប់ជក់បារី និងការខិតខំដើម្បីបោះបង់ទម្លាប់នេះរបស់លោក Obama បានក្លាយជាប្រធានបទសំខាន់នៅលើទំព័រសារព័ត៌មានអាមេរិក ចាប់តាំងពីលោកចូលរួមប្រជែកយកកៅអីប្រធានាធិបតី នាឆ្នាំ ២០០៨ ។<br /><br />ក្នុងឆ្នាំដំបូងនៃការឡើងធ្វើជាប្រធានាធិបតី លោក Obama បានបង្ហើបឱ្យដឹងថា ខ្លួនបានបោះបង់បារីអស់ ៩៥% ប៉ុន្ដែក៏បានសារភាពថា ជួនកាលក៏លួចជក់ខ្លះ។<br /><br />អ្នកនាំពាក្យរបស់សេតវិមាន លោក Robert Gibbs កាលពីខែតុលា ឆ្នាំ ២០១០ ឱ្យដឹងថា លោក Obama បោះបង់បារី បាន ៩ខែ ហើយលោកកំពុងព្យាយាមបោះបង់បារីទាំងស្រុង បើទោះជាមានសម្ពាធខ្លាំងពីការងារក៏ដោយ។<br /><br />លោកស្រី Michelle Obama ដែលជាសកម្មជនផ្នែកសុខភាពសាធារណៈ ធ្លាប់បានបង្ហាញអំពីការមិនចូលចិត្តស្វាមីជក់បារី ប៉ុន្ដែ លោកស្រីឱ្យដឹងថា លោក Obama មិនដែលជក់បារីនៅចំពោះមុខកូនៗនោះដែរ។ កាលពីខែកុម្ភៈ ឆ្នាំ ២០១១ លោកស្រី Michelle Obama ក៏បានថ្លែងថា ស្វាមីរបស់លោកស្រី បោះបង់បារីបានមួយឆ្នាំទៅហើយ។<br /><br /></p>
<p><object style="display: block; margin-left: auto; margin-right: auto;" width="478" height="410" data="http://www.youtube.com/v/JrxC-Md4Kyc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/JrxC-Md4Kyc&rel=1" /></object></p>
<p> </p>
<p style="text-align: right;">ដោយ ៖ តារា<br />ប្រភព ៖ nydailynews<br /><br /></p>
<p> </p>
<p> </p>