<p><strong>ព័ត៌មានអន្តរជាតិ ៖</strong> សហរដ្ឋអាមេរិក និង អង្គការសហប្រជាជាតិ បានថ្កោលទោស ចំពោះការវាយ ប្រហារជាបន្តបន្ទាប់ រវាងគ្នានឹងគ្នា ពីសំណាក់ ក្រុមឧទ្ទាម តំបន់ហ្គាសា ក្រុម ហាម៉ាស់ និង អ៊ីស្រា អែល កាលពីថ្ងៃសុក្រទៅនេះ ដោយ នៅ ក្នុងនោះ ទទូច និងជម្រុញអោយទាំងពីរភាគី ងាកក្រឡេក ទៅរកបទឈប់បាញ់ជាបន្តទៀត នេះបើយោងតាមការដកស្រង់ សម្រង់អត្ថបទផ្សាយ ពីទំព័រប៊ីប៊ីស៊ី</p>
<p><a class="thickbox" title="" href="/FileManager/Commons/2014/8/9/14-09-08-2014--09-32-23.jpg"><img src="/FileManager/Articles/mce/2014/8/9/14-09-08-2014--09-32-23.jpg" alt="" /></a></p>
<p>គួរបញ្ជាក់ថា អ៊ីស្រាអែល បានបើកប្រតិបត្តិការ បាញ់បោះគ្រាប់រ៉ុកកែតវាយប្រហារតាមអាកាសចូល ទៅកាន់តំបន់ហ្គាសាភ្លាមៗ ក្រោយពីបទឈប់បាញ់ បញ្ជប់ ភ្លាមៗ ពោលជាការឆ្លើយតប បន្ទាប់ពី ក្រុមហាម៉ាស់ វាយប្រហារ មកលើខ្លួន ។ យ៉ាងណាមិញ លោក Josh Earnest អ្នកនាំពាក្យ តំណាង អោយសេតវិមានសហរដ្ឋអាមេរិក គូសបញ្ជាក់អោយដឹងថា ភាគី ទាំងពីរ គួរណា ងាកក្រឡេក និង ចាប់យកកិច្ចព្រមព្រៀង ស្តីពីបទឈប់បាញ់ ប្រកបដោយ និរន្តភាព ។</p>
<p><a class="thickbox" title="" href="/FileManager/Commons/2014/8/9/11-09-08-2014--09-32-32.jpg"><img src="/FileManager/Articles/mce/2014/8/9/11-09-08-2014--09-32-32.jpg" alt="" /></a></p>
<p><a class="thickbox" title="" href="/FileManager/Commons/2014/8/9/10-09-08-2014--09-32-51.jpg"><img src="/FileManager/Articles/mce/2014/8/9/10-09-08-2014--09-32-51.jpg" alt="" /></a></p>
<p>យ៉ាងណាមិញ សេចក្តីថ្លែងការណ៍ ពីអង្គការ សហ ប្រជាជាតិ បានបញ្ជាក់អោយដឹងថា ភាពឈឺចុក ចាប់ និងរបួសដល់បណ្តា ជនស៊ីវិល វាគឺជាការរំខានមួយ ។ គួរបញ្ជាក់ថា ក្រុមឧទ្ទាម ហាម៉ាស់ បាន ធ្វើការបដិសេធ និងច្រាលចោល ការបន្តបទឈប់បាញ់ ក្រោយពី អ៊ីស្រាអែល បរាជ័យក្នុងការ តម្រូវ ទៅតាមតម្រូវការរបស់ខ្លួន ។ អង្គការសហប្រជាជាតិ បន្ត បញ្ជាក់អោយដឹងថា អំពើហឹង្សា ក្នុងការ វាយប្រហារ រយៈពេល ៤ សប្តាហ៍ ចុងក្រោយនេះ បាន បណ្តាលអោយ មនុស្ស ច្រើនជាង ១៩០០ នាក់ស្លាប់បាត់បង់ជីវិត ភាគច្រើនជាពលរដ្ឋ ស៊ីវិល ដោយឡែក នៅឯភាគី ដែនអធិបតេយ្យភាព ប្រ ទេសអ៊ីស្រាអែល ឯណោះ របាយការណ៍ បញ្ជាក់ បានថា មានមនុស្ស ៦៧ នាក់ ស្លាប់បាត់បង់ជីវិត ក្នុងនោះ ៣ នាក់ ជាពលរដ្ឋស៊ីវិល ៕</p>
<p><a class="thickbox" title="" href="/FileManager/Commons/2014/8/9/12-09-08-2014--09-32-42.jpg"><img src="/FileManager/Articles/mce/2014/8/9/12-09-08-2014--09-32-42.jpg" alt="" /></a></p>
<p><object width="500" height="428" data="http://www.youtube.com/v/ZDQx4MxmaA8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/ZDQx4MxmaA8&rel=1" /></object></p>
<p><object width="502" height="430" data="http://www.youtube.com/v/mDQIuYtFVrQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/mDQIuYtFVrQ&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>