<p><strong>ភ្នំពេញ៖</strong> ក្រសួងសេដ្ឋកិច្ច និង ហរិញ្ញវត្ថុ បានចេញសេចក្តីព្រមាន ដល់ក្រុមហ៊ុនសង់សាងបុរី និង<br />ផ្ទះល្វែង សម្រាប់លក់ចំនួន ១៣ក្រុមហ៊ុន ឲ្យមក សុំអជ្ញាប័ណ្ណស្របច្បាប់ និងហាមមិនឲ្យ ប្រជា<br />ពលរដ្ឋទិញនោះទេ ដ៏រាបណាក្រុមហ៊ុនទាំងនោះ មិនមានច្បាប់អនុញ្ញាតត្រឹមត្រូវ ពីរាជរដ្ឋាភិបាល។</p>
<div class="article-content">
<p>យោងតាម សេចក្តីជូនដំណឹង របស់ក្រសួងសេដ្ឋកិច្ច និងហិរញ្ញវត្ថុ ដែលចុះហត្ថលេខាដោយលោក<br /> ងី តាយី រដ្ឋលេខាធិការ ក្រសួងសេដ្ឋកិច្ច និង ហិរញ្ញវត្ថុ និងជាប្រធាន ក្រុមការងារអន្តរក្រសួង ដើម្បី<br />គ្រប់គ្រង អាជីវកម្មអភិវឌ្ឍន៍អចលនទ្រព្យ ចេញនៅថ្ងៃទី១៧ ខែមិថុនា ឆ្នាំ២០១៣ ដែល មជ្ឈមណ្ឌល<br />ព័ត៌មាន ដើមអម្ពិល ទើបតែទទួលបាន នៅថ្ងៃទី៦ ខែកក្កដា ឆ្នាំ២០១៣ បានឲ្យដឹងថា ក្រុមហ៊ុនចំនួន<br />ទាំង ១៣ នោះមានដូចជា ១.សំណង់ផ្ទះល្វែងទំនើប ចោម ចៅ, ២.បុរី សម្បូរមាស, ៣.អាផាតមិន <br />Sonatra Grand Realty, ៤.រុង រឿង, ៥.បុរី សូនី, ៦.សំណង់ផ្ទះល្វែង តុល លន, ៧.សំណង់ផ្ទះល្វែង<br /> ឧត្តម មានជ័យ, ៨.បុរី ឧទ្យាន តា ង៉ូវ, ៩.បុរី គៀង ហ៊ត, ១០.បុរី EU (កំពង់ចម្លង អរិយក្សត្រ), ១១.<br />សំណង់ផ្ទះល្វែង ហុក ឈាងលី និងលោកស្រី ហ៊ីង រ៉ាវី, ១២.សំណង់ផ្ទះល្វែង លោកស្រី អ៊ីវ ឈាន <br />និង ១៣.បុរី អាកាសចរណ៍ ។</p>
<p>សេចក្តីជូនដំណឹងបន្តថា ក្រុមហ៊ុននោះ ត្រូវរួសរាន់មកដាក់ពាក្យ ស្នើសុំអាជ្ញាប័ណ្ណ ឲ្យបានមុនថ្ងៃ<br />ទី១៥ ខែកក្កដា ឆ្នាំ២០១៣ ករណីយឺតយ៉ាវ ឬ ព្រងើយកន្ដើយ មិនព្រមដកដាក់ពាក្យ ឬមកបំភ្លឺអំពី<br />មូលហេតុ នៃការយឺតយ៉ាវ ក្រុមការងារអន្ដរក្រសួង ដើម្បីគ្រប់គ្រងអាជីវកម្ម អភិវឌ្ឍន៍អចលនវត្ថុ <br />និងអនុវត្ត ទៅតាមផ្លូវច្បាប់ជាធរមាន ។</p>
<p>ប្រភពព័ត៌មានដដែល បានសង្កត់ធ្ងន់ថា «ក្រសួងសេដ្ឋកិច្ច និងហិរញ្ញវត្ថុ សូមអំពាវនាវ ចំពោះ<br />សាធារណជនមេត្តាជ្រាបផងដែរថា មុននឹងសម្រេច ចិត្តទិញលំនៅឋាន នៅការដ្ឋានសំណង់ ឬ<br />បុរីណាមួយ ត្រូវពិនិត្យលើភាពស្របច្បាប់ របស់ការដ្ឋាន ឬបុរីទាំងនោះជាមុនសិន» ។</p>
<p>សូមជម្រាបថា ដើម្បីឆ្លើយតបនឹងតម្រូវការរស់នៅ របស់ប្រជាពលរដ្ឋ នៅទីក្រុងភ្នំពេញ ពីមួយថ្ងៃ<br />ទៅមួយ កាន់តែរីកធំឡើង ដោយមានការសាងសង់ សំណង់ផ្ទះល្វែង កាន់តែច្រើនទៅៗ។ ជាក់<br />ស្តែងក្រុមហ៊ុន ដែលធ្វើការសាងសង់ផ្ទះល្វែង និងបុរី ដើម្បីលក់ជូនប្រជាពលរដ្ឋ មានការកើនឡើង<br /> យ៉ាង ខ្លំាងផងដែរ ដោយក្រុមហ៊ុនមួយចំនួន មានច្បាប់ទម្លាប់ត្រឹមត្រូវ អាចឲ្យពលរដ្ឋ មានទំនុក<br />ចិត្តលើផ្ទះ ដែលខ្លួនបានទិញ។ តែក៏មានក្រុមហ៊ុន មិន មានច្បាប់ ត្រឹមត្រូវមួយចំនួនផងដែរ ដែល<br />ក្រុមហ៊ុនទាំនោះ អាចនឹងសាងសង់ គ្មានកម្រិតស្តង់ដារ នាំឲ្យខាតបង់ដល់ពលរដ្ឋ ដែលទិញផ្ទះពី<br />ក្រុម ហ៊ុន គ្មានច្បាប់ទម្លាប់ទាំងនោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0076.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0077.jpg" alt="" width="500" /></p>
</div>