<p><span style="color: #000000;"><strong>ភ្នំពេញ៖</strong> តារាស្រីសម្ដីមុតស្រួច ពេជ្រ សេរីរ័ត្ន កន្លងមកធ្លាប់តែដើរតួ ជាអ្នកសម្ភាសន៍ អ្នកសិល្បៈគ្រប់ស្រទាប់ នៅក្នុងកម្មវិធី «តុបំភ្លឺ» នៅពេលដែលអ្នកសិល្បៈទាំងនោះ បានពើបប្រទះ នឹងព័ត៌មានរសើបម្តងៗ ដើម្បីឲ្យមានការបកស្រាយពី រឿងរ៉ាវ និងជីវិតពិត ឲ្យមហាជនបានដឹង។ ប៉ុន្តែនៅប៉ុន្មានថ្ងៃចុងក្រោយនេះ គេបែរជាឃើញ ពិធីការិនីរូបនេះ បែរជាជួបប្រទះព័ត៌មាន គួរឲ្យភ្ញាក់ផ្អើមមួយ ដោយមានការចោទប្រកាន់ថា នាងដណ្តើមប្តីគេ ពោលហៅគេថា«ប្ដី»ពេញៗមាត់ឌឺដង ដាក់ភរិយាគេ រហូតដល់គេទ្រាំមិនបាន ទៅរករឿងដល់ផ្ទះ ។</span></p>
<p><span style="color: #000000;">យ៉ាងណាមិញ ក្រោយពីមានព័ត៌មានបែបនេះ លេចឮភ្លាម តារាស្រី នាង ពេជ្រ សេរីរ័ត្ន បានប្រញាប់ប្រញាល់ប្រតិកម្មតបតភ្លាមៗ ទៅនឹងការរិះគន់ថា ជារឿងមិនពិត នាងមិនដែលមាន ទំនាក់ទំនងស្នេហា ជាមួយប្តីគេនោះទេ ។</span></p>
<p><span style="color: #000000;">ពេលថ្មីៗនេះ តារាសម្តែង និងជាពិធីការិនីរូបស្រស់ សម្បូរអាថ៌កំបាំងស្នេហា ប្រចាំស្ថានីយទូរទស្សន៍ MyTV ពេជ្រ សេរីរ័ត្ន បានជួបប្រទះនឹងការរិះគន់យ៉ាងចាស់ដៃ នៅពេលដែលនាង បានថតរូបកៀកកើយ ជាមួយបុរសវ័យជាង៣០ឆ្នាំម្នាក់ ហើយយកមកបង្ហោះ នៅលើបណ្តាញ ទំនាក់ទំនងសង្គម Facebook ជាសាធារណៈហើយពោលពាក្យ ហៅបុរសម្នាក់នោះថា «ប្តី»ពេញៗមាត់ ដោយគេចាត់ទុកថា ជាចេតនា ធ្វើដើម្បីបញ្ឈឺចិត្តភរិយា ដើមរបស់គេ ។ បន្ទាប់ពីមានការបង្ហោះ រូបបែបនេះ មិនទាន់បានប៉ុន្មានផង ស្រាប់តែលេចឮ ព័ត៌មានភ្ញាក់ផ្អើលថា មាននារីម្នាក់ដែលគេស្គាល់ថា ជាភរិយាស្របច្បាប់របស់ បុរសខាងលើនេះ បានទៅរករឿងនាងដល់ផ្ទះ និងគំរាមនាងឲ្យឈប់ទាក់ទងប្តី របស់ខ្លួនថែមទៀតផង ។</span></p>
<p><span style="color: #000000;">បន្ទាប់ពីមានរឿងរ៉ាវលេចឮបែបនេះភ្លាម ពិធីការិនីសម្បូរវោហារស័ព្ទ នាង ពេជ្រ សេរីរ័ត្ន បានចេញមុខបដិសេធ ដោយសរសេរ បង្ហោះនៅលើបណ្តាញទំនាក់ទំនងសង្គម Facebook ថា រឿងគ្រប់យ៉ាងដែលលេចឮ មិនមែនជាការពិតឡើយ ហើយក៏គ្មានអ្នកណាមករករឿងនាង ដូចការលើកឡើងនោះដែរ ។</span></p>
<p><span style="color: #000000;">តារារូបនេះបានសរសេររៀបរាប់ឲ្យដឹងទៀតថា «បុរសម្នាក់នោះ គឺជាមិត្តភក្តិរបស់ខ្ញុំ ហើយរឿងរ៉ាវគ្រប់យ៉ាង គឺជារឿងបំភ្លៃការពិត ការសរសេរព័ត៌មាន គឺគ្មានការសម្ភាសន៍ខ្ញុំឡើយ»៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/22/18-22-10-2015--15-39-19.jpg"><img src="/FileManager/Articles/mce/2015/10/22/18-22-10-2015--15-39-19.jpg" alt="" /></a></span></p>
<p><a class="thickbox" title="" href="/FileManager/Commons/2015/10/22/18a-22-10-2015--15-39-28.jpg"><img src="/FileManager/Articles/mce/2015/10/22/18a-22-10-2015--15-39-28.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/10/22/18-22-10-2015--15-39-19.jpg"></a></span></p>
<p><a class="thickbox" title="" href="/FileManager/Commons/2015/10/22/18b-22-10-2015--15-39-35.jpg"><img src="/FileManager/Articles/mce/2015/10/22/18b-22-10-2015--15-39-35.jpg" alt="" /></a></p>
<p><a class="thickbox" title="" href="/FileManager/Commons/2015/10/22/18c-22-10-2015--15-39-43.jpg"><img src="/FileManager/Articles/mce/2015/10/22/18c-22-10-2015--15-39-43.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>