<p><span style="color: #000000;"><strong>(វ៉ាស៊ីនតោន)៖</strong> ប្រធានាធិបតីអាមេរិកលោក បារ៉ាក់ អូបាម៉ា បានធ្វើការច្រានចោលភ្លាមៗនូវ ការចរចារបស់កូរ៉េខាងជើង ដែលចង់ឲ្យអាមេរិកឈប់ធ្វើសមយុទ្ធ យោធាប្រចាំឆ្នាំ ជាមួយនឹងប្រទេសកូរ៉េខាងត្បូង ជាថ្នូរនឹងការបញ្ឈប់ ធ្វើតេស្តអាវុធនុយក្លេអ៊ែរ ពីសំណាក់កូរ៉េខាងជើង។ នេះបើតាមការ ចេញផ្សាយមុននេះបន្តិច ដោយសារព័ត៌មាន BBC នៅព្រឹកថ្ងៃចន្ទ ទី២៥ ខែមេសា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/4/25/08-25-04-2016--15-20-49.jpg"><img src="/FileManager/Articles/mce/2016/4/25/08-25-04-2016--15-20-49.jpg" alt="" /></a></p>
<p><span style="color: #000000;">លោក អូបាម៉ា បានថ្លែងចំពោះមុខអ្នកសារព័ត៌មាននានា នៅរដ្ឋធានីវ៉ាស៊ីនតោនដូច្នេះថា «<strong>អាមេរិកមិនដែលគិតថា សំណើរបស់កូរ៉េខាងជើងនេះ ជារឿងដែលលំបាកនោះទេ ប៉ុន្តែយើងចង់ឲ្យរដ្ឋាភិបាលទីក្រុងព្យុងយ៉ាង ចាត់វិធានការអ្វីឲ្យប្រសើរខ្លាំងជាងនេះ</strong>»។</span></p>
<p><span style="color: #000000;">គួរបញ្ជាក់ថា រដ្ឋមន្ត្រីការបរទេសកូរ៉េខាងជើងលោក Ri Su-yong បានផ្តល់នូវកិច្ចសម្ភាសន៍ដ៏កម្រ បំផុតមួយដល់អ្នកសារព័ត៌មាន ស្តីអំពីសមយុទ្ធយោធាប្រចាំឆ្នាំរវាងកូរ៉េខាងត្បូង និងអាមេរិក ដោយថាជា ការដុតភាពតានតឹងឲ្យកាន់តែកញ្ជ្រោលឡើង នៅឧបទ្វីបកូរ៉េ។ ការថ្លែងបែបនេះធ្វើឡើងបន្ទាប់ពី កូរ៉េខាងជើងខ្លួនឯង បានធ្វើតេស្តក្បាលគ្រាប់មីស៊ីល បាញ់ចេញពីនាវាមុជទឹក ដែលនាំឲ្យអន្តរជាតិថ្កោលទោសប្រទេសនេះ ក្នុងកម្រិតធ្ងន់ធ្ងរបន្ថែមទៀត៕</span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>
<p><br /><br /></p>