<p><span style="color: #000000;"><strong>ភ្នំពេញ៖</strong> កញ្ញា ឆុំ វត្តី គឺជាតារាសម្តែង និងបង្ហាញម៉ូដ ដែលកំពុងឆក់បានការគាំទ្រច្រើនគួរសម នៅក្នុងទីផ្សារសិល្បៈ ខណៈបច្ចុប្បន្ននេះនាងក្តាប់បានឱកាសតួសម្តែងខ្សែភាពយន្ត ជាបន្តបន្ទាប់។ ពិសេសថ្មីៗនេះ នាងទើបទទួលបានតំណែងតួឯក៣រឿង ផ្សេងគ្នាក្នុងពេលតែមួយ។</span></p>
<p><span style="color: #000000;">ជួបជាមួយគេហទំព័រ LookingTODAYតាមទូរស័ព្ទ នៅរសៀលថ្ងៃទី០៧ ខែតុលា ឆ្នាំ២០១៥នេះ តារាសម្តែង មានវ័យ២៣ ឆ្នាំ កញ្ញា ឆុំ វត្តី បាននិយាយថា បន្ទាប់ពីផ្អាកសិល្បៈ អស់រយៈពេ ល៣ឆ្នាំកន្លងមកនាងក៏បានសម្រេចចិត្ត វិលចូលខ្លួនប្រឡូកជាថ្មីឡើងវិញ កាលពីអំឡុង ដើមឆ្នាំ២០១៣ ដែលគិតរហូតមកដល់ពេលនេះ គឺបានជិត២ឆ្នាំហើយ។ ម្យ៉ាងទៀតអាជីពសិល្បៈ របស់នាងសព្វថ្ងៃនេះ គឺកំពុងមានការមមាញឹក គួសម។</span></p>
<p><span style="color: #000000;">កញ្ញា ឆុំ វត្តី បានបន្តថា «ខ្ញុំរវល់បង ទោះបីជាពេលនេះ ជារដូវវស្សា មានភ្លៀងធ្លាក់ក៏ពិតមែន តែការសម្តែង និង ដើរម៉ូដរបស់ខ្ញុំ នៅតែបន្តមានគេទាក់ទង ហៅជាហូរហែរ។ ដូចជា មុននេះខ្ញុំបានថតរឿង ស្នេហ៍៩ បានតំណែងតួឯក។ ចំណែករឿងក្រោយ ដែលកំពុងតែត្រៀមថត ជាមួយលោក ប៉ែន ចំរ៉ុង ឲ្យខាងអង្គការ លក្ខណៈ ប្រភេទភាពយន្តអប់រំ ក៏បានទទួលបានតំណែង តួឯកដូចគ្នា..»។ </span><br /><span style="color: #000000;">តារាសម្តែងស្រី ដែលកំពុងមានពន្លឺ នៅក្នុងវិថីសិល្បៈ កញ្ញា ឆុំ វត្តី បាននិយាយទៀតថា បើគិតមកទល់ពេលនេះ គឺនាងសម្តែងបានចំនួន៣រឿង មកហើយចាប់តាំងពីវិលចូលសិល្បៈ។ ចំពោះរឿងទាំង៣ ដែលកញ្ញា ឆុំ វត្តី ចូលខ្លួនថត គឺនាងសុទ្ធតែទទួលបានតំណែងធំ មានដូចជា រឿង«សាកលវិទ្យាល័យកំណើតស្នេហ៍ ,ស្នេហ៍៩ »និងរឿង« ស្នេហ៍មិនឈ្នះស្និទ្ធ»ជាប្រភេទរឿងអប់រំ ដែលកំពុងរៀបចំ ដំណើរការថត។</span></p>
<p><span style="color: #000000;">តារាស្រីរូបនេះ បានបន្ថែមថា «បើនិយាយទៅខ្ញុំចូលសិល្បៈជិត៥ឆ្នាំមកហើយ ដោយដំបូងឡើយ ចូលតាមរយៈការប្រឡងកម្មវីធី "ស្រីឆ្លាត-ប្រុសឆា្លត" របស់ទូរទស្សន៍CTN ប៉ុន្តែខ្ញុំអត់បានជាប់លេខទេ គឺជាប់ក្នុងចំណោម មនុស្ស១០នាក់ ក្រោយមកខ្ញុំក៏ផ្អាកមួយរយៈពេល។ ទើបតែ២ឆ្នាំចុងក្រោយនេះទេ ដែលវិលចូលសិល្បៈ ជាប់លាប់ឡើងវិញ រហូតមានឱកាសទទួលបាន ការហៅថតសម្តែង និងដើរម៉ូដ ធ្វើឲ្យការងារសិល្បៈ មានការមមាញឹក »៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/7/50-07-10-2015--17-07-17.jpg"><img src="/FileManager/Articles/mce/2015/10/7/50-07-10-2015--17-07-17.jpg" alt="" /></a></span></p>
<p><a class="thickbox" title="" href="/FileManager/Commons/2015/10/7/51-07-10-2015--17-07-24.jpg"><img src="/FileManager/Articles/mce/2015/10/7/51-07-10-2015--17-07-24.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/10/7/50-07-10-2015--17-07-17.jpg"></a></span></p>
<p><a class="thickbox" title="" href="/FileManager/Commons/2015/10/7/52-07-10-2015--17-07-31.jpg"><img src="/FileManager/Articles/mce/2015/10/7/52-07-10-2015--17-07-31.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>