<p><span style="color: #000000;"><strong>(ភ្នំពេញ)៖</strong> បុរស៣នាក់បានរងរបួសធ្ងន់ធ្ងរ ដោយក្នុងនោះមានម្នាក់ជាអ្នកបើករថយន្ត ត្រូវគៀបជាប់នៅក្នុងកាប៊ីនមុខ នៃរថយន្តកុងតឺន័រ ដឹកកង់ត្រាក់ទ័រធុនធំមួយគ្រឿង ក្រោយពីជនរងគ្រោះម្នាក់ បើកម៉ូតូទៅបុកទម្លុះចូលរថយន្ត យ៉ាងពេញទំហឹង ស្ថិតចំណុចផ្លូវរទេះភ្លើង តាមបណ្តោយផ្លូវជាតិលេខ៤ ក្នុងសង្កាត់កន្ទោក ខណ្ឌ ពោធិ៍សែនជ័យ នៅវេលាម៉ោង១០៖៤៥នាទី យប់ថ្ងៃទី១៤ ខែមករា ឆ្នាំ២០១៥ នេះ ដែលមើលទៅគួរឲ្យញាក់សាច់ និងរន្ធត់យ៉ាងខ្លាំង។</span></p>
<p><span style="color: #000000;">ភ្នាក់ងារព័ត៌មាន បានឲ្យដឹងថា មុនពេលកើតហេតុ បុរសម្នាក់ជិះម៉ូតូមួយគ្រឿង ម៉ាកសង់ ឌ្រីមសេ១២៥ ស៊េរីឆ្នាំ២០០៩ ពណ៌ខ្មៅ ពាក់ស្លាកលេខ កំពង់ស្ពឺ 1D-2197 ជិះតែម្នាក់ឯង តាមបណ្តោយផ្លូវជាតិលេខ៤ ទិសដៅពីកើតទៅលិច។ លុះមកដល់ចំណុចកើតហេតុ បុរសខាងលើ ក៏បានរេចង្កូតចូលទៅខាងស្តាំផ្លូវ ស្រាប់តែបុកផ្ទប់នឹង រថយន្តកុងតឺន័រមួយគ្រឿង ចំពីមុខពេញទំហឹងលាន់ស្នូរដូចរន្ទះ បណ្តាលឲ្យពួកគេទាំង៣នាក់រងរបួសធ្ងន់ ក្នុងនោះអ្នកបើករថយន្តកុងតឺន័រត្រូវគៀបជាប់ នៅក្នុងកាប៊ីន ខណៈព្រូរថយន្តម្នាក់ទៀត ក៏រងរបួសធ្ងន់ផងដែរ។</span></p>
<p><span style="color: #000000;">ក្រោយកើតហេតុ ក្រុម៧១១ នៃកងពលតូចលេខ៧០ បានបញ្ជូនឧបករណ៍មកកាត់ និងអារ ដើម្បីយកជនរងគ្រោះ ដែលគៀបជាប់នោះ ចេញមកក្រៅ ហើយជួយដឹក ពួកគេទាំង៣នាក់ទៅសង្គ្រោះនៅមន្ទីរពេទ្យភ្លាមៗផងដែរ។ ដោយឡែកម៉ូតូ និងផ្នែកខាងមុខ នៃរថយន្តត្រូវ រងការខូចខាតស្ទើរតែទាំងស្រុង។ ក្រោយកើតហេតុសមត្ថកិច្ចមូលដ្ឋាន បានសហការជាមួយជំនាញ ចុះអន្តរាគមន៍វាស់វែងអូសយកទាំងរថយន្ត និងម៉ូតូទៅរក្សាទុកនៅការិយាល័យចរាចរណ៍ជើងគោក រាជធានីភ្នំពេញរង់ចាំដោះស្រាយនៅ ពេលក្រោយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/15/1-15-2016-8-34-59-am-15-01-2016--08-42-52.png"><img src="/FileManager/Articles/mce/2016/1/15/1-15-2016-8-34-59-am-15-01-2016--08-42-52.png" alt="" /></a></span></p>
<p><a class="thickbox" title="" href="/FileManager/Commons/2016/1/15/1-15-2016-8-34-37-am-15-01-2016--08-43-04.png"><img src="/FileManager/Articles/mce/2016/1/15/1-15-2016-8-34-37-am-15-01-2016--08-43-04.png" alt="" /></a></p>
<p><a class="thickbox" title="" href="/FileManager/Commons/2016/1/15/1-15-2016-8-34-21-am-15-01-2016--08-43-15.png"><img src="/FileManager/Articles/mce/2016/1/15/1-15-2016-8-34-21-am-15-01-2016--08-43-15.png" alt="" /></a></p>
<p><a class="thickbox" title="" href="/FileManager/Commons/2016/1/15/1-15-2016-8-33-57-am-15-01-2016--08-43-26.png"><img src="/FileManager/Articles/mce/2016/1/15/1-15-2016-8-33-57-am-15-01-2016--08-43-26.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>