<p><span style="color: #000000;">ក្រុមអ្នកវិទ្យាសាស្ដ្រយល់ថា សក់របស់លោក Obama ស្កូវ បន្ទាប់ពីធ្វើប្រធានាធិបតី៨ឆ្នាំ ក្រៅ</span><br /><span style="color: #000000;">ពីមូលហេតុសម្ពាធការងារ ក៏នៅមានមូលហេតុតំណពូជផងដែរ។</span></p>
<p><span style="color: #000000;"><a class="thickbox" title="" href="/FileManager/Commons/2016/12/30/obama-30-12-2016--10-45-58.jpg"><span style="color: #000000;"><img src="/FileManager/Articles/mce/2016/12/30/obama-30-12-2016--10-45-58.jpg" alt="" /></span></a></span></p>
<p><span style="color: #000000;">កាលពីឆ្នាំ ២០១១ នៅពេលត្រូវបានអ្នកសារព័ត៌មានសួរថា ហេតុអ្វីសក់ប្រែជាស្កូវច្រើន ពេល</span><br /><span style="color: #000000;">នោះលោក Obama ឆ្លើយថា គឺដោយសារហ្សែន មិនមែនដោយសារសម្ពាធការងារនោះទេ។</span></p>
<p><span style="color: #000000;">លោក Obama និយាយថា “សក់របស់តាខ្ញុំស្កូវ នៅពេលគាត់មានអាយុ ២៩ឆ្នាំ។ យ៉ាងនេះហើយ</span><br /><span style="color: #000000;"> ខ្ញុំគិតថា ខ្ញុំក៏ដូច្នេះដែរ”។</span></p>
<p><span style="color: #000000;">ទំព័រ Live Science ឱ្យដឹងថា អ្នកវិទ្យាសាស្ដ្រមួយចំនួនយល់ថា ការបកស្រាយរបស់លោក </span><br /><span style="color: #000000;">Obama គឺជាការត្រឹមត្រូវ។ តំណពូជគឺជាកត្តាសំខាន់ក្នុងការកំណត់ឱ្យមានសក់ស្កូវ។ យោង</span><br /><span style="color: #000000;">តាមការសិក្សាស្រាវជ្រាវ អាយុដែលសក់ចាប់ផ្ដើមស្កូវរបស់ជនជាតិអាមេរិកស្បែកស ដើម</span><br /><span style="color: #000000;">កំណើតអឺរ៉ុបគឺ ៣៥, ជនជាតិអាស៊ី គឺជិត ៤០ ខណៈដែលជនជាតិអាហ្វ្រិកគឺប្រហែល ៤៥។ </span><br /><span style="color: #000000;">លោក Obama មានម្ដាយជាជនជាតិស្បែកស និងឪពុកជាជនជាតិអាហ្វ្រិក ដូច្នេះ ការដែលសក់</span><br /><span style="color: #000000;">របស់លោកចាប់ផ្ដើមស្កូវនៅពេលមានអាយុ ៤០ឆ្នាំ គឺជារឿងធម្មតា។</span></p>
<p><span style="color: #000000;">អ្នកវិទ្យាសាស្ដ្រមួយចំនួន មិនយល់ស្របជាមួយនឹងមតិដែលថា សក់លោក Obama ស្កូវគឺដោយ</span><br /><span style="color: #000000;">សារសម្ពាធការងារ។</span></p>
<p><span style="color: #000000;">Gerald Weissmann និពន្ធនាយកនៃទស្សនាវដ្ដី FASEB ឱ្យដឹងថា “ចូរមើលទៅលើកម្លោះអេហ្សីប</span><br /><span style="color: #000000;"> ឬលីប៊ី ឬទាហានអ៊ីស្រាអែល សក់របស់ពួកគេមិនស្កូវនោះទេ ខណៈដែលថ្ងៃណាក៏រស់ក្នុងភាព</span><br /><span style="color: #000000;">ភ័យខ្លាច និងគ្រោះថ្នាក់។ នោះគឺហ្សែន មានតែហ្សែនប៉ុណ្ណោះ”។</span></p>
<p><span style="color: #000000;">ប៉ុន្តែ មិនមែនអ្នកវិទ្យាសាស្ដ្រណាក៏យល់ស្របជាមួយនឹងមតិរបស់ Weissmann ។ Andrzej </span><br /><span style="color: #000000;">Slominski គ្រូពេទ្យផ្នែករោគស្បែកនៅមន្ទីរពេទ្យសកលវិទ្យាល័យ Tennessee អាមេរិក អះអាង</span><br /><span style="color: #000000;">ថា ក្រៅពីកត្តាហ្សែន ក៏មានភ័ស្ដុតាងបញ្ជាក់ថា កត្តាសម្ពាធការងារក៏ធ្វើឱ្យសក់ឆាប់ស្កូវ។</span></p>
<p><span style="color: #000000;">Ralf Paus អ្នកជំនាញការមកពីសកលវិទ្យាល័យ Luebeck អាល្លឺម៉ង់ បញ្ជាក់ថា ភាពតានតឹងផ្លូវ</span><br /><span style="color: #000000;">ចិត្ត អាចធ្វើឱ្យរាងកាយផលិត រ៉ាឌីកាល់សេរី និងប៉ះពាល់ដល់ ម៉េឡានីន (កោសិកាពណ៌ដែល</span><br /><span style="color: #000000;">កំណត់ពណ៌របស់សក់) នាំឱ្យសក់ស្កូវ៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Live Science/CNN</span></p>