<p><span style="color: #000000;">ព័ត៌មានអន្តរជាតិ ៖ គ្រោះធម្មជាតិ នៃ ភ្លើងឆេះព្រៃ ដ៏សាហាវ នៅឥណ្ឌូនេស៊ី ត្រូវបានគេស្តីបន្ទោស ដោយដាក់បន្ទុកនៃទំនួលខុសត្រូវ ទៅលើ ការធ្វើអោយមានផលប៉ះពាល់ឆ្លងមេរោគផ្លូវដង្ហើម ដល់ ប្រជាពលរដ្ឋ កន្លះលាននាក់ ខណៈដែលលទ្ធផលនៃការសាយភាយ ផ្សែងភ្លើងឆេះព្រៃ ត្រូវបានគេ មើលអោយឃើញថា បានគ្រប់ដណ្តប់ទាំងស្រុក លើផ្ទៃដី ប្រទេសជិតខាង ម៉ាឡេស៊ី និង សឹង្ហបុរី ជាមួយនឹងបរិបទនៃការឥទ្ធិពលអាក្រក់នេះ ត្រូវបានគេពណ៌នាអោយដឹងថា ជាឧក្រិដ្ឋកម្ម ប្រឆាំង មនុស្សជាតិ ។ </span></p>
<p><a class="thickbox" title="" href="/FileManager/Commons/2015/10/28/10-28-10-2015--13-57-48.jpg"><img src="/FileManager/Articles/mce/2015/10/28/10-28-10-2015--13-57-48.jpg" alt="" /></a></p>
<p><span style="color: #000000;">ផ្ទៃដី ព្រៃឈើ រាប់ពាន់ហិចតា រងនូវការឆេះខ្ទេចខ្ទីក្នុងរយៈពេល ច្រើនជាង ២ ខែកន្លងមកនេះគឺជា លទ្ធផល នៃការកាប់ឆ្ការ និងដុតទន្រ្ទាន ដែលជាវិធីសាស្រ្តដ៏មានប្រសិទ្ធភាព និងលឿនបំផុត ក្នុង ការស្តារផ្ទៃដីចម្ការថ្មី នៅឥណ្ឌូនេស៊ី ។ គួរបញ្ជាក់ថា ឥណ្ឌូនេស៊ី គឺជាប្រជាជាតិដែលមានការផលិត ប្រេងដូង ធំជាង គេ បំផុតក្នង ពិភពលោក ខណៈគ្រោះថ្នាក់ ភ្លើង ឆេះព្រៃជាញឹកញ៉ាប់ កើតមាន ឡើង ដោយចេតនា ដោយមានការដុតផ្ទៃដីព្រៃឈើ តែងតែនាំមកលទ្ធផល ផ្សែងអ័ព្ទ គ្រោះថ្នាក់ជា ប្រចាំ ឆ្នាំ ជាមួយនឹងគ្រោះធម្មជាតិដដែលៗ ដ៏ឈឺក្បាលប្រការនេះ ។ </span></p>
<p><a class="thickbox" title="" href="/FileManager/Commons/2015/10/28/10a-28-10-2015--13-57-56.jpg"><img src="/FileManager/Articles/mce/2015/10/28/10a-28-10-2015--13-57-56.jpg" alt="" /></a></p>
<p><span style="color: #000000;">គ្រោះថ្នាក់ភ្លើងឆេះព្រៃចុងក្រោយបំផុត នៅឥណ្ឌូនេស៊ីលើកនេះ ត្រូវបាន គេចាត់ចូលជាគ្រោះធម្ម ជាតិអាក្រក់បំផុត នាំមកនូវលក្ខខ័ណ្ឌអាកាសធាតុ ពុល លើផ្ទៃដី នៅក្នុងតំបន់ តួយ៉ាង នៅលើផ្ទៃដី ឆេះដើម កោះស៊ូម៉ាត្រ និង កោះ Kalimantan លក្ខខ័ណ្ឌគុណភាពនៃការបំពុលខ្យល់ កើនខ្ពស់ដល់ ទៅ 2,000 ឯណោះ Pollutant Standard Index (PSI) ។ របាយការណ៍ បញ្ជាក់ថា កាលណា PSI កើនខ្ពស់លើសពី ៣០០ នោះ ត្រូវបានចាត់ចូល កម្រិតមានគ្រោះថ្នាក់ ។ </span></p>
<p><span style="color: #000000;">មិនត្រឹមតែប៉ុណ្ណោះ ពូជសត្វព្រៃដែលជិតផុតពូជរួមមានដូចជា ពូជស្វា កម្រ orangutans បង្ខំចិត្ត ភៀសខ្លួនចេញពីតំបន់ភ្លើងឆេះព្រៃដីសាហាវខាងលើ នៃដីកោះ ស៊ូម៉ាត្រា ប្រទេស ឥណ្ឌូនេស៊ី ។ ៦ ខេត្ត លើទឹកដី ប្រទេស ឥណ្ឌូនេស៊ី ប្រកាសចាត់ចូល ជារដ្ឋ កំពុងមានអាសន្ន ។ ច្រើនជាងការ បំពុលអាកាសធាតុក្នុងទឹកដីកំណើត ឥណ្ឌូនេស៊ី ភ្លើងឆេះព្រៃ ដីកោះ ស៊ូម៉ាត្រ បង្កជាផលប៉ះពាល់ជាខ្លាំងដល់ប្រទេសជិតខាង ម៉ាឡេស៊ី និងសឹង្ហបុរី ពោល ហេដ្ឋារចនាសម្ព័ន្ធមួយចំនួនប្រកាសបិទ ទ្វារជាបណ្តោះអាសន្ន រួមមានដូចជា ៖ គ្រឹះស្ថានអប់រំ និង អាកាសយានដ្ឋានអន្តរជាតិ ។ </span></p>
<p><a class="thickbox" title="" href="/FileManager/Commons/2015/10/28/10b-28-10-2015--13-58-04.jpg"><img src="/FileManager/Articles/mce/2015/10/28/10b-28-10-2015--13-58-04.jpg" alt="" /></a></p>
<p><span style="color: #000000;">ដីកំណើតនៃទឹកដីកោះ ស៊ូម៉ាត្រា ក៏ដូចជា កោះ Kalimantanដែលបានបង្កជាភ្លើងឆេះព្រៃដ៏សាហាវ ក្នុងទំព័រប្រវត្តិសាស្រ្តនោះ បានឆក់យកអាយុជីវិត មនុស្ស ១០ នាក់ ខណៈ ជាង កន្លះលាននាក់ ផ្សេងទៀត មកពីក្នុងតំបន់រងនូវផលប៉ះពាល់ផ្លូវដង្ហើម ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ theguardian</span></p>