<div class="article-content">
<p><strong>ព្រះសីហនុ ៖</strong> ករណីផ្ទុះរឿងអាស្រូវ លុយបំណុលថ្លៃប្រើប្រាស់ចរន្ដអគ្គិសនីរដ្ឋ នៅខេត្ដ<br />ព្រះសីហនុរាប់ពាន់លានរៀល ដោយសារតែអតិថិជនជំពាក់ បាន និងកំពុង ធ្វើឱ្យមានការ<br />ភ្ញាក់ផ្អើលពេញអង្គភាព ក៏ ដូចជានៅក្នុងក្រសួងឧស្សាហកម្មផងដែរ ។</p>
<p>បានជាគេនាំគ្នា ភ្ញាក់ផ្អើលព្រោះធម្មតា ការជាវភ្លើងរដ្ឋយកទៅប្រើប្រាស់ ដាច់ខែ អង្គភាព<br />អគ្គិសនី តែងតែចេញវិក័យបត្រ យកទៅទូទាត់ថ្លៃប្រើប្រាស់ ហើយបើអតិថិ ជនណាម្នាក់<br />ខកខានក្នុងការទូទាត់ ហួស កាលកំណត់ ទោះជាតួលេខលុយតិចតួចក្ដីក៏ អង្គភាពអគ្គិសនី<br />ច្បាស់ជាចុះ ទៅបិទកុងទ័រ ឬកាត់ខ្សែភ្លើងឈប់ឱ្យប្រើប្រាស់តទៅទៀត ទាល់តែអតិថិជន<br />ជាកូន បំណុលយកលុយ ទៅទូទាត់ថ្លៃប្រើប្រាស់ និងបង់ផាកពិន័យ រួចហើយ ទើបមន្ដ្រី<br />អគ្គិសនីចុះទៅបើកភ្លើង ឱ្យប្រើប្រាស់ឡើងវិញ។ចុះហេតុអ្វីបានជា អង្គភាពអគ្គិសនីខេត្ដ<br />ព្រះសីហនុ បណ្ដែត បណ្ដោយទុកឱ្យអតិថិជនជំពាក់ថ្លៃប្រើប្រាស់ រហូតដល់រាប់ពាន់លាន<br />រៀលដូច្នេះទៅវិញ។</p>
<p>តើប្រធានអង្គភាព (ប្រធានចាស់) និង អនុប្រធានទទួលបន្ទុកអាជីវកម្ម បានផល ប្រយោជន៍<br />អ្វីពីការជំពាក់របស់អតិថិជន ខាងលើនេះ ? តើមានអាថ៌កំបាំងអ្វីបង្កប់ពី ក្រោយខ្នង នៃប្រាក់<br />ជំពាក់ថ្លៃប្រើប្រាស់ ចរន្ដអគ្គិសនីនេះ បានជាគេទុកឱ្យអតិថិជន ជំពាក់រហូតដល់រាប់ពាន់<br />លានរៀលយ៉ាង ដូច្នេះទៅវិញ ។</p>
<p>សូមបញ្ជាក់ថា អង្គភាពអគ្គិសនីខេត្ដ ព្រះសីហនុ ពីមុនមកមានលោក ជា ពុទ្ធី ជា ប្រធាន<br /> និងលោក គី វុឌ្ឍី ជាអនុប្រធាន ទទួលបន្ទុកអាជីវកម្ម។ប៉ុន្ដែក្រោយពីបង្កើត រាជរដ្ឋាភិបាលថ្មី<br /> ក្រសួងឧស្សាហកម្មផ្លាស់ ប្ដូររដ្ឋមន្ដ្រី ប្រធានអង្គភាពអគ្គិសនីខេត្ដព្រះ សីហនុ ក៏ត្រូវបានប្ដូរដែរ<br /> កាលពីប៉ុន្មានថ្ងៃ មុននេះ ដោយលោក ជា ពុទ្ធី ប្រធានចាស់ ត្រូវផ្លាស់ទៅកាន់ជាប្រធានអង្គភាព<br /> អគ្គិ សនីខេត្ដកំពង់ចាម ហើយលោក ឈឹម សឿន ប្រធានអង្គភាពអគ្គិសនីខេត្ដកំពត បាន<br />មកកាន់តំណែង ជាប្រធានអង្គភាព អគ្គិសនីខេត្ដព្រះសីហនុជំនួសវិញ ។</p>
<p>គេថា ការផ្លាស់ប្ដូរប្រធានអង្គភាពបែប នេះហើយ ទើបធ្វើឱ្យមានការបែកធ្លាយ រឿង<br />អតិថិជនជំពាក់បំណុលរាប់ពាន់លាន រៀលនេះកើតឡើង ព្រោះតែប្រធានក្រោយ ធ្វើការ<br />សើរើបញ្ជីស្នាម និងចំណូលចំណាយ ដើម្បីជម្រះឱ្យដាច់ស្រឡះ រវាងអ្នកទទួល ខុសត្រូវ<br />ចាស់ និងអ្នកទទួលខុសត្រូវថ្មី ។ ប៉ុន្ដែ ក្រោយពីឆែកឃើញអតិថិជនជំពាក់បំណុលរាប់ពាន់<br />លានរៀលមក ប្រធានថ្មីគឺ លោក ឈឹម សឿន ដែលមិនបានស៊ុំគ្រលំជា មួយ បានបញ្ជា<br />ឱ្យមន្ដ្រីរបស់ខ្លួនធ្វើការជូន ដំណឹងឱ្យកូនបំណុលយកលុយមកសង និង ចុះផ្ដាច់ភ្លើងកូន<br />បំណុលជាបន្ដបន្ទាប់មក ទើបបែកធ្លាយរឿងនេះឡើង ដែលអ្នក ទទួលខុសត្រូវធំបំផុត <br />គឺលោក ជា ពុទ្ធី អតីតប្រធាន និងលោក គី វុឌ្ឍី អនុប្រធាន ទទួលបន្ទុកអាជីវកម្មតែម្ដង ។</p>
<p>អ្នកក្រុងព្រះសីហនុ ដែលធ្លាប់ត្រូវបាន អង្គភាពអគ្គិសនី ធ្វើបាបដោយគ្រាន់តែយឺត យូរ<br />យកប្រាក់ទៅបង់ហួស ៤-៥ថ្ងៃបញ្ជាឱ្យ មន្ដ្រីចុះទៅផ្ដាច់ភ្លើងខានប្រើប្រាស់ បានស្នើ សុំឱ្យក្រសួងឧស្សាហកម្មជួយចុះធ្វើអធិការកិច្ចរកឱ្យឃើញស ខ្មៅផង ជាពិសេសខាង<br /> ប្រឆាំងអំពើពុករលួយគួរចុះត្រួតពិនិត្យផង ថា តើមានអំពើពុករលួយបង្កប់នៅក្នុងនោះ<br /> ដែរឬអត់ ? មិនធម្មតាទេលុយរាប់ពាន់ លានរៀល គ្រាន់តែយកទៅចងការក៏បាន ការ<br />ស៊ីរាប់ពាន់ដុល្លារក្នុងមួយខែៗដែរ ។</p>
<p>គេកំពុងរង់ចាំមើល តើបំណុលថ្លៃប្រើ ប្រាស់ចរន្ដអគ្គិសនីរាប់ពាន់លានរៀល នៅ អង្គ<br />ភាពអគ្គិសនីខេត្ដព្រះសីហនុខាងលើនេះ ជាប់រយីងរយោងដូចសម្លកំពឹសយ៉ាងណា ខ្លះ?<br /> ពាក់ព័ន្ធតែជាមួយលោក គី វុឌ្ឍី ជា ប្រធានអាជីវកម្ម ឬមួយពាក់ព័ន្ធជាមួយ លោក <br />ជា ពុទ្ធី ដែលទើបផ្លាស់ចេញដែរ។</p>
<p>តាមពិតបើមានភាពមិនប្រក្រតីមែន តិចឬច្រើន ប្រធានទទួលបន្ទុករួមត្រូវតែ មានចំណែក<br />ទទួលខុសត្រូវ ។ ដូច្នេះបើថ្នាក់ លើរកមិនទាន់ឃើញស ខ្មៅ គេថា ក្រសួង ឧស្សាហកម្ម<br /> គួរតែធ្វើការត្រួតពិនិត្យមើល ការតែងតាំងលោក ជា ពុទ្ធី ទៅជា ប្រធាន អង្គភាពអគ្គិសនី<br />ខេត្ដកំពង់ចាមឡើងវិញផង ព្រោះការទទួលខុសត្រូវនៅកំពង់ចាម វាមានទំហំធំជាង<br />ខេត្ដព្រះសីហនុឆ្ងាយណាស់៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-010/chanroth013-oct-165.jpg" alt="" width="500" /></p>
<p style="text-align: center;"><strong>លោក គី វុឌ្ឍី ជាអនុប្រធាន ទទួលបន្ទុកអាជីវកម្ម</strong></p>
<p style="text-align: right;">ផ្តល់សិទ្ធិដោយ៖ ដើមអម្ពិល<strong><br /></strong></p>
</div>