<p><span style="color: #000000;"><strong>ភ្នំពេញ៖</strong> ជាមួយការឈានចូលមកដល់ នៃការប្រឡងមធ្យមសិក្សាទុតិយភូមិ ហៅថាបាក់ឌុប នៅថ្ងៃចន្ទ សប្តាហ៍ ក្រោយនេះ រដ្ឋមន្រ្តីក្រសួងអប់រំ យុវជន និងកីឡា លោក ហង់ ជួនណារ៉ុន បានបង្ហាញជំហរយ៉ាងម៉ឺងម៉ាត់ និងតឹង រឹងបំផុត មិនមានការបន្ធូបន្ថយអាណិតអាសូរណាមួយសម្រាប់បេក្ខជនឡើយ ពោលពួកគេនឹងធ្លាក់ដោយស្វ័យប្រវ ត្តិ ប្រសិនបើធ្វើខុសទៅនឹងលក្ខខណ្ឌទាំង៥ ដែលក្រសួងបានដាក់ចេញ។</span></p>
<p><span style="color: #000000;">តាមរយៈវីដេអូបង្ហោះលើទំព័រហ្វេសប៊ុកជាសារផ្ញើទៅកាន់បេក្ខជនប្រឡងជិត ៩ម៉ឺននៅឆ្នាំ២០១៥នេះ លោក ហង់ ជូនណារ៉ុន បានបញ្ជាក់ថា លក្ខខណ្ឌទាំង ៥ចំណុច ដែលនាំឲ្យធ្លាក់ដោយស្វ័យប្រវត្តិនោះរួមមាន៖</span></p>
<p><span style="color: #000000;">១. លួចយកសៀវភៅ សំណៅឯកសារ លូចចម្លង ប្រើទូរស័ព្ទ និងឧបករណ៍អេឡិចត្រូនិកផ្សេងៗនៅក្នុងមណ្ឌល ប្រឡង។</span></p>
<p><span style="color: #000000;">២. ការពិនិត្យឃើញថា សន្លឹកកិច្ចរបស់បេក្ខជនអង្គុយជិតគ្នា មានខ្លឹមសារដូចគ្នា រកឃើញថាលួចចម្លងគ្នា ឬសន្លឹក កិច្ចមានខ្លឹមសារដូចគ្នាទាំងស្រុងទៅនឹងសំណៅឯកសារ ដែលសរសេរទុកមុន ឬដូចទៅនឹងឯកសារបង្ហោះតាម ហ្វេសប៊ុកជាដើម។</span></p>
<p><span style="color: #000000;">៣. ផ្តល់សន្លឹកកិច្ចការទៅមិត្តភក្តិចម្លង បោះឯកសារទៅក្រៅបន្ទប់ប្រឡង ធ្វើជាមេខ្លោងប្រមូលលុយឲ្យគ្រូ។ (ចំណុចនេះ មិនត្រឹមតែឲ្យធ្លាក់ដោយស្វ័យប្រវត្តិនោះទេ ថែមទាំងមិនអនុញ្ញាតឲ្យប្រឡងនៅឆ្នាំបន្ទាប់ថែមទៀត)</span></p>
<p><span style="color: #000000;">៤. យកអាវុធជាតិផ្ទុះចូលក្នុងបន្ទប់ប្រឡង ឲ្យអ្នកដទៃប្រឡងជំនួស ឬ ធ្វើឲ្យខូចខាតឧបករណ៍ សម្ភារៈក្នុងបន្ទប់ ប្រឡង។ (ចំណុចនេះ ឲ្យធ្លាក់ដោយស្វ័យប្រវត្តិ ហើយមិនអនុញ្ញាតឲ្យប្រឡងរយៈពេលពីរឆ្នាំបន្តបន្ទាប់គ្នា)</span></p>
<p><span style="color: #000000;">៥. ធ្វើឲ្យខូចសណ្តាប់ធ្នាប់របៀបរៀបរយ ឬធ្វើជាក្លិបរៀបចំចម្លើយ និងបង្ករបួសស្នាមទៅលើមន្រ្តីអនុរក្ស។ (ចំណុចនេះធ្លាក់ដោយស្វ័យប្រវត្តិ ហើយត្រូវប្រឈមមុខនិងច្បាប់)។</span></p>
<p><span style="color: #000000;">លក្ខខណ្ឌមិនមែនដាក់រឹតបន្តឹងតែលើបេក្ខជនប្រឡងនោះទេ បុគ្គលិកសិក្សារបស់ក្រសួងអប់រំ ដែលទៅធ្វើជាអនុ រក្សក្នុងការប្រឡងក៏មានលក្ខខណ្ឌដែរ ហើយបើធ្វើខុសនឹងប្រឈមការពិន័យ និងបញ្ឈប់ពីការងារ។</span></p>
<p><span style="color: #000000;">លោក ហង់ ជួនណារ៉ុន បានអំពាវនាវឲ្យបេក្ខជនប្រឡង និងលោកគ្រូ អ្នកគ្រូជាអនុរក្សទាំងអស់ ចូលរួមគោរពនូវ លក្ខខណ្ឌ ដែលបានដាក់ចេញឲ្យបានខ្ជាប់ខ្ជួន ដើម្បីនាំមកនូវលទ្ធផលនៃការប្រឡងមួយដ៏ល្អប្រសើរ។</span></p>
<p><span style="color: #000000;">សូមបញ្ជាក់ថា ការប្រឡងបាក់ឌុបនៅឆ្នាំ២០១៥នេះ នឹងចាប់ផ្តើមនៅថ្ងៃទី២៤-២៥ ខែសីហា សប្តាហ៍ក្រោយនេះ ដោយមានបេក្ខជនប្រមាណ ៨៨.៤៨៨នាក់៕</span></p>
<p><span style="color: #000000;">សូមទស្សនាវីដេអូរបស់លោក ហង់ ជួនណារ៉ុន ផ្ញើទៅកាន់បេក្ខជនប្រឡង ផ្សព្វផ្សាយដោយក្រសួងអប់រំ៖</span></p>
<div id="fb-root"></div>
<div class="fb-video" data-allowfullscreen="1" data-href="/moeys.gov.kh/videos/vb.210279648998657/1197045523655393/?type=1">
<div class="fb-xfbml-parse-ignore">
<blockquote><span style="color: #000000;"><a href="https://www.facebook.com/moeys.gov.kh/videos/1197045523655393/"><span style="color: #000000;">សារឯកឧត្ដមបណ្ឌិត ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន ន...</span></a></span>
<p><span style="color: #000000;">សារឯកឧត្ដមបណ្ឌិត ហង់ ជួន ណារ៉ុន Hang Chuon Naron រដ្ឋមន្ត្រីក្រសួងអប់រំ យុវជន និងកីឡា ផ្ញើជូនបេក្ខជន និងបុគ្គលិកអប់រំ ពាក់ព័ន្ធនឹងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៤ សីហា ២០១៥#BacII2015::គេហទំព័រ៖ www.moeys.gov.kh ::បណ្ដាញសង្គម៖ www.facebook.com/moeys.gov.kh | www.google.com/+moeys | www.twitter.com/moeyscambodia::ទំព័រធនធានអប់រំ៖ www.krou.moeys.gov.kh | www.facebook.com/krou.moeys.gov.kh::បណ្ដាញ YouTube៖ www.youtube.com/moeyscambodia</span></p>
<p><span style="color: #000000;"><a class="thickbox" title="" href="/FileManager/Commons/2015/8/19/8-19-2015-4-35-08-pm-19-08-2015--16-41-25.png"><span style="color: #000000;"><img src="/FileManager/Articles/mce/2015/8/19/8-19-2015-4-35-08-pm-19-08-2015--16-41-25.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>
</blockquote>
</div>
</div>