<div class="item-page">
<p><span style="color: #000000;"><strong>(ភ្នំពេញ)៖</strong> បេឡាជាតិរបបសន្តិសុខសង្គម (ប.ស.ស) នៃក្រសួងការងារ និងបណ្តុះបណ្តាលវិជ្ជាជីវៈ បានសម្តែងការសោកស្តាយ ហើយចេញប្រាក់ធានារ៉ាប់រងចំពោះគ្រោះថ្នាក់ចរាចរណ៍ នៅស្រុករលាប្អៀរ ខេត្តកំពង់ឆ្នាំង។ នេះបើតាម លោក ជាវ ប៊ុនរិទ្ធ អ្នកនាំពាក្យរបស់ ប.ស.ស។</span></p>
<p><span style="color: #000000;">លោក ជាវ ប៊ុនរិទ្ធ បានឱ្យដឹងថា សម្រាប់កម្មកររងរបួស ប.ស.ស នឹងចេញចំណាយ ក្នុងការព្យាបាលរហូតដល់ជាសះស្បើយ។ ចំពោះអ្នកស្លាប់ បសស ផ្តល់៤លានរៀល ដល់គ្រួសារសព ដើម្បីជាសោហ៊ុយបូជាសព និងផ្តល់គោលរបបឧបត្ថម្ភក្រុមគ្រួសារ ប្តី ប្រពន្ធកូនជនចាស់ជរាឪពុកម្តាយជីដូនជីតាជាដើម។</span></p>
<p><span style="color: #000000;">សូមជំរាបថា នៅព្រឹកថ្ងៃទី០៩ ខែសីហា ឆ្នាំ២០១៦ នេះ មានករណីរថយន្តកម្មករ ដាច់រ៉ូទីល បើកធ្លាក់ផ្លូវប៉ះអ្នកជិះម៉ូតូ ហើយជ្រុលចង្កូតទៅប៉ះផ្ទះប្រជាពលរដ្ឋ ធ្វើឡានក្រឡាប់ ហើយបណ្តាលឲ្យកម្មការិនីម្នាក់ស្លាប់ និងរងរបួស១១ ពេលនេះកម្មករកំពុងសង្គ្រោះនៅមន្ទីរពេទ្យ។ ហេតុការណ៍នេះកើតឡើងនៅផ្លូវជាតិលេខ៥ ចន្លោះគីឡូម៉ែត្រ ៨៣ និង៨៤ ស្តិតនៅភូមិជ្រៃបាក់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-09-09-24-40-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-09-09-24-40-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-09-09-24-41-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-09-09-24-41-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-08-09-09-24-41-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>