<p>ប្រភពព័ត៌មានពីប្រទេសចិន ទើបតែបានបង្ហើបឱ្យដឹងអំពីដំណឹងដ៏គួរឱ្យចាប់អារម្មណ៍មួយ ស្ដី<br />អំពីផលិតផល iPad ពីរប្រភេទ របស់ Apple ។<br /><br />ព័ត៌មានដែលបានបែកធ្លាយស្ដីពីផលិតផលថ្មីរបស់ Apple ភាគច្រើនផ្ដោតទៅតែ iPhone 6 ប៉ុន្ដែគេហាក់ដូចជាភ្លេចនិយាយអំពីផលិតផលសំខាន់ផ្សេងទៀតរបស់ Apple នោះគឺ iPad ។<br /> ថ្ងៃនេះ (២៣ កក្កដា) ប្រភពដ៏គួរឱ្យទុកចិត្តមួយ ពីប្រទេសចិន បានបង្ហើបពីព័ត៌មានជាច្រើន<br /> ទាក់ទិននឹងផលិតផលពីរប្រភេទរបស់ Apple ដែលជិតនឹងបង្ហាញខ្លួន នោះគឺ iPad Mini 3 និង<br /> iPad ១២,៩អ៊ិន្ឈ៍។</p>
<p style="text-align: center;"><a class="thickbox" title="" href="/FileManager/Commons/2014/7/23/ipad-mini1-23-07-2014--18-13-37.jpg"><img src="/FileManager/Articles/mce/2014/7/23/ipad-mini1-23-07-2014--18-13-37.jpg" alt="" /></a></p>
<p>យោងតាមប្រភពខាងលើ iPad Mini ថ្មី នឹងស្ដើងជាងកំណែមុន ដល់ទៅ ៣០% ។ ដោយសារ<br />តែកាត់បន្ថយកម្រាស់បែបនេះ គេជឿថា ផលិតផលខាងលើ នឹងត្រូវបាន Apple ដាក់ឈ្មោះ<br />ថា iPad Mini Air ។ ឧបករណ៍នេះនឹងប្រើប្រាស់ឈីប A8 ដែលផលិតឡើងដោយក្រុមហ៊ុន <br />TSMC ។</p>
<p>ដូចដែលមិត្តអ្នកអាចបានដឹងហើយថា iPad Mini 2 បច្ចុប្បន្ន មានកម្រាស់ ៧,៥មម ប្រសិន<br />កំណែថ្មី ស្ដើងជាង iPad Mini 2 ដល់ទៅ ៣០% នោះ វានឹងមានកម្រាស់ ប្រហែល ៥,២៥មម <br />ដែលអាចក្លាយជាកុំព្យូទ័រថេប្លេត ស្ដើងបំផុត ក្នុងពិភពលោក នៅពេលវាបង្ហាញខ្លួន (Galaxy <br />Tab S 8.4 របស់ Samsung បច្ចុប្បន្ន មានកម្រាស់ ៦,៦មម)។</p>
<p style="text-align: center;"><a class="thickbox" title="" href="/FileManager/Commons/2014/7/23/ipad-mini2-23-07-2014--18-14-21.jpg"><img src="/FileManager/Articles/mce/2014/7/23/ipad-mini2-23-07-2014--18-14-21.jpg" alt="" /></a></p>
<p>និយាយអំពីកុំព្យូទ័រថេប្លេត ១២,៩អ៊ិន្ឈ វិញ ប្រភពខាងលើ មិនបានបង្ហើបព័ត៌មានច្រើនប៉ុន្មាន<br /> ក្រៅតែពីឱ្យដឹងថា ផលិតផលនេះ នឹងមិនអាចបង្ហាញវត្តមានក្នុងទីផ្សារ មុនឆ្នាំ ២០១៥ ហើយ<br />វាក៏អាចត្រូវបានគេដាក់ឈ្មោះថា iPad Pro ។ ប្រភពដដែលនេះ ក៏មិនបាននិយាយដល់ iPad <br />៩,៧អ៊ិន្ឈ៍ ឬ iPad Air 2 ដូចសព្វមួយដងនោះដែរ។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ IBTimes<br /><br /></p>