<p><span style="color: #000000;"><strong>(ស្ទឹងត្រែង)៖</strong> រោងសិប្បកម្មកែច្នៃគ្រឿងសង្ហារឹមមួយកន្លែង ស្ថិតនៅភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង ត្រូវគេស្គាល់ថា ជារបស់ថៅកែសណ្ឋាគារ «រស្មីពេជ្រ» ត្រូវភ្លើងឆាបឆេះទាំងស្រុង ដោយមិនដឹងមូលហេតុ នៅវេលាម៉ោង៩៖៤០នាទី ព្រឹកថ្ងៃទី១១កុម្ភៈ ឆ្នាំ២០១៦នេះ។</span></p>
<p><span style="color: #000000;">សមត្ថកិច្ចមូលដ្ឋាន បានប្រាប់ភ្នាក់ងារ Fresh News ថា <strong>«ក្នុងហេតុការណ៍ភ្លើងឆេះ រោងសិប្បកម្មកែច្នៃគ្រឿងសង្ហារឹមខាងលើនេះ ទ្រព្យសម្បត្តិជាច្រើន ត្រូវបានឆេះបំផ្លាញគ្មានសល់ រួមមានឈើប្រណិតជាច្រើនប្រភេទ ឈើមិនទាន់កែច្នៃ ឈើកែច្នៃរួច (តុ ទូ កៅអី សាឡុង គ្រែ) ដែលជាប្រភេទគ្រឿងសង្ហារឹម មានតម្លៃរួម និងម៉ាស៊ីនកែច្នៃឈើគ្រប់ធន់ គិតជាទឹកប្រាក់មានតម្លៃរាប់ម៉ឺនដុល្លារ»</strong>។</span></p>
<p><span style="color: #000000;">បើតាមសមត្ថកិច្ច អគ្គិភ័យបានរាលដាល ទៅប៉ះពាល់ដល់ជញ្ជាំង និងបង្អួចរបស់សណ្ឋាគាររស្មីពេជ្រមួយចំនួនផងដែរ។ ម្ចាស់សណ្ឋាគារ «រស្មីពេជ្រ» និងជាម្ចាស់រោងសិប្បកម្មខាងលើ នេះបានឲ្យដឹងថា ការដែលភ្លើងឆេះរោងសិប្បកម្មនេះ បណ្តាលមកពីទុស្សេខ្សែភ្លើង ប៉ុន្តែសមត្ថកិច្ចសង្ស័យថា ភ្លើងឆេះរោងសិប្បកម្មនេះ មិនមែនមកពីទុស្សេខ្សែភ្លើងនោះទេ គឺមានភ្លើងឆេះមកពីខាងក្រោម៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xal1/t31.0-8/12698720_1556757084638657_7051840122218722483_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xat1/t31.0-8/12657178_1556757091305323_3237079076727621220_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpt1/t31.0-8/12710909_1556757087971990_1095694640807108524_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/t31.0-8/12698327_1556757114638654_5508732588075544868_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpf1/t31.0-8/12715979_1556757121305320_951854151582689492_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>