<p><span style="color: #000000;"><strong>(ភ្នំពេញ)៖</strong> ករណីប្រទះឃើញសពក្មេងស្រីម្នាក់ ដែលត្រូវបានគេសម្លាប់ ហើយទម្លាក់ចូលទន្លេ នៅភូមិចុះកោះ សង្កាត់កោះដាច់ ខណ្ឌជ្រោយចង្វារ កាលពីព្រឹកថ្ងៃទី០២ ខែមីនា ឆ្នាំ២០១៧នោះ ពេលនេះសមត្ថកិច្ចនគរបាលខណ្ឌជ្រោយចង្វារ ឃាត់ខ្លួនជនសង្ស័យបានហើយ។</span></p>
<p><span style="color: #000000;">សមត្ថកិច្ចនគរបាលខណ្ឌជ្រោយចង្វារ បានឲ្យដឹងថា ជនសង្ស័យឈ្មោះ ហ៊ន សុខហេង ភេទប្រុស អាយុ១៧ឆ្នាំ មុខរបរសិស្ស បច្ចុប្បន្នរស់នៅភូមិរនៈ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ។ ចំណែកឯ កុមារីរងគ្រោះមាន ឈ្មោះ ឌឹម តុលា អាយុ១០ឆ្នាំ រៀនថ្នាក់ទី៣ខ នៃសាលាបថមសិក្សាសម្តេចឪ និងស្នាក់នៅជាមួយឪពុកម្តាយកោះដាច់។</span></p>
<p><span style="color: #000000;">តាមដំណើររឿង នៅថ្ងៃទី០១ ខែមីនា ឆ្នាំ២០១៧ វេលាម៉ោង១៧៖៣០នាទី ពេលដែលជនរងគ្រោះឈ្មោះ ឌឹម តុលា ដើរមកពីសាលារៀន សំដៅទៅផ្ទះម្នាក់ឯងដល់ចំណុច កើតហេតុក្បាលកោះ ឆ្នេរកំសាន្ត ក្នុងក្រមទី៦ ភូមិក្បាលកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ ជនសង្ស័យបានហៅជនរងគ្រោះ មកជិះជាមួយ រួចឌុបជនរងគ្រោះ ទៅច្រាំងទន្លេកន្លែងស្ងាត់ ជនសង្ស័យសុំជនរងគ្រោះរួមរក្ស័ជាមួយ ប៉ុន្ដែជនរងគ្រោះមិនព្រម ជនសង្ស័យបានចាប់ក្រៀកអោបជនរងគ្រោះផ្ដួលទៅ លើដីពេលនេះជនរងគ្រោះបានរើបំរាស់រួច ក៏រត់ចេញពីជនសង្ស័យ។</span></p>
<p><span style="color: #000000;">ដោយខ្លាចជនរងគ្រោះទៅនិយាយប្រាប់ ឪពុកម្ដាយ របស់ខ្លួនជនសង្ស័យបានដេញ តាមចាប់ជនរងគ្រោះបាន ចាប់ច្របាច់.ក ជនរងគ្រោះនៅច្រាំងទន្លេ រហូតជនរងគ្រោះសន្លប់ បាត់បង់ស្មារតី បន្ទាប់ជនសង្ស័យបានចាប់អូស ជនរងគ្រោះចូលក្នុងទឹកទន្លេ ហើយចាប់ជ្រមុចទឹកស្លាប់ រួចជនសង្ស័យជិះម៉ូតូគេចត្រឡប់មកផ្ទះបាត់។</span></p>
<p><span style="color: #000000;">ទើបថ្ងៃទី០៣ ខែមីនា ឆ្នាំ២០១៧នេះ កម្លាំងនគរបាលបានធ្វើការស្រាវជ្រាវ ឈានដល់ឃាត់ខ្លួន ជនសង្ស័យដើម្បីយកមកផ្តន្ទាទោស តាមច្បាប់ផងដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/4/1-04-03-2017--08-35-58.png"><img src="/FileManager/Articles/mce/2017/3/4/1-04-03-2017--08-35-58.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-54-53-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-55-00-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-16-55-06-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>