<p><strong>ភ្នំពេញ៖</strong> ថ្មីៗនេះមានសារព័ត៌មាន ក្នុងស្រុកមួយ បានចុះផ្សាយថា តារាចម្រៀងល្បីល្បាញ នាង សុន ស្រីពេជ្រ បានបណ្ដើរប្រុសក្មេងម្នាក់ គ្រប់ពេលវេលា មិនថា នាងទៅច្រៀង តាមប៉ុស្ដិ៍ទូរទស្សន៍ ឬទៅកន្លែងណាទេ តែងតាមស្អិតជាងតុកកែទៅទៀត ។ សារព័ត៌មាននោះ ពុំបានបញ្ជាក់ឲ្យច្បាស់ទេ គ្រាន់តែបាននិយាយថា ប្រុសក្មេងនោះ វ័យម្ភៃជាង ច្រើនមានកាយវិកាស្និទ្ធស្នាលខ្លាំង លើសពីអ្នកគាំទ្រធម្មតា។</p>
<p>កញ្ញា សុន ស្រីពេជ្រ ពុំអាចទាក់ទង ដើម្បីបំភ្លឺបានទេ នៅក្នុងថ្ងៃទី ២៥ នេះ តែសាច់ញាតិម្នាក់ បាននិយាយប្រាប់ LookingTODAY ថា កញ្ញា សុន ស្រីពេជ្រ មួយរយៈនេះ នាងរវល់ណាស់ សើ្ទរតែគ្មានពេលសម្រាកផង ព្រោះនាងជាប់មមាញឹកក្នុងការច្រៀងក្នុងកម្មវិធីមង្គលនានា ទាំងក្នុងរាជធានីភ្នំពេញ និងបណ្ដាខេត្តនានា ដូចនេះទំនេរ គឺនាងគេងសម្រាក យកកម្លាំងហើយ ពុំបានទទួលទូរស័ព្ទបងៗសារព័ត៌មានទេ។</p>
<p>ប្រភពនោះ បានបន្តថា សុន ស្រីពេជ្រ ពិតជាមានប្រុសក្មេងម្នាក់ តាមនាងរហូតមែន តែក្មេងប្រុសម្នាក់នោះ ជាអ្នកគាំទ្រនាងទេ ហើយគ្នា ជាមនុស្សប្រុសចរិកស្រី។ ដូចនេះ ក៏ចេះតែ ទៅណាគ្រប់ពេលជាមួយគ្នា ។ ម្យ៉ាងទៅមានគ្នាអ៊ីចឹង មិនសូវអផ្សុក ។ សុន ស្រីពេជ្រ ជាតារាចម្រៀងម្នាក់ ដែលគេចូលចិត្តទុកនាងឲ្យថត ឬសម្ដែងក្រោយគេណាស់ ។ ពេលខ្លះនាងមកមុនគេ ក៏ត្រូវរង់ចាំរហូតដល់ កណ្ដាលអាធ្រាត្រ ទើបថតក៏មាន ។ ក្មេងនោះ ចេះជួយធុរៈ ប្រៀបដូចទីប្រឹក្សាម្នាក់ដែរ តែងតែជួយមើលថា សមឬមិនសម ព្រោះមានគ្នាជួយមើល៍អ៊ីចឹង ក៏ល្អដែរ ។ ដូចនេះក្មេងប្រុសនោះ មិនមែនជាគូស្នេហ៍បញ្ចាំចិត្តអ្វីទេ គ្រាន់តែអ្នកគាំទ្រម្នាក់ប៉ុណ្ណោះ ។ ខ្វះអីតារាចម្រៀងផ្សេងៗ មានក្មេងប្រុសដើរតាម ។</p>
<p>មួយរយៈចុងក្រោយ តារាចម្រៀង សុន ស្រីពេជ្រ ហាក់តែងតែជួបរឿង មិនសប្បាយចិត្ត ដូចជាប្អូននាងឈឺ ត្រូវចាយលុយរាប់ពាន់ដុល្លារ ក្នុងមួយខែ ដើម្បីមើលប្អូន ស្របពេលឪពុកនាងកាន់តែចាស់ មិនសូវបានសម្ដែង ។ សុន ស្រីពេជ្រ ក៏រងនូវពាក្យចចាមអារ៉ាមមិនតិចដែរ ដូចជា នាងរៀបង្វេចចាកចេញពី ហង្សមាស និងបណ្ដើរប្រុសក្មេងនេះជាដើម តែនាងបានបដិសេធ ព្រោះមិនមែនជាការពិត៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0240.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0241.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0242.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0243.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/28848-2014-03-25-10-21-57.html" target="_blank">ផ្តល់សិទ្ធដោយ ៖ ដើមអម្ពិល</a></p>