<p>បន្ទាប់ពីស្មាតហ្វូន iPhone 5ថ្មីៗនេះ បានចេញលក់នៅក្នុង ប្រទេសចិនមក ហាងលក់ស្មាតហ្វូន<br /> ពេញនិយមជាច្រើន កំពុងតែរកចំណូល ពីការលក់ឧបករណ៍ អេឡិចត្រូនិចបន្ទាប់បន្សំ បានច្រើន<br />ជាង លក់ទូរស័ព្ទទៅទៀត។ ជំនួយការហាងម្នាក់នៅក្នុងក្រុមហ៊ុន Apple បានអះអាងថា ហាងលក់<br />ទូរស័ព្ទជាច្រើន ជាធម្មតារកចំណូលបានត្រឹមតែ ១ភាគរយ ពីការលក់ iPhone5 មួយគ្រឿង។</p>
<p>ចំណែកការលក់ស្គ្រីនការពារអេក្រង់វិញ រកចំណេញបាន ច្រើនជាងឆ្ងាយណាស់។ ស្គ្រីនការពារ<br />អេក្រង់ iPhone5 មួយ (iPhone 5 screen protector) នៅក្នុងទីផ្សារចិន មានតម្លៃពី ២០យែន( ៣,២០<br />ដុល្លារ) ទៅ ២២៨យែន ( ៣៦,៦០ដុល្លារ) ខណៈដែលការ លក់បន្ទះប្លាស្ទីកស្តើងការពារអេក្រង់ មាន<br />តម្លៃប្រហែល ២,៨យែន(០,៤៥ដុល្លារ)។</p>
<p>អ្នកកាសែតចិនម្នាក់បានទៅមើល ការលក់ទូរស័ព្ទនៅហាងមួយកន្លែង នៅទីក្រុង ណាជីង ថែម ទាំង<br />បានឃើញការលក់ស្រោម ការពារខាងក្រៅ ស្មាតហ្វូនចំនួនពីរប្រភេទ។ មួយមានតម្លៃ ១៦០យែន<br />(២៥ដុល្លារ) និងមួយទៀត មានតម្លៃ ១៨៦យែន( ៣០ដុល្លារ)។</p>
<p>នៅក្នុងទីក្រុងនេះ នៅតាមចញ្ចើមផ្លូវ គេសង្កេតឃើញមានការលក់ ស្រោមការពារស្មាតហ្វូន ជាច្រើន<br />ប្រភេទគ្រប់តម្លៃ ដែលអ្នកលក់នៅទីនោះ បាននិយាយថា ពួកគេយកពីកន្លែង បោះដុំតែមួយដូចគ្នា។</p>
<p>យោងតាមអ្នកលក់នៅក្នុងហាង Apple ម្នាក់នៅក្នុង ទីក្រុងណានជីង បាននិយាយថា គ្រប់អតិថិជន<br />ដែលបានទិញ iPhone5 មួយគ្រឿង គឺតែងទាមទារចង់បាន ស្គ្រីនការពារសាកសមមួយ ដែលជា<br />រើយៗមានតម្លៃលើពី ៤៨ដុល្លារ ខណៈដែលការលក់ iPhone មួយគ្រឿង មិន អាចទទួលបានចំណេញ<br /> ដល់ចំនួននេះនោះទេ។</p>
<p>គួររំលឹកថា កាលពីមុន យើងបានរបាយការណ៍ថា ទីផ្សាររបស់ក្រុមហ៊ុនលក់ស្គ្រីន ការពារអេក្រង់ក្នុង<br />ប្រទេសចិន សម្រាប់ឧបករណ៍ Apple រកចំណូលបានរហូតដល់ ១០០លានយែន ( ១៤,៦៤លាន<br />ដុល្លារ)៕</p>
<p><a class="thickbox" title="" href="/FileManager/Commons/2012/12/30/piseth-0598-30-12-2012--19-54-16.jpg"><img src="/FileManager/Articles/mce/2012/12/30/piseth-0598-30-12-2012--19-54-16.jpg" alt="" /></a></p>
<p style="text-align: right;">ផ្តល់សិទ្ធិដោយ៖ <a href="http://lookingtoday.com/technology-business-news/12493--iphone-5-.html"><span style="color: #0000ff;">ដើមអំពិល</span></a></p>