<p><strong>-<em>ជាមួយពាណិជ្ជនាមថ្មី ក្លាយជាក្រុមហ៊ុនទូរគមនាគមន៍ធំជាងគេទី២ នៅប្រទេសកម្ពុជា <br />ជាមួយអតិថិជនជាង ៥លាននាក់</em></strong></p>
<p>ភ្នំពេញ ថ្ងៃទី២០ ខែកុម្ភះ ឆ្នាំ ២០១៣ ៖ ក្រុមហ៊ុន Axiata Group Berhad (Axiata) ដែលជាក្រុម<br />ហ៊ុនទូរគមនាគមន៍ធំជាងគេមួយនៅអាស៊ី បានប្រកាសជាផ្លូវការក្នុងថ្ងៃនេះថា ការរួមបញ្ចូលគ្នា<br />តែមួយរវាងក្រុមហ៊ុន Hello Axiata Company Limited (“Hello”) និងក្រុមហ៊ុន Latelz Company <br />Limited (“Smart Mobile”) បានប្រព្រឹត្តិទៅចប់ជាស្ថាពរ និងធ្វើប្រតិបត្តិការអាជីវកម្មជាក្រុមហ៊ុន<br />តែមួយ ក្រោមឈ្មោះជាផ្លូវការ Latelz Company Limited ។</p>
<p>លោក ថូម៉ាស ហ៊ុន បានមានប្រសាសន៍ថា “ការរួមបញ្ចូលគ្នាតែមួយរវាងក្រុមហ៊ុនទាំងពីរនេះ <br />នឹងធ្វើឲ្យយើងកាន់តែខ្លាំងជាងមុន។ ការរួមបញ្ចូលគ្នានេះ បាននាំមកជាមួយដូចជា ភាពខ្លាំង <br />និងតម្លាភាពរបស់ Axiata Group សំរាប់អតិថិជនទាំងពីរ Hello និង Smart Mobile រួមមានទ្រព្យ<br /> និងធនធានយ៉ាងសម្បើម ព្រមទាំងបណ្តាញសេវាគ្របដណ្តប់ដ៏ធំទូលាយ”។</p>
<p>លោកបាននិយាយថា ប៉ុន្មានខែទៀតបន្ទាប់ពីការរួមបញ្ចូលគ្នារួចជាស្រេចនេះ ក្រុមហ៊ុនរំពឹងថា<br />ប្រតិបត្តិការទាំងអស់ និងការរួមបញ្ចូលគ្នាបណ្តាញតែមួយរបស់ក្រុមហ៊ុននឹងរួចរាល់ជាស្ថាពរ។ ហើយនៅពេលដែលយើងបានបញ្ចប់ពេញលេញ នោះបណ្តាញរួមបញ្ចូលគ្នានឹងមានសេវាគ្រប<br />ដណ្តប់ផ្តល់ជូនទៅដល់ ៩៧% នៃចំនួនប្រជាជនកម្ពុជាសរុប។</p>
<p>ពាណិជ្ជនាមដែលមានឈ្មោះពាណិជ្ជកម្មថ្មីរបស់ក្រុមហ៊ុនគឺ “Smart” ដែលបានបង្ហាញជាសាធា-<br />រណៈចាប់ពីថ្ងៃនេះតទៅ ជាមួយនឹងការអះអាងជាថ្មីនៃការតាំងចិត្តដើម្បីបម្រើអតិថិជនជាង ៥<br />លាននាក់ ទូទាំងប្រទេសក្រោយពីការរួមបញ្ចូលគ្នា។</p>
<p style="text-align: center;"><a class="thickbox" title="" href="/FileManager/Commons/2013/2/21/smart-1-21-02-2013--16-13-48.JPG"><img src="/FileManager/Articles/mce/2013/2/21/smart-1-21-02-2013--16-13-48.JPG" alt="" /></a></p>
<p>លោកបានបន្ថែមទៀតថា បើទោះជាការផ្តោតសំខាន់របស់ Smart ស្ថិតទៅលើផ្នែកយុវវ័យ និង<br />អ្នកប្រើប្រាស់ទិន្នន័យអ៊ីនធឺណេតយ៉ាងណាក៏ដោយ ក្រុមហ៊ុននៅតែមានគំរោង ដើម្បីពង្រីកផ្នែក<br />រួមនៃសាជីវកម្មសំខាន់ឲ្យបានស្មើគ្នាផងដែរ។</p>
<p>សេវាកម្ម និងកម្មវិធីពិសេសៗទាំងអស់ នឹងដំណើរការដូចគ្នាតែមួយ មានន័យថា ក្នុងចំណោម<br />គំរោងទាំងអស់ អតិថិជនយើងនឹងរីករាយជាមួយការផ្តល់ជូនដ៏ទាក់ទាញដូចជា ការហៅចេញ <br />និងគម្រោងប្រើប្រាស់ទិន្នន័យអ៊ីនធឺណេត ការបន្តនៃការប្រើប្រាស់សេវាកម្មបន្ថែម ឲ្យបានកាន់<br />តែទូលំទូលាយ និងផលិតផលច្នៃប្រឌិតថ្មីៗជាច្រើនទៀត។</p>
<p>អតិថិជនរបស់យើង នឹងទទួលបានអត្ថប្រយោជន៍ ដែលយើងផ្តល់ជូនរួមមាន ការហៅចេញជា<br />សំលេងជាមួយតំលៃដ៏ប្រសើរ អ៊ីនធឺណេត ផលិតផល និងសេវាកម្មដ៏ល្អជាច្រើនទៀត។ អ្វីដែល<br />សំខាន់នោះ គឺពួកយើងបានតម្រង់ទិស ដើម្បីឈានទៅកាន់ៅភាពនាំមុខគេ ព្រមជាមួយនឹងការ<br />ផ្តោតសំខាន់ទៅលើអតិថិជន រួមជាមួយនឹងការផ្តល់ជូននូវបច្ចេកវិទ្យាទំនើបថ្មីៗ សំរាប់អតិថិជន<br />យើងទាំងអស់គ្នា ក៏ដូចជាការនាំមកជូននូវគុណតំលៃ និងលទ្ធផលល្អទៅដល់ម្ចាស់ហ៊ុនរបស់<br />យើងផងដែរ។</p>
<p>ទោះបីជាឈ្មោះពាណិជ្ជកម្មត្រូវបានក្លាយជា ក្រុមហ៊ុនតែមួយជាផ្លូវការក៏ដោយ លោក ថូម៉ាស <br />បានអះអាងសារជាថ្មីដោយ ក្រុមហ៊ុនសន្យាដល់អតិថិជនទាំងអស់ថា ដំណើរការនេះនឹងប្រព្រឹត្តិ<br />ទៅដោយរលូន ហើយអតិថិជន Hello និង Smart Mobile នឹងមិនមានការផ្លាស់ប្តូរស៊ីមកាតឡើយ។ នេះគឺជាការធានារបស់យើងជារៀងរហូតមក ហើយពួកយើងនឹងរក្សាទុកសំដីរបស់យើងជានិច្ច។</p>
<p>បន្ថែមពីលើនេះទៀត លោកបានបញ្ជាក់ទៀតថា ចាប់ពីថ្ងៃទី ២១ ខែកុម្ភះ ឆ្នាំ ២០១៣ នេះតទៅ <br />ការហៅចេញ រឺចូល រវាង Hello និង Smart នឹងគិតក្នុងអត្រាការហៅចេញចូលក្នុងប្រព័ន្ធតែមួយ ហើយគ្រប់កាតកោសទាំងអស់នឹងប្រើប្រាស់បានដូចគ្នា។ មានន័យថា កាតកោសទាំងរបស់ <br />Hello និង Smart អាចប្រើប្រាស់បានដូចគ្នា ដើម្បីបញ្ចូលលុយប្រព័ន្ធទាំងពីរ៕</p>
<p style="text-align: right;">ដោយ៖ សិលា<br />ប្រភព៖ Smart</p>
<p><strong><em><br /></em></strong></p>