<div class="article-content">
<p><strong>- ក្រុមចោរជាបក្ខពួក របស់មេចោប្លន់ កក្រើករាជធានី ហៅអាឥណ្ឌា</strong></p>
<p><strong>ភ្នំពេញៈ</strong> កម្លាំងនគរបាលព្រហ្មទណ្ឌរាជធានីភ្នំពេញ និងកម្លាំងនគរបាលខណ្ឌពោធិ៍សែនជ័យ របស់<br />លោក ប៊ន សំ អាត ជាច្រើននាក់ ដឹកនាំបញ្ជាផ្ទាល់ពីសំណាក់ ស្នងការនគរបាលរាជធានីភ្នំពេញ <br />លោកឧត្តមសេនីយ៍ផ្កាយ៣ ជួន សុវណ្ណ នៅវេលាម៉ោង ៨ និង៣០នាទី ព្រឹកថ្ងៃទី១៩ ខែឧសភា ឆ្នាំ<br />២០១៣នេះ បានចុះឆែកឆេរកន្លែងស្នាក់នៅ របស់ក្រុមចោរប្លន់ ដែលធ្វើសកម្មភាពកាលពីយប់មិញ<br />នៅសង្កាត់ទូលទំពូងទី១ ខណ្ឌចំការមន។</p>
<p>ស្នងការនគរបាលរាជធានីភ្នំពេញ លោកឧត្តមសេនីយ៍ ជួន សុវណ្ណ បានប្រាប់ដើមអម្ពិលនៅកន្លែង<br />កើតហេតុ ខណៈកំពុងចុះឆែកឆេរផ្ទះជនសង្ស័យ ស្ថិតនៅទល់មុខព្រលានយន្តហោះអន្តរជាតិភ្នំពេញ<br /> ក្នុងសង្កាត់កាកាប ខណ្ឌពោធិ៍សែនជ័យថា សមត្ថកិច្ចរបស់លោក ដឹកនាំដោយតំណាងអយ្យការ បាន<br />ចុះមកឆែកឆេរផ្ទះជនសង្ស័យ ដែលធ្វើសកម្មភាពប្លន់កាលពីយប់មិញ នៅសង្កាត់ទូលទំពូងទីមួយ <br />ហើយបក្ខពួករបស់វាម្នាក់ ត្រូវបានម្ចាស់ផ្ទះ បាញ់ឲ្យរងរបួសធ្ងន់។</p>
<p> លោកជួន សុវណ្ណ បានបញ្ជាក់ថា ក្រុមចោរប្លន់ទាំងនេះ ជាបក្ខពួកមេចោរប្លន់ម្នាក់ រហស្សនាមអា<br />ឥណ្ឌា ដែល កាលពីប៉ុន្មានឆ្នាំមុននោះ បានបាញ់ប្លន់ស្រ្តីអាជីវករទាំងកណ្តាលថ្ងៃ ប្លន់យកលុយអស់<br />ជាច្រើនលានរៀលនៅក្នុង ខណ្ឌដង្កោ។</p>
<p>លោកស្នងការ ជួន សុវណ្ណ បានបញ្ជាក់ទៀតថា ក្រុមអាឥណ្ឌា ដែលបាត់មុខអស់រយៈពេលជាយូរ<br />នោះបានលេច មុខសាជាថ្មី ហើយធ្វើសកម្មភាពប្លន់កាលពីយប់មិញ នៅសង្កាត់ទូលទំពូងទី១ រហូត<br />ដល់វេលាម៉ោង ៨ និង៥០នា ទីព្រឹកថ្ងៃដដែលនេះ កម្លាំងនគរបាល ដែលដឹកនាំដោយក្រឡាបញ្ជី<br />របស់លោក ហៀង សុភក្រ្ត ព្រះរាជអាជ្ញារងអមសា លាដំបូងរាជធានីភ្នំពេញ បានចូលទៅឆែកឆេរ<br />ផ្ទះជនសង្ស័យ ខណៈពួកគេបានរត់គេចខ្លួនបាត់៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-191.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-192.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-193.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-194.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-195.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-196.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-197.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>