<p><span style="color: #000000;"><strong>(កំពង់ធំ)៖</strong> អភិបាលស្រុកស្ទោង ខេត្តកំពង់ធំលោក ព្រឹម រដ្ឋា បានថ្លែងថា នៅព្រឹកថ្ងៃទី២៧ ខែមេសា ឆ្នាំ២០១៦នេះ ត្រីជាង៦៥តោនហើយដែលបានងាប់អណ្តែតទឹក នៅតំបន់អភិរក្សបឹងទន្លេឆ្មា ស្ថិតនៅឃុំពាមបាង ស្រុកស្ទោង ដោយសារតែអាកាសធាតុក្តៅខ្លាំងពេក និងទឹកកាន់តែគោករាក់ ហើយកន្លែងខ្លះអាចលេងបាល់ទាត់ថែមទៀតផង។</span></p>
<p><span style="color: #000000;">លោក ព្រឹម រដ្ឋា បានបញ្ជាក់ថា <strong>«យើងបានមកដល់ទីនេះ តាំងពីយប់មកម្ល៉េះជាមួយមន្រ្តីជំនាញជលផល បរិស្ថាន និងសហគមន៍នេសាទ ហើយសម្រាប់វិធានការវិញ គឺយើងបានយករុក្ខជាតិកំប្លោក ដាក់ចូលនៅកន្លែងដែលមានទឹក សម្រាប់ជាជម្រកត្រី ដែលជាលទ្ធផល ក្រោយដាក់កំប្លោករួច ឃើញថា មិនមានត្រីងាប់អណ្តែតទឹកទៀតឡើយ»</strong>។</span></p>
<p><span style="color: #000000;">លោកអភិបាលស្រុកបានបន្តទៀតថា តំបន់ដែលត្រូវដាក់រាយកំប្លោកនោះមានទំហំប្រមាណ២ , ៥ហិកតា ក្នុងចំណោមផ្ទៃបឹងអភិក្សនេះចំនួន៨៣២៥ហីតា។</span></p>
<p><span style="color: #000000;">សូមបញ្ជាក់ថា មានសេចក្តីរាយការណ៍ ពីករណីត្រីរាប់សិបក្បាល បានងាប់អណ្តែតទឹក ស្ថិតនៅក្នុងតំបន់អភិរក្ស បឹងទន្លេឆ្មា ឃុំពាមបាង ស្រុកស្ទោង ដែលមូលហេតុជាជំហានដំបូង អាចបណ្តាលមកពីទឹកចាប់ផ្តើមរាក់ ហើយក្តៅខ្លាំង តាំងពីថ្ងៃទី២២ ខែមេសា ឆ្នាំ២០១៦។</span></p>
<p><span style="color: #000000;">លោក គង់ វិមាន អភិបាលរងខេត្តកំពង់ធំ បានប្រាប់ថា <strong>«ត្រីកំពុងងាប់អស់យ៉ាងច្រើន ដោយសារទឹករាក់គោកនៅសល់ប្រហែល ២ទៅ៣តឹកប៉ុណ្ណោះ ហើយនៅពេលនោះ កម្លាំងអាជ្ញាធរ និងសមត្ថកិច្ច បានការពារមិនឲ្យប្រជាពលរដ្ឋចូលទៅតំបន់នោះឡើយ ពីព្រោះបើចូលអាចអន្តរាយលឿនបំផុត ដោយសារខ្លាចពុលត្រីកាន់តែខ្លាំង និងអស់ពូជត្រី</strong>»៕</span></p>
<p> </p>
<p><img src="https://scontent-hkg3-1.xx.fbcdn.net/hphotos-xfp1/v/t1.0-9/13012742_1591339364513762_1524093276519909215_n.jpg?oh=87d5b1bcbf86fa397737a6fced56e343&oe=5774CCDA" alt="" width="730" /></p>
<p><img src="https://scontent-hkg3-1.xx.fbcdn.net/hphotos-xpt1/v/t1.0-9/13062541_1591339367847095_8832004614549679571_n.jpg?oh=60f246d4e2db0bb0a3e25ca9bc234654&oe=57B81E81" alt="" width="730" /></p>
<p><img src="https://scontent-hkg3-1.xx.fbcdn.net/hphotos-xat1/v/t1.0-9/13076763_1591339361180429_8808670919624431936_n.jpg?oh=838f6dfb2d5eac47709ec6a54c3429cc&oe=5775E241" alt="" width="730" /></p>
<p><img src="https://scontent-hkg3-1.xx.fbcdn.net/v/t1.0-9/13051494_1591339397847092_605580107884709707_n.jpg?oh=569728c2ff95f68b31f297ce6a9d8513&oe=57A833FA" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>