<p><span style="color: #000000;"><strong>(ភ្នំពេញ)៖</strong> បុរសជនជាតិហូឡង់ម្នាក់ ដែលត្រូវបាននគរបាលចរាចរ រាជធានីភ្នំពេញ នៅព្រឹកថ្ងៃទី១១ ខែកុម្ភៈ ឆ្នាំ២០១៦ បញ្ជូនមក សាលាដំបូងរាជធានីភ្នំពេញ ដើម្បីសាកសួរពីដំណើររឿង បំផ្លិចបំផ្លាញទ្រព្យសម្បត្តិ(បុកទម្លុះពិដាន) និងកាត់សោនៅក្នុងបន្ទប់ឃុំឃាំង របស់សមត្ថកិច្ចបម្រុងរត់គេចខ្លួននោះត្រូវបានតំណាងអយ្យការដោះលែងហើយ នៅរសៀលថ្ងៃដដែលនេះ។</span></p>
<p><span style="color: #000000;">ភ្នាក់ងារ Fresh News បានរាយការណ៍ថា រហូតមកដល់រសៀលថ្ងៃដដែល លោកស្រីព្រះរាជអាជ្ញារង ស៊ឺ វណ្ណី បានសម្រេចដោះលែង បុរសបរទេសរូបនេះ ឲ្យមានសេរីភាពឡើងវិញហើយ ក្រោយពីបានពិន័យប្រាក់ចំនួន៤លានរៀល។ ទោះបីយ៉ាងណាសំណុំរឿងនេះ តុលាការនៅតែបន្តនីតិវិធីដដែល ពោលគឺនឹងបើកសវនាការជំនុំជម្រះនាពេលឆាប់ៗខាងមុខ។</span></p>
<p><span style="color: #000000;">លោក សែម គន្ធា នាយការិយាល័យចរាចរណ៍ផ្លូវគោក បានឲ្យដឹងថា បុរសជនជាតិហូឡង់រូបនេះឈ្មោះ Niels Heico Come Van Klooster អាយុ២៨ឆ្នាំ កាន់លិខិតឆ្លងដែនលេខ NRB71J130 ចុះថ្ងៃទី១៣ ខែមិថុនា ឆ្នាំ២០១៤ មានទីលំនៅផ្ទះជួលលេខ១២ ផ្លូវលេខ២៤០ សង្កាត់បឹងត្របែក ខណ្ឌចំការមន ត្រូវបានសមត្ថកិច្ចចម្រុះឃាត់ខ្លួន កាលពីយប់រំលងអាធ្រាត្រថ្ងៃទី១០ ខែកុម្ភៈ ឆ្នាំ២០១៦ នៅចំណុចផ្លូវជាតិលេខ៥ ត្រង់ចំណុចមុខផ្សារតូច សង្កាត់ទួលសង្កែ ខណ្ឌឫស្សីកែវ ។</span></p>
<p><span style="color: #000000;">មូលហេតុនៃការឃាត់ខ្លួននេះ ត្រូវបានលោក សែម គន្ធា បញ្ជាក់ថា ដោយសាររូបគេ មានស្ថានភាពស្រវឹង កម្រិតជាតិអាកុល0,94mg/l ខណៈជិះម៉ូតូម៉ាក YAMAHA FINO ពណ៌ទឹកប្រាក់ ពាក់ស្លាកលេខកំពង់ចាម 1B-6409 ឆ្លងកាត់គោលដៅត្រួតពិនិត្យ។ នៅពេលដែល នាំខ្លួនមកបន្ទប់ឃុំឃាំងនៅការិយាល័យចរាចរណ៍ផ្លូវគោក ស្រាប់តែជននេះបានវាយកម្ទេចសោទ្វារ និងបុកទម្លុះពិដានបណ្តាលឲ្យ រងការខូចខាតយ៉ាងធ្ងន់ធ្ងរ៕</span></p>
<div class="fb-video fb_iframe_widget fb_iframe_widget_fluid_desktop" style="width: 100%;" data-allowfullscreen="1" data-href="/214423065556870/videos/vb.214423065556870/228180504181126/?type=3"></div>
<div class="fb-video fb_iframe_widget fb_iframe_widget_fluid_desktop" style="width: 100%;" data-allowfullscreen="1" data-href="/214423065556870/videos/vb.214423065556870/228112084187968/?type=3"></div>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xlp1/v/t1.0-9/12705594_228112430854600_3731441701295260585_n.jpg?oh=4904b007751c14dddab1af382aaa56e7&oe=576B39F2&__gda__=1462388960_bf36f56f88acd7dc55731c1ef4c54290" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12646945_228112434187933_8447556268109635025_n.jpg?oh=f24700f8fc96228ca969f2fa2f21a4a4&oe=5739C1EA" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12705536_228112427521267_4418597889376412722_n.jpg?oh=1711196ff42960adbd67b69088481db0&oe=576CA5A4" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>