<p><span style="line-height: 2; color: #000000;"><strong>ភ្នំពេញ៖</strong> សរុបព្រឹត្តិការណ៍រយៈពេលពេញមួយថ្ងៃ នៃការប្រឡងសញ្ញាបត្រទុតិយភូមិនៅទូទាំងប្រទេស មានបេក្ខជន ១៩នាក់ មានបញ្ហាផ្នែកសុខភាព និងការមកប្រឡងជំនួស។</span></p>
<p><span style="color: #000000;">លោក រស់ សាលីន អ្នកនាំពាក្យក្រសួងអប់រំ យុវជន និងកីឡា បានថ្លែងប្រាប់មជ្ឈមណ្ឌលព័ត៌មានដើមអម្ពិល នៅថ្ងៃទី២៤ សីហាថា បេក្ខជនបានគោរពបទប្បញ្ញត្តិនៃការប្រឡងយ៉ាងល្អ និងធ្វើកិច្ចការបានច្រើន ពោលគឺពុំមានឧបទ្ទវហេតុអ្វីកើតឡើង គួរឲ្យកត់សម្គាល់ឡើយ លើកលែងតែមានការប្រឡងជំនួស ០១ ករណី នៅវិទ្យាល័យវត្តកោះ រាជធានីភ្នំពេញ ករណីបេក្ខជនមានបញ្ហាសុខភាពចំនួន ១៩ ករណី ប៉ុន្តែ ១៨ ករណី អាចបន្តប្រឡងបានក្រោយពីគ្រូពេទ្យ បានជួយព្យាបាលរួចមក។ <span style="line-height: 2;">ទិដ្ឋភាពជារួម នៃដំណើរការប្រឡងនៅថ្ងៃទីមួយនេះ មានភាពល្អប្រសើរជាងឆ្នាំកន្លងទៅ ។</span></span></p>
<p><span style="line-height: 2; color: #000000;">ដោយឡែកសម្រាប់ថ្ងៃទី១ ការប្រឡងបានប្រព្រឹត្តទៅដោយរលូន ពោលគឺគណៈមេប្រយោគគ្រប់លំដាប់ថ្នាក់ មានការទទួលខុសត្រូវខ្ពស់ក្នុងការបំពេញភារកិច្ច ទោះបីជាដំណើរការសំណេរ នាពេលរសៀលនៅតាមរាជធានី ខេត្តមួយចំនួនមានភ្លៀងធ្លាក់ខ្លាំងក៏ដោយ។</span></p>
<p><span style="color: #000000;">លោកបន្តថា គ្រប់ភាគីពាក់ព័ន្ធបានផ្ដល់កិច្ចសហការយ៉ាងល្អ រួមមានកងកម្លាំងមានសមត្ថកិច្ច អង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា និងអ្នកសង្កេតការណ៍ផ្សេងទៀត។ លោកបញ្ជាក់ថា "ទិដ្ឋភាពជារួមសម្រាប់រយៈពេលមួយថ្ងៃ នៅទូទាំងប្រទេសមានស្ថានភាពល្អប្រសើរ ទាំងបេក្ខជនប្រឡង មេប្រយោគ និងអនុរក្ស ព្រមទាំងកងកម្លាំងមានសមត្ថកិច្ចរក្សាការពារសណ្តាប់ធ្នាប់បានល្អ"។</span><br /> <br /><span style="color: #000000;">សូមបញ្ជាក់ថា ថ្ងៃទី១នេះ សម្រាប់ថ្នាក់វិទ្យាសាស្ត្រ មាន ៤ មុខវិជ្ជា គឺគីមីវិទ្យា ជីវវិទ្យា ប្រវត្តិវិទ្យា និងភាសាបរទេស ។ ដោយឡែក សម្រាប់ថ្នាក់វិទ្យាសាស្ត្រសង្គម មាន ៤ មុខវិជ្ជា គឺភូមិវិទ្យា ប្រវត្តិវិទ្យា ជីវវិទ្យា និងភាសាបរទេស ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/25/35-25-08-2015--09-03-00.jpg"><img src="/FileManager/Articles/mce/2015/8/25/35-25-08-2015--09-03-00.jpg" alt="" /></a></span></p>
<p><a class="thickbox" title="" href="/FileManager/Commons/2015/8/25/36-25-08-2015--09-03-08.jpg"><img src="/FileManager/Articles/mce/2015/8/25/36-25-08-2015--09-03-08.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/25/35-25-08-2015--09-03-00.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>