<div class="article-content">
<p><strong>ភ្នំពេញ :</strong> ប្រជានេសាទ រស់នៅឃុំអរិយ៍ក្សត្រ ស្រុកល្វាឯម ខេត្តកណ្តាល ប្រទះឃើញត្រី<br />ផ្សោតមួយ ក្បាល អណ្តែត លើផ្ទៃទឹកទន្លេមេគង្គលើ កាលវេលាម៉ោង ៩និង៣០នាទី ថ្ងៃទី<br />៤ ខែកញ្ញា ឆ្នាំ២០១៣នេះ បង្កឲ្យ មានការភ្ញាក់ផ្អើល ដល់មន្រ្តីជលផលខេត្តផងដែរ ។</p>
<p>លោក ពេជ្រ កុសល ប្រធានផ្នែកអធិការកិច្ច នៃអធិការដ្ឋាន ជលផលចតុមុខ ដែលចុះទៅ<br />ពិនិត្យបានឲ្យ ដឹងថាត្រីផ្សោតនេះអាចទើបងាប់ថ្មីៗ ព្រោះមិនទាន់ហើមស្អុយនៅឡើយ។<br /> លោកបន្តថា ត្រីផ្សោតនេះ មានទម្ងន់ ២១៥គីឡូក្រាម ប្រវែង ២,៣៥ម៉ែត្រ ទំហំទទឹងខ្លួន<br /> ១,១៤ម៉ែត្រ ។ លោកបញ្ជាក់ថា នៅមិនទាន់ដឹងច្បាស់ថា តើត្រីផ្សោតនេះ ងាប់ដោយសារ<br />អ្វីនោះទេ ប៉ុន្តែខ្លួនមានឃើញស្នាមរបួស គឺរង់ចាំយកទៅ ពិនិត្យនៅមន្ទីរពិសោធន៍សិន <br />ទើបអាចដឹងការពិត ។</p>
<p>លោកប្រធានក្រុមអធិការកិច្ចបន្តថា ត្រីផ្សោតមួយក្បាលដែលងាប់នេះ ប្រភេទត្រីផ្សោត<br />ឈ្មោល ហើយវាក៏ប្រភេទសត្វជិតផុតពូជផងដែរ។ ជាមួយគ្នានេះ លោកក៏បានអំពាវនាវ<br />ដល់អ្នកនេសាទ ក៏ដូចជាប្រជា ពលរដ្ឋចូលរួមថែរក្សា អភិរក្សទាំងអស់ មិនថា តែប្រភេទ<br />ត្រីផ្សោតនេះទេ ត្រីរាជ ត្រីគល់រាំង បើសិន នេសាទបាន គួរព្រលែងចូលទឹកទន្លេវិញផង<br /> ដើម្បីជួយការពារ និងអភិរក្ស ព្រោះជាមច្ឆជាតិ ដ៏កម្រក្នុង លោក ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0581.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0582.jpg" alt="" width="500" /></p>
<p style="text-align: right;"> ផ្តល់សិទ្ធិដោយ៖ ដើមអម្ពិល</p>
</div>