<p><span style="color: #000000;"><strong>(ភ្នំពេញ)៖</strong> លោក ថោង ខុន រដ្ឋមន្រ្តីក្រសួងទេសចរណ៍ នាថ្មីៗនេះ បានសម្រេចបញ្ឈប់ នាយរងការិយាល័យម្នាក់ របស់ក្រសួង ទេសចរណ៍ ដែលបានប្រព្រឹត្តល្មើស វិន័យមន្រ្តីរាជការស៊ីវិល។</span></p>
<p><span style="color: #000000;">លោក ឡុង ផល្លីតា នាយរងការិយាល័យសេវាកម្សាន្តទេសចរណ៍ នៃនាយកដ្ឋានឧស្សាហកម្មទេសចរណ៍ របស់អគ្គនាយកដ្ឋាន ទេសចរណ៍ ត្រូវបានលោករដ្ឋមន្រ្តី ដកចេញពីតំណែង កាលពីថ្ងៃទី០៥ ខែកុម្ភៈ ឆ្នាំ២០១៦ ដោយមូលហេតុល្មើសវិន័យ មន្រ្តីរាជការស៊ីវិល ។ នេះបើតាមសេចក្តីប្រកាស របស់ក្រសួងទេសចរណ៍ ដែលFresh News ទទួលបាននៅថ្ងៃទី១៩ ខែកុម្ភៈ ឆ្នាំ២០១៦នេះ។</span></p>
<p><span style="color: #000000;">ក្រសួងទេសចរណ៍ បានប្រកាសថា រាល់ប្រាក់បៀវត្សរ៍ ប្រាក់សោធននិវត្តន៍ និងរបបឧបត្ថម្ភផ្សេងៗ របស់លោក ឡុង ផល្លីតា ត្រូវបានកាត់ផ្តាច់ និងលុបចេញពីក្របខណ្ឌមន្រ្តីរាជការស៊ីវិល នៃក្រសួងទេសចរណ៍ ចាប់ពីខែកុម្ភៈ ឆ្នាំ២០១៦នេះតទៅ។</span></p>
<p><span style="color: #000000;">អង្គភាពព័ត៌មាន Fresh News មិនអាចទំនាក់ទំនងទៅលោក ទិត ចន្ថា អ្នកនាំពាក្យក្រសួងទេសចរណ៍ និង លោក ណេប សាមុត អគ្គនាយកទេសចរណ៍ បាននៅឡើយទេ នៅរសៀលថ្ងៃទី១៩ ខែកុម្ភៈនេះ ដោយទូរស័ព្ទរបស់ពួកគាត់ មិនមានអ្នកទទួល។</span></p>
<p><span style="color: #000000;">កាលពីថ្ងៃទី២៧ ខែមករា ឆ្នាំ២០១៦ កន្លងទៅ ក្រសួងទេសចរណ៍ បានចេញសេចក្តីសម្រេចដោយផ្អាកការងារ លោក ឡុង ផល្លីតា ដើម្បីស៊ើបអង្កេត និងស្រាវជ្រាវលើករណីភាពមិនប្រក្រតី ក្នុងការរៀបចំឯកសារស្នើសុំអាជ្ញាប័ណ្ណ ទេសចរណ៍បន្ទាប់ពីមាន សេចក្តីរាយការណ៍ អំពីការងាររបស់មន្រ្តីរូបនេះ។</span></p>
<p><span style="color: #000000;">អង្គភាព Fresh News ក៏មិនអាចទំនាក់ទំនងទៅ លោក ឡុង ផល្លីតា នាយរងការិយាល័យសេវាកម្សាន្តទេសចរណ៍ ដែលទើប បណ្តេញចេញ ពីក្របខណ្ឌរដ្ឋរូបនេះបាននៅឡើយដែរ៕</span></p>
<p><span style="color: #000000;">ខាងក្រោមនេះជាសេចក្តីប្រកាសរបស់ក្រសួងទេសចរណ៍៖</span></p>
<p><span style="color: #000000;"><a class="thickbox" title="" href="/FileManager/Commons/2016/2/19/17-19-02-2016--15-02-27.jpg"><img src="/FileManager/Articles/mce/2016/2/19/17-19-02-2016--15-02-27.jpg" alt="" /></a></span></p>
<p><a class="thickbox" title="" href="/FileManager/Commons/2016/2/19/17a-19-02-2016--15-02-35.jpg"><img src="/FileManager/Articles/mce/2016/2/19/17a-19-02-2016--15-02-35.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/2/19/17-19-02-2016--15-02-27.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>