<p><span style="color: #000000;"><strong>(អង់គ្លេស)៖</strong> យោងតាមការចេញផ្សាយរបស់សារព័ត៌មាន Mail Online នៅល្ងាចថ្ងៃទី១៩ ខែមករា ឆ្នាំ២០១៦នេះ បានឲ្យដឹងថា សាលារៀនជាច្រើនកន្លែង ក្នុងតំបន់ West Midlands ចក្រភពអង់គ្លេស ត្រូវបានបិទ ព្រមទាំងបានធ្វើការជម្លៀស កូនសិស្សរាប់ពាន់នាក់ចេញ ទៅរកទីមានសុវត្ថិភាព បន្ទាប់ពីទទួលបាន ការគំរាមបំផ្ទុះគ្រាប់បែក។</span></p>
<p><span style="color: #000000;">សិស្សសាលាចំនួន៣កន្លែង នៅតំបន់ Sandwell និងមួយកន្លែងទៀត នៅតំបន់ Dudley បានជម្លៀសចេញ ដោយសារតែមានការភ័យខ្លាចផ្នែកសន្តិសុខ បន្ទាប់ពីទទួលបានការគំរាមកំហែងតាមរយៈទូរស័ព្ទ។ សាលារៀនទាំង៤ ដែលទទួលបាន ការគំរាមបំផ្ទុះគ្រាប់បែកនោះ មានឈ្មោះ សាលា Bristnall Hall Academy, Oldbury Academy និង Holly Lodge នៅតំបន់ Oldbury និងសាលា Leasowes School នៅតំបន់ Halesowen។</span></p>
<p><span style="color: #000000;">ការហៅទូរស័ព្ទគំរាមបំផ្ទុះគ្រាប់បែកនេះ ត្រូវបានធ្វើឡើងនៅចម្លោះម៉ោង ៩៖០០នាទី ដល់ ម៉ោង៩៖៣០នាទីព្រឹក (ម៉ោងក្នុងតំបន់) ដោយនៅពេលនេះ ប៉ូលិសកំពុងធ្វើការស៊ើបអង្កេត ដើម្បីស្វែងរកមនុស្ស ដែលធ្វើការទូរស័ព្ទគំរាមនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/20/02-20-01-2016--09-02-09.jpg"><img src="/FileManager/Articles/mce/2016/1/20/02-20-01-2016--09-02-09.jpg" alt="" /></a></span></p>
<p> </p>
<p><a class="thickbox" title="" href="/FileManager/Commons/2016/1/20/02a-20-01-2016--09-02-28.jpg"><img src="/FileManager/Articles/mce/2016/1/20/02a-20-01-2016--09-02-28.jpg" alt="" /></a></p>
<p><a class="thickbox" title="" href="/FileManager/Commons/2016/1/20/02b-20-01-2016--09-02-43.jpg"><img src="/FileManager/Articles/mce/2016/1/20/02b-20-01-2016--09-02-43.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>