<div class="article-content">
<p><strong>វៀងច័ន្ទ៖</strong> ទីភ្នាក់ងារព័ត៌មាន ចិនស៊ិនហួ បានចេញផ្សាយ នៅថ្ងៃសុក្រ ទី០១ ខែវិច្ឆិកា ឆ្នាំ<br />២០១៣ នេះថា ផ្នែក មួយនៃប្រអប់ខ្មៅ របស់យន្តហោះឡាវ QV301 ដែលបានធ្លាក់កាលពី<br /> រសៀលថ្ងៃទី១៦ ខែតុលា នោះត្រូវបាន រកឃើញហើយ។ នេះបើតាមការអះអាង របស់លោក<br /> យ៉ាគួ លូផាងកៅ អគ្គនាយកនៃ នាយកដ្ឋានអាកាសចរណ៍ ស៊ីវិលឡាវ នៅថ្ងៃសុក្រ។</p>
<p>ចំពោះយន្តហោះដឹកមនុស្ស ៤៩នាក់ រួមមានអ្នកដំណើរ ពីឡុត និង អ្នកបម្រើ លើនោះ ជា<br />ប្រភេទយន្តហោះ ម៉ាស៊ីនពីរ ATR 72-600 បានផ្ទុកនូវប្រអប់ខ្មៅ ចំនួនពីរ មុនពេលដែលវា<br /> ធ្លាក់ចូលទន្លេមេគង្គ ក្នុងខេត្តចម្ប៉ាសាក់ ភាគខាងត្បូងប្រទេសឡាវ ហើយរហូតដល់ពេល<br /> នេះគេទើបរកឃើញ ប្រអប់ខ្មៅតែមួយប៉ុណ្ណោះ ដែលជាហេតុ នាំមូលហេតុ នៃការធ្លាក់នៅ<br />មិន ទាន់អាចកំណត់ឲ្យ បានច្បាស់លាស់នោះទេ។</p>
<p>អគ្គនាយកនៃនាយកដ្ឋានអាកាសចរណ៍ ស៊ីវិលឡាវលោក យ៉ាគួ លូផាងកៅ បានលើកឡើង <br />ទៀតថា តាមការ ទទួលបាន ព័ត៌មានពីប្រអប់ខ្មៅនោះ គឺយន្តហោះដែលបានធ្លាក់ បណ្តាល<br />មក ពីមានបញ្ហាផ្នែកប្រព័ន្ធ អេឡិចត្រូនិក ហើយទិន្នន័យទាំងអស់ នឹងត្រូវផ្តល់ជាផ្លូវការ នៅ<br />ពេលក្រោយ បន្ទាប់ពីគេបានដឹង ពីស្ថានការណ៍ ចុងបញ្ចប់ ដែលនាំឲ្យយន្តហោះQV 301 <br />នោះធ្លាក់។</p>
<p>គួរបញ្ជាក់ថា ស្ថានភាពភូមិសាស្ត្រ ត្រូវបានអ្នកជំនាញស្រាវជ្រាវ អះអាងថាមិនអំណោយផល<br /> បន្តិចសោះឡើយ សម្រាប់ការរុករកប្រអប់ខ្មៅ ដោយសារតែ ទឹកទន្លេជ្រៅ និង ហូរខ្លាំង ដែល<br /> ជាហេតុនាំឲ្យពួកគេត្រូវ រាវរក បន្តិចម្តងៗនៅវត្ថុ នានានៅបាតទន្លេ។ យន្តហោះខាងលើនេះ<br /> បានធ្លាក់ដោយនៅ សល់តែ ៧ គីឡូម៉ែត្រ ប៉ុណ្ណោះ ទើបទៅដល់ គោលដៅ ហើយមនុស្សជិះ<br />នៅ លើនោះចម្រុះជាតិសាសន៍ចំនួន ៤៩នាក់ បានស្លាប់ទាំងអស់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-483.jpg" alt="Photo by DAP-News" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>