<p><span style="color: #000000;"><strong>ភ្នំពេញ៖</strong> អត្តពលិកឆ្នើមៗរបស់កម្ពុជាចំនួន៥នាក់ត្រូវបាន គណៈកម្មាធិការជាតិអូឡាំពិកកម្ពុជាសម្រេចផ្ដល់អាហា រូបករណ៍ចេញទៅហ្វឹកហាត់ នៅប្រទេសជប៉ុន ដើម្បីត្រៀម ចូលរួមប្រកួតកីឡាអូឡាំពិក (Olympic Games) នៅទីក្រុង Rio ប្រទេសប្រេស៊ីល នាឆ្នាំ២០១៦ខាងមុខ ។</span></p>
<p><span style="color: #000000;">អត្ដពលិកទាំង៥នាក់នោះរួមមានកីឡាការិនីតេក្វាន់ដូ ម្ចាស់មេដាយមាសកីឡាអាស៊ី ស៊ន សៀវម៉ី និងបងស្រីបង្កើតខ្លួន ស៊ន ដាវីន ។ កីឡាការិនីចំបាប់ម្ចាស់មេដាយមាសកីឡា SEA Games ចូវ សុធារ៉ា និងកីឡាករ ងួន មករា រួមទាំងកីឡាការិនីហែលទឹក ម្នាក់ទៀតគឺកីឡាការិនី ហែម ថុនវិទិនី ។</span></p>
<p><span style="color: #000000;">លិខិតបញ្ជាក់ការផ្ដល់អាហារូបករណ៍ដល់អត្តពលិកឆ្នើម ទាំង៥នាក់ខាងលើ បានប្រគល់ជូនដោយផ្ទាល់ពីសំណាក់លោក វ៉ាត់ ចំរើន អគ្គលេខាធិការគណៈ កម្មាធិការជាតិអូឡាំពិកកម្ពុជា ក្នុងឱកាសបិទកម្មវិធីយល់ដឹងអំពីតម្លៃ និងការអប់រំអូឡាំពិក ឆ្នាំ២០១៥កាលពីម្សិលមិញនៅទីស្នាក់ការ NOCC ដែលរៀបចំឡើងដោយក្រុម និស្សិតជប៉ុនចំនួន ៥នាក់ផងនោះ ។</span></p>
<p><span style="color: #000000;">លោក វ៉ាត់ ចំរើន បានមានប្រសាសន៍ថា អាហារូបករណ៍ខាងលើ នឹងជួយឲ្យអត្ដពលិកកម្ពុជា មានសមត្ថភាពគ្រប់គ្រាន់ ក្នុងការស្វែងរកមេដាយជូនជាតិ ក្នុងការប្រកួតកីឡាអូឡាំពិក ឆ្នាំ២០១៦ខាងមុខ ប៉ុន្ដែអត្តពលិក ក៏ត្រូវយកចិត្តទុកហ្វឹកហាត់ផងដែរ ។ ចំពោះការស្នាក់នៅ និងអាហារហូបចុកគឺខាង Olympic Solidarity ជាអ្នកសម្របសម្រួល និងគ្រប់ គ្រងការចំណាយរបស់អត្តពលិក កម្ពុជាក្នុងពេលហ្វឹកហាត់នៅទីនោះ ។</span></p>
<p><span style="color: #000000;">លោកបានបន្តថា ចំពោះរយៈពេលហ្វឹកហាត់ គឺវែងគួរសមល្មម ដែលអត្តពលិកកម្ពុជាអាចក្រេបជញ្ជក់ យកចំណេះដឹងមកអភិវឌ្ឍន៍ វិស័យកីឡាកម្ពុជាឲ្យកាន់តែរីកចម្រើន ពោលគឺគិតចាប់តាំងពីខែមករា ឆ្នាំ២០១៥ រហូតដល់ខែសីហា ឆ្នាំ២០១៦ឯណោះ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/25/3-25-2015-2-53-34-pm-25-03-2015--14-58-56.png"><img src="/FileManager/Articles/mce/2015/3/25/3-25-2015-2-53-34-pm-25-03-2015--14-58-56.png" alt="" /></a></span></p>
<p><a class="thickbox" title="" href="/FileManager/Commons/2015/3/25/3-25-2015-2-53-58-pm-25-03-2015--14-59-14.png"><img src="/FileManager/Articles/mce/2015/3/25/3-25-2015-2-53-58-pm-25-03-2015--14-59-14.png" alt="" /></a></p>
<p><a class="thickbox" title="" href="/FileManager/Commons/2015/3/25/3-25-2015-2-54-11-pm-25-03-2015--14-59-27.png"><img src="/FileManager/Articles/mce/2015/3/25/3-25-2015-2-54-11-pm-25-03-2015--14-59-27.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>