<p><span style="color: #000000;"><strong>(កំពង់ឆ្នាំង)៖</strong> កូនក្រមុំរត់ចោលរោងការ ក្នុងថ្ងៃសូត្រមន្ត បានវិលត្រឡប់មកក្រាបសំពះសុំទោសម្តាយ និង ឪពុករបស់ខ្លួនវិញហើយ នៅថ្ងៃនេះ បន្ទាប់ពីកូនក្រមុំរូបនេះ បានគេចខ្លួនអស់រយៈពេល៣ថ្ងៃ ទៅ ជាមួយនឹងគូកំណាន់របស់ខ្លួន នាពីថ្ងៃទី២៥ ខែមករា ឆ្នាំ២០១៦ ។</span></p>
<p><span style="color: #000000;">ស្ត្រីឈ្មោះ ផាន់ សិរី អាយុ៣៩ឆ្នាំ ត្រូវជាម្តាយបានរៀបរាប់ឲ្យដឹងថា ក្រោយពីសារព័ត៌ក្នុងស្រុក បានចុះផ្សាយពីការបានខ្លួនកូនស្រី ជាកូនក្រមុំត្រៀមចូលរោងការនោះ កូនស្រីរបស់គាត់ បានត្រឡប់មកដល់ផ្ទះវិញហើយ បន្ទាប់ពីគាត់បានអំពាវនាវដល់កូនឲ្យត្រឡប់មកផ្ទះ ដោយមិនប្រកាន់ទោសពៃអ្វីទាំងអស់។ ស្ត្រីជាម្តាយបានប្រាប់ទៀតថា កាលពីថ្ងៃទី២៥ ខែមករា វេលាម៉ោងជាង៧ព្រឹក កូនស្រីរបស់គាត់បានមកក្រាបសុំទោស ពីកំហុសឆ្គងរបស់ខ្លួនដែលប្រព្រឹត្តខុស កាលពីថ្ងៃទី២៣ ខែមករា ឆ្នាំ២០១៥កន្លងទៅ ដោយបានរត់ចោលរោងការ ។</span></p>
<p><span style="color: #000000;">នៅចំពោះមុខម្តាយ កញ្ញា សុខ សិរីវឌ្ឍន៍ កូនក្រមុំបានគេចខ្លួនថ្ងៃចូលរោងការនោះ បានក្រាបសំពះសុំទោស ដោយក្តីអាណិតមេត្តាពីម្តាយ និង ឪពុក អំពីទង្វើដែលមិនគួរ គប្បីធ្វើឲ្យញាតិផងគេស្តីថា ។ មូលហេតុដែលនាងរត់ចោលរោងការ គឺដោយសារតែនាងមានទំនាក់ទំនងស្នេហ៍ ជាមួយនឹងបុរសឈ្មោះ ទក នេះ ទើបនឹងបានរយៈពេលជាង១ខែប៉ុណ្ណោះ ហើយបានស្រឡាញ់គ្នា ហើយក៏បានសម្រេចចិត្តរត់ចោលរោងការតែម្តង ។</span></p>
<p><span style="color: #000000;">ក្នុងរយៈពេល៣ថ្ងៃ ដែលកូនស្រីរបស់គាត់ ដែលរត់ចោលរោងការនោះ គឺបានទៅជាមួយនឹងបុរសម្នាក់ ឈ្មោះ ទក ហៅយ៉ា ដែលជាអ្នកធ្វើការនៅរោងចក្រ អឹម និង វ៉េ ជាមួយគ្នា ដែលក្នុងអំឡុងពេលនោះនាង(កូនស្រី) បានទៅភ្នំពេញ ។ ម្តាយកូនក្រមុំបានប្រាប់ទៀតថា គាត់មិនប្តឹងផ្តល់ចំពោះបុរសឈ្មោះ ទក ហៅយ៉ា នោះទេ ដោយគ្រាន់តែសម្រុះសម្រួលគ្នា ឲ្យបុរសដែលនាំកូនស្រីចេញថ្លៃបណ្តាការ ដែលកូនកម្លោះប្រគល់ជូនគាត់ចំនួន ២០០០ដុលា្លរប៉ុណ្ណោះ ហើយនឹងរកពេលវេលាសមស្របណាមួយ ដើម្បីរៀបចំផ្សំផ្គុំ កូនស្រីរបស់គាត់ ជាមួយនឹងបុរសឈ្មោះ ទក ដែលនាំកូនគាត់ចេញពីរោងការ ។</span></p>
<p><span style="color: #000000;">ស្ត្រីជាម្ដាយបានបន្តទៀតថា ចំណែកឯភាគីកូនកំលោះ ដែលត្រៀមខ្លួនជាស្រេចសម្រាប់ចូលរោងការនោះ ក៏មិនបានប្តឹងផ្តល់អ្វីដែរ គ្រាន់តែទាមទារ នូវជំនូនបណ្តាការ ដែលប្រគល់ចំនួន២០០០ដុល្លារ តែប៉ុណ្ណោះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/27/125730411550424608605238552179844805653578n-27-01-2016--08-59-00.jpg"><span style="color: #000000;"><img src="/FileManager/Articles/mce/2016/1/27/125730411550424608605238552179844805653578n-27-01-2016--08-59-00.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/27/126447862221088747882894487277624103401198n-27-01-2016--08-59-12.jpg"><span style="color: #000000;"><img src="/FileManager/Articles/mce/2016/1/27/126447862221088747882894487277624103401198n-27-01-2016--08-59-12.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/27/1-27-2016-8-46-58-am-27-01-2016--08-59-33.png"><span style="color: #000000;"><img src="/FileManager/Articles/mce/2016/1/27/1-27-2016-8-46-58-am-27-01-2016--08-59-33.png" alt="" /></span></a></span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2016/1/27/1-27-2016-8-47-32-am-27-01-2016--08-59-44.png"><img src="/FileManager/Articles/mce/2016/1/27/1-27-2016-8-47-32-am-27-01-2016--08-59-44.png" alt="" /></a></span></span></p>
<p><a class="thickbox" title="" href="/FileManager/Commons/2016/1/27/1-27-2016-8-47-10-am-27-01-2016--09-07-06.png"><img src="/FileManager/Articles/mce/2016/1/27/1-27-2016-8-47-10-am-27-01-2016--09-07-06.png" alt="" /></a><span style="color: #000000;"><a class="thickbox" title="" href="/FileManager/Commons/2016/1/27/1-27-2016-8-47-32-am-27-01-2016--08-59-44.png"></a></span></p>
<p style="text-align: right;"><span>ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>