<p><span style="color: #000000;">ព័ត៌មានកីឡា៖ ថ្នាក់ដឹកនាំក្លឹប Wolfsburg បានបង្ហាញពីភាពភ្ញាក់ផ្អើលនឹង ទម្ងន់ទឹកប្រាក់ដ៏ធ្ងន់ដែលល្បីថាក្លឹប Man City ហ៊ានបោះទុនលើទីផ្សារកីឡាករខ្សែបម្រើរបស់ខ្លួន គឺ Kevin de Bruyne ដែលកន្លងមក ក្លឹបទទួចថានឹងមិនលក់ទៅឲ្យ ជាដាច់ខាតប្រសិនជា ហ៊ានត្រឹមតែតម្លៃ ៥០ លានផោន។ </span></p>
<p><span style="color: #000000;">ខ្សែបម្រើវ័យ ២៤ ឆ្នាំ កីឡាករ Kevin de Bruyne ដែលត្រូវបានក្លឹប Wolfsburg ផ្ទេរចេញពីក្លឹប Chelsea កាលពីដើមឆ្នាំ ២០១៤ ក្នុងតម្លៃខ្លួនប្រហែលត្រឹមតែ១៦ លានផោន នោះពេលនេះ ត្រូវបានលោក Klaus Allofs ថ្នាក់ដឹកនាំក្លឹប Wolfsburg ជឿជាក់ទាំងស្រុងថា Man City ពិតជាហ៊ានដេញថ្លៃយករហូតដល់ទៅ តម្លៃ៥៨ លានផោន ខណៈកិច្ចពិភាក្សានេះ ត្រូវបានអះអាងដោយលោក Klaus Allofs ដោយផ្ទាល់។ </span></p>
<p><span style="color: #000000;">លោក Klaus Allofs បានប្រាប់ទៅដល់ភ្ញាក់ងារព័ត៌មាន ប៊ីប៊ីស៊ីថា " ពួកយើងគួរតែធ្វើវា ឲ្យម៉ត់ចត់បន្ដិច សម្រាប់ការចរចាមួយនេះ ហើយពួកយើងក៏សង្ឃឹមផងដែរថា Man City ពិតជា ហ៊ានចាយលុយដ៏ច្រើនដើម្បីកីឡាករ Kevin de Bruyne " ។ លោក Klaus Allofs គ្រោងនឹងបញ្ចប់កិច្ចពិភាក្សាជាមួយ ថ្នាក់ដឹកនាំក្លឹប Man City ត្រឹមថ្ងៃសុក្រសប្ដាហ៍ នេះហើយ ។ </span></p>
<p><span style="color: #000000;">ក្លឹប Man City កន្លងមកធ្លាប់បានបង្ហើមព័ត៌មានថា ក្លឹបគ្រោងនឹងចាយលុយបន្ថែមរហូតដល់ទៅ ៨៨ លានផោនដើម្បីទិញកីឡាករ ពីររូបថែមទៀត គឺខ្សែការពារក្លឹប Valencia និង ខ្សែបម្រើម្នាក់នេះ ។ រហូតមកទល់ពេលនេះ ក្លឹបទិញបានសម្រេចម្នាក់ហើយ គឺខ្សែការពារ នៅសល់តែ ខ្សែបម្រើនេះទេ។ ចំពោះតម្លៃវិញ ក្លឹប ក៏បានកំណត់ហើយជាស្រេច គឺខ្សែការពារគឺ ៣២លានផោន ហើយខ្សែបម្រើម្នាក់នេះត្រឹមតែ ៥៦លានផោន ។</span></p>
<p><span><span><span><span><span><span><span><a class="thickbox" title="" href="/FileManager/Commons/2015/8/28/85231964debruy-28-08-2015--11-03-52.jpg"><img src="/FileManager/Articles/mce/2015/8/28/85231964debruy-28-08-2015--11-03-52.jpg" alt="" /></a></span></span></span></span></span></span></span></p>
<p><span style="color: #0000ff;"><a href="/News/Detail/14160/nicolas-otamendi-and-kevin-de-bruyne-set-to-sign-for-combined-88m" target="_blank"><span style="color: #0000ff;">អាន៖ Man City គ្រោងនឹងចាយលុយបន្ថែមរហូតដល់ទៅ ៨៨លានផោន ដើម្បីទិញកីឡាករបញ្ចូលពីររូបទៀត</span></a></span></p>
<p><span style="color: #0000ff;"><a href="/News/Detail/25725/nicolas-otamendi-sends-strong-message-to-manchester-city-fans-on-social-media" target="_blank"><span style="color: #0000ff;">អាន៖ បាន១ អត់១ នៃមុខសញ្ញាទាំងពីរ ដែល Man City គ្រោងនឹង ចាយលុយឲ្យអស់ រហូតដល់ទៅ ៨៨ លានផោន</span></a></span></p>
<p style="text-align: right;">ដោយ៖ អឿ អ៊ុយ</p>
<p style="text-align: right;">ប្រភព៖ ប៊ីប៊ីស៊ី</p>