<div class="article-content">
<p><strong>រតនគិរី៖</strong> អភិបាល ស្រុកតាវែង ខេត្តរតនគិរី លោក នឹម ឃឿ អាយុ៤៥ឆ្នាំ បានស្លាប់ដោយសារ<br /> តែលង់ទឹកនៅខាងក្រោយសាលាស្រុករបស់លោកតែម្តង កាលពីវេលាម៉ោង ប្រមាណ៤ រសៀល<br />ថ្ងៃទី៤ ខែឧសភា ឆ្នាំ២០១៣ ស្ថិតនៅឃុំតាវែងលើ ស្រុកតាវែង ។</p>
<p>សេចក្តីរាយការណ៍ ពីប្រជាពលរដ្ឋ នៅកន្លែងកើតហេតុ បានឲ្យដឹងថា មុនពេលកើតហេតុ លោក<br /> នឹម ឃឿ បានចុះទៅងូតទឹក នៅខាងក្រោយសាលាស្រុក របស់លោក ស្រាប់តែពេលចុះ ងូតទឹក<br />នោះ ជនរងគ្រោះបានលើកដៃ ឡើងលើចេញពីក្នុងទឹក ទំនងស្រែកឲ្យគេជួយ ប៉ុន្តែ ដោយសារតែ<br />ជួយ មិនទាន់ជនរងគ្រោះ ក៏លង់ទឹកស្លាប់តែម្តងទៅ។</p>
<p>សេចក្តីរាយការណ៍ បានបន្តថា ក្រោយដឹងថា លោកអភិបាលស្រុក លង់ទឹកស្លាប់នោះ ក្រុមមន្រ្តីនៃ<br />សាលាស្រុកតាវែង និងប្រជាពលរដ្ឋបានចុះទៅរាវរកជនរងគ្រោះ នៅក្នុងទឹក ប៉ុន្តែវាហួសពេលទៅ<br />ហើយ ក្នុងការបញ្ជូនទៅកាន់មន្ទីរពេទ្យ ពីព្រោះលោក នឹម ឃឿ បានដាច់ខ្យល់ស្លាប់បាត់ទៅហើយ។</p>
<p>ក្រោយកើតហេតុ សពជនរងគ្រោះត្រូវបានដឹកយក ទៅធ្វើបុណ្យតាមប្រពៃណី នៅគេហដ្ឋាន របស់<br />លោក ដែលស្ថិតនៅភូមិជ្រាច សង្កាត់យក្សឡោម ក្រុងបានលុង អមដោយការស្រែកយំបោកខ្លួន ពី<br />សំណាក់ ក្រុមគ្រួសារ ជនរងគ្រោះ៕</p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0006.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0007.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>