<p><span style="color: #000000;"><strong>(បន្ទាយមានជ័យ)៖</strong> យុវជនឈាមរាវ២នាក់ ជិះម៉ូតូម៉ាក MSX ក្នុងល្បឿនលឿនពេកក៏រេចង្កូត ជ្រុលទៅបុកបង្គោលចំណាំងផ្លាត ដែលដាំសម្គាល់ផ្លូវកោងនៅតាមផ្លូវ បណ្ដាលស្លាប់ម្នាក់ និងម្នាក់ទៀតរងរបួសបាក់ជើង។ ហេតុការណ៍នេះ កើតឡើងនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។</span></p>
<p><span style="color: #000000;">លោកអនុសេនីយ៍ឯក ភឿក ព្រហ្ម មេបញ្ជាការស្ដីទីមូលដ្ឋានកងរាជអាវុធហត្ថក្រុងសិរីសោភ័ណបានឱ្យដឹងថា នៅព្រលប់ ថ្ងៃទី២២ ខែកញ្ញា ឆ្នាំ២០១៦ មានករណីគ្រោះថ្នាក់ចរាចរណ៍មួយ ដោយមានម៉ូតូទៅបុកបង្គោល ចំណាំងផ្លាតដោយខ្លួនឯង បណ្ដាលឱ្យស្លាប់ម្នាក់ និងរបួសបាក់ជើងម្នាក់។</span></p>
<p><span style="color: #000000;">លោកអនុសេនីយ៍ឯក ភឿក ព្រហ្ម បានបន្តថា ម៉ូតូម៉ាក MSX ពណ៌ក្រហម គ្មានស្លាកលេខ បើកបរដោយឈ្មោះ វ៉ា អ៉ី អាយុ២០ឆ្នាំ រស់នៅភូមិ២ សង្កាត់កំពង់ស្វាយ ក្រុងសិរីសោភ័ណ (របួសបាក់ជើង) ចំណែកអ្នករួមដំណើរ ឈ្មោះ ឈឹម ចិន អាយុ២២ឆ្នាំ រស់នៅភូមិ២ សង្កាត់កំពង់ស្វាយ ក្រុងសិរីសោភ័ណ (ស្លាប់)។</span></p>
<p><span style="color: #000000;">លោកអនុសេនីយ៍ឯកបានបន្តទៀតថា អ្នករងរបួសត្រូវបានបញ្ជូនទៅមន្ទីរពេទ្យ បង្អែកក្រុងសិរីសោភ័ណ ដើម្បីព្យាបាល រីឯសពម្នាក់ត្រូវបានប្រគល់ឱ្យក្រុមគ្រួសារ យកទៅធ្វើបុណ្យតាមប្រពៃណី ចំណែកម៉ូតូ កម្លាំងអាវុធហត្ថបាន យកទៅរក្សាទុក នៅអធិការដ្ឋាននគរបាលក្រុងសិរីសោភ័ណ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-23-09-44-54-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-23-09-44-54-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>