<p class="Title">អគ្គីភ័យមួយបានឆាបឆេះនៅរដ្ឋធានី Doha នៃប្រទេស Qatar កាលពីម្សិលមិញ បណ្ដាល<br />អោយមនុស្សជាច្រើននាក់ត្រូវបាត់បង់ជីវិត ក្នុងនោះភាគច្រើនគឺជាកុមារ។</p>
<p><img style="display: block; margin-left: auto; margin-right: auto;" src="http://vnexpress.net/Files/Subject/3b/bd/76/f2/chay-qatar-1.jpg" alt="" width="480" height="313" /></p>
<p style="text-align: center;"><em>ផ្សែងងងឹតចេញពីមជ្ឈមណ្ឌលពាណិជ្ជកម្ម Villaggio</em></p>
<p class="Normal">AFP ដកស្រង់សំដីរបស់រដ្ឋមន្រ្ដីក្រសួងមហាផ្ទៃ Qatar លោក Abdullah bin Nasser Al-Thani<br />បានអោយដឹងថា ភ្លើងបានចាប់ផ្ដើមឆាបឆេះចេញពីកុមារដ្ឋានមួយក្នុងមជ្ឈមណ្ឌលពាណិជ្ជកម្ម<br />Villaggio។ លោក Al-Thani ថ្លែងថា ៖ "សេចក្ដីរាយការណ៍ពីអគ្គីភ័យនេះ ត្រូវបានធ្វើឡើងនៅ<br />វេលាម៉ោង ១១ និង២នាទី ភ្លាមនោះ ក្រុមអ្នកពន្លត់អគ្គីភ័យបានទៅដល់កន្លែងកើតហេតុ"។</p>
<p>មានកុមារប្រមាណជា ២០នាក់ កំពុងស្ថិតនៅក្នុងកុមារដ្ឋានរបស់មជ្ឈមណ្ឌល Villaggio ហើយ<br />ការជួយសង្គ្រោះត្រូវបានផ្ដោតទៅលើការជំលៀសកុមារទាំងនេះ។</p>
<p class="Normal">ស្ដ្រីអ្នកនាំពាក្យរបស់ក្រសួងមហាផ្ទៃ Qatar បានអោយដឹងថា ក្នុងចំណោមអ្នកស្លាប់ ១៩នាក់<br />គឺមានកុមារ ១៣នាក់ ក្នុងនោះកុមារ ៤នាក់ជាជនជាតិអេស្បាញ និង ៣នាក់ទៀតមានសញ្ជាតិ<br />បារាំង។</p>
<p class="Normal">រដ្ឋមន្ដ្រីក្រសួងសុខាភិបាល Qatar លោក Khaled al-Qahtani បានអោយដឹងដែរថា អ្នករងគ្រោះ<br />ដល់ជីវិតក្នុងករណីនេះគឺសុទ្ធតែបណ្ដាលមកពីស្ទះដង្ហើមដោយសារផ្សែង។ ក្រៅពីអ្នករងគ្រោះ<br />ខាងលើក៏មានមនុស្សចំនួន ១៧នាក់ផ្សេងទៀតត្រូវរងរបួសផងដែរ។</p>
<p class="Normal">ស្ថានិយទូរទស្សន៍ Al-Jazeera មានមូលដ្ឋាននៅ Doha បានរាយការណ៍ថា រាជបុត្រា Sheikh Tamim bin Hamad al-Thani ក៏បានបញ្ជាអោយបង្កើតគណកម្មការពិសេសមួយដើម្បីស្រាវជ្រាវ<br />រកមូលហេតុនៃករណីនេះ។</p>
<p class="Normal">គួរំឭកថា មជ្ឈមណ្ឌល Villaggio មានទំហំ ១២៥.០០០ម២ ត្រូវបានបើកដំណើរការកាលពីឆ្នាំ ២០០៦។ មជ្ឈមណ្ឌល Villaggio ត្រូវបានសាងសង់ឡើងយកតាមលំនាំកាស៊ីណូ Venetian នៅ<br />Macau៕</p>
<p class="Normal" style="text-align: right;">ដោយ ៖ សូរីយ៉ា<br />ប្រភព ៖ VE</p>