<p><span style="color: #000000;"><strong>(ភ្នំពេញ)៖</strong> រថយន្ត២គ្រឿងបើកបុកគ្នាពេញទំហឹងបណ្តាលឲ្យស្សប្រុសស្រី២នាក់ បានផ្លោងចេញពីរក្នុងថយន្តរងរបួសធ្ងន់ធ្ងរ ដែលហេតុការណ៌នេះបានកើតឡើងនាម៉ោង១២៖២០នាទីរំលងអាធ្រាត ឈានចូលថ្ងៃទី៦ ខែកញ្ញា ឆ្នាំ២០១៦ នៅតាមបណ្តោយផ្លូវ៣៦០ កែងផ្លូវ៥១ ក្នុងសង្កាត់បឹងកេងទី១ ខណ្ឌចំការមនភ្នំពេញ។</span></p>
<p><span style="color: #000000;">សមត្ថកិច្ចមូលដ្ឋានបានប្រាប់ថា នៅមុនកើតហេតុគេបានឃើញរថយន្ត BMW មួយគ្រឿងពាក់ស្លាកលេខភ្នំពេញ2Y-0089 បើកបរដោយបុរសម្នាក់ក្នុងល្បឿនយ៉ាងលឿន តាមបណ្តោយផ្លូវ៣៦០ ក្នុងទិសដៅពីជើងទៅត្បូង លុះបើកមកដល់ចំណុចកើតហេតុត្រង់ផ្លូវកែងលេខ៥១ ក៏មានរថយន្តមួយគ្រឿងទៀតម៉ាក Corolla បានមកដល់ដែរ ធ្វើឲ្យរថយន្តទាំង២បានបុកគ្នាយ៉ាងពេញទំហឹង ដែលធ្វើឲ្យបុរសម្នាក់រួមជាមួយនារីម្នាក់ជិះនៅក្នុងរថយន្ត Corolla ហោះផ្លោងចេញពីរថយន្តបណ្តាលឲ្យរងរបួសធ្ងន់ធ្ងរ ត្រូវបញ្ជួនទៅសង្គ្រោះបន្ទាន់នៅមន្ទីរពេទ្យផងដែរ។</span></p>
<p><span style="color: #000000;">បើតាមសាក្សី និងអ្នកដែលឃើញគ្រោះថ្នាក់ចរាចរណ៌ខាងលើ ហើយនាំគ្នារត់ដេញចាប់ម្ចាស់រថយន្ត BMW ដែលបើកយ៉ាងលឿង ហើយព្យាយាមរត់បានប្រាប់ដែរថា ខណដែលកំពុងតែដេញចាប់ស្រាប់់តែបុរសជាម្ចាស់រថយន្ត BMW រូបនោះបានដកកាំភ្លើងខ្លីហើយ ភ្ចង់គំរាមរកបាញ់ឃើញ ដូច្នេះអ្នកដែលរត់ដេញក៏នាំគ្នាដកថយវិញ ព្រោះខ្លាចបុរសជាម្ចាស់រថយន្ត BMW បាញ់ បន្ទាប់មកម្ចាស់រថយន្ត BMW ក៏មានឱកាសរត់គេចខ្លួនចេញពីកន្លែងកើតហេតុបាត់ទៅ។</span></p>
<p><span style="color: #000000;">ក្រោយកើតហេតុរថយន្ត២គ្រឿង ត្រូវបានសមត្ថកិច្ចជំនាញចុះមកវាស់វែង និងស្ទួចយកទៅរក្សាទុកដើម្បីរង់ចាំម្ចាស់ចូលខ្លូនមកដោះស្រាយគ្នា៕</span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/08/fn-2016-09-06-01-37-07-8.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>