<p><span style="color: #000000;"><strong style="font-size: 12px;">(</strong><strong style="font-size: 12px;">វ៉ាស៊ីនតោន)៖</strong><span style="font-size: 12px;"> មុនពេលរៀបចំខ្លួនចាកចេញពីសេតវិមានប្រធានាធិបតីអាមេរិកលោក បារ៉ាក់ អូបាម៉ា បានធ្វើការថ្លែងសុន្ទរកថាដ៏រំជួលចិត្តជាលើកចុងក្រោយ នៅក្នុងឱកាសដើម្បីលាប្រជាជនអាមេរិកក្នុងនាមជាមេដឹកនាំកំពូលរបស់ប្រទេស។ នេះបើតាមការចេញផ្សាយដោយសារព័ត៌មាន Business Insider នៅមុននេះបន្តិចនាព្រឹកថ្ងៃពុធ ទី១១ ខែមករា ឆ្នាំ២០១៧។</span></span></p>
<p><br /><a class="thickbox" title="" href="/FileManager/Commons/2017/1/11/27-11-01-2017--15-02-40.jpg"><img src="/FileManager/Articles/mce/2017/1/11/27-11-01-2017--15-02-40.jpg" alt="" /></a></p>
<p><span style="color: #000000;">លោកប្រធានាធិបតីអាមេរិកបានថ្លែងទៅកាន់អ្នកចូលរួមម្នាក់នៅឯទីក្រុង Chicago ដូច្នេះថា<strong> «</strong><strong>អ្នកទាំងអស់គឺជាការផ្លាស់ប្តូរ</strong><strong>… </strong><strong>អ្នកបានឆ្លើយតបទៅនឹងសេចក្តីសង្ឃឹមរបស់មនុស្សរាល់គ្នា ហើយដោយសារតែអ្នក សហរដ្ឋអាមេរិកបានក្លាយជាកន្លែងដែលប្រសើរ និងរឹងមាំជាងមុននៅពេលដែលពួកយើងបានចាប់ផ្តើម</strong><strong>»</strong>។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/11/27a-11-01-2017--15-02-49.jpg"><img src="/FileManager/Articles/mce/2017/1/11/27a-11-01-2017--15-02-49.jpg" alt="" /></a><br /></span></p>
<p><span style="color: #000000;">លោក បារ៉ាក់ អូបាម៉ា បានបញ្ចប់ការថ្លែងសុន្ទរកថា ជាមួយនឹងឃ្លាដ៏ល្បីល្បាញប្រចាំយុទ្ធនាការឃោសនាបោះឆ្នោតទាំងពីរលើករបស់រូបលោកថា<strong> «</strong><strong>ពិតណាស់! យើងទាំងអស់គ្នាអាចធ្វើបាន។ ពិតណាស់! យើងបានធ្វើវា។ ពិតណាស់! យើងអាចធ្វើបាន</strong><strong>»</strong><strong>។ ទន្ទឹមគ្នានេះដែរប្រជាជនអាមេរិកទាំងអស់ដែលមានវត្តមាននៅទីនោះបានឆ្លើយតបទៅនឹងការថ្លែងសារដោយរួមគ្នាស្រែកដដែលៗថា </strong><strong>«</strong><strong>បួនឆ្នាំទៀតៗ</strong><strong>» </strong><strong>ប៉ុន្តែលោក អូបាម៉ា និយាយទាំងអស់សំណើចថា </strong><strong>«</strong><strong>ខ្ញុំមិនអាចធ្វើបែបនឹងបានទេ</strong><strong>»</strong>។</span></p>
<p><span style="color: #000000;">នៅក្នុងឱកាសនោះដែរលោក បារ៉ាក់ អូបាម៉ា ក៏បានគូសបញ្ជាក់បន្ថែមថា «<strong>ខ្ញុំបានប្តេជ្ញាចំពោះប្រធានាធិបតីជាប់ឆ្នោតអាមេរិកលោក ដូណាល់ ត្រាំ ថាក្រុមរដ្ឋបាលរបស់ខ្ញុំ នឹងធានាឲ្យបាននូវការផ្ទេរអំណាចដ៏រលូនបំផុតមួយតាមតែអាចធ្វើទៅបាន ដូចកាលដែលអតីតប្រធានាធិបតី </strong><strong>George W. Bush </strong><strong>បានរៀបចំសម្រាប់ខ្ញុំ ក៏ប៉ុន្តែអ្វីៗគឺវាអាស្រ័យលើរូបយើងទាំងអស់ដើម្បីធានឲ្យបានថារដ្ឋាភិបាលរបស់ពួកយើងអាចជួយយើងដោះស្រាយបញ្ហាដែលយើងនៅតែកំពុងប្រឈម</strong><strong>»</strong>។</span></p>
<p><span style="color: #000000;">គួរបញ្ជាក់ដែរនៅសល់តែ ១០ថ្ងៃទៀតប៉ុណ្ណោះលោក ដូណាល់ ត្រាំ នឹងស្បថចូលកាន់តំណែងជាប្រធានាធិបតីអាមេរិកទី ៤៥ ជាផ្លូវការហើយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/11/25b-11-01-2017--15-03-00.jpg"><img src="/FileManager/Articles/mce/2017/1/11/25b-11-01-2017--15-03-00.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>