<p><span style="color: #000000;"><strong>កំពត៖</strong> លោក សូ វិសាល អនុប្រធានការីនិពន្ធកាសែត ភ្នំពេញប៉ុស្តិ៍ផ្នែកខេមរៈភាសា បានជួបគ្រោះថ្នាក់ចរាចរលើ កំណាត់ផ្លូវជាតិលេខ៣ ក្នុងខេត្តកំពតពេលធ្វើដំណើរទៅកម្សាន្តតាមខេត្ត ជាប់ឆ្នេរសមុទ្រ បណ្តាលឲ្យភរិយាស្លាប់ បាត់បង់ជីវិត រូបលោក កូនៗ និងសាច់ញាតិសរុប ៨នាក់ បានរងរបួសធ្ងន់-ស្រាល ខណៈជនរងគ្រោះម្ខាងទៀត ដែលជាអ្នកបើកបរម៉ូតូ និងជាអ្នកបង្កហេតុ ៣នាក់ផ្សេងទៀត បានស្លាប់បាត់បង់ជីវិតផងដែរ។ គ្រោះថ្នាក់ចរាចរដ៏ រន្ធត់នេះ បានកើតឡើងនាម៉ោង១០ព្រឹកថ្ងៃទី២១ ខែកុម្ភៈ ឆ្នាំ២០១៥ លើកំណាត់ផ្លូវជាតលេខ៣ (កំពត-ភ្នំពេញ ) ស្ថិតក្នុងភូមិទ្វារថ្មី ឃុំព្រៃថ្នង ស្រុកទឹកឈូ ខេត្តកំពត។</span></p>
<p><span style="color: #000000;">លោក សូ វិសាល បានប្រាប់មជ្ឈមណ្ឌលព័ត៌មានដើមអម្ពិលដោយខ្លីថា ភរិយារបស់លោកឈ្មោះ កែវ ភក្តី អាយុ ៣៨ឆ្នាំ បានស្លាប់ក្នុងគ្រោះថ្នាក់ចរាចរណ៍នៅខេត្តកំពត ហើយភាគីម្ខាងទៀតជាអ្នកបើកបរម៉ូតូ ចំនួន ៣នាក់ ក៏ បានស្លាប់បាត់បង់ជីវិតផងដែរ។ ដោយឡែករូបលោក កូនៗ និងសាច់ញាតិសរុប៨នាក់ រងរបួសធ្ងន់ និងស្រាល។</span></p>
<p><span style="color: #000000;">មន្ត្រីនគរបាលចរាចរណ៍ បានឲ្យមជ្ឈមណ្ឌលព័ត៌មានដើមអម្ពិលដឹងថា មុនពេលកើតហេតុរថយន្តកាមរីឆ្លាម បាន របស់លោក សូ វិសាល បានបើកបរក្នុងទិសដៅពីកើតទៅលិច ពោលទិសដៅពីរាជធានីភ្នំពេញ បញ្ជ្រាស់ទិសគ្នា ជាមួយម៉ូតូគប់ច្នៃ ពាក់ស្លាកលេខ កំពត 1G-3781។ លុះដល់កន្លែងកើតហេតុ ជនរងគ្រោះអ្នកជិះម៉ូតូ បានព្យា យាមបើកម៉ូតូជែងរថយន្តមួយគ្រឿង នៅពីមុខខ្លួន ជាអកុសលស្រាប់តែទុចដំណើរជាមួយម៉ូតូមួយគ្រឿងទៀត កំពុងបើកឆ្លងផ្លូវ ហើយក៏បួងចង្កូតគេចជ្រុលចូលទៅចំណីផ្លូវរថយន្តកាមរីឆ្លាម របស់លោក សូ វិសាល ដែល បញ្ជ្រាសទិសគ្នា ហើយបុកគ្នាលាន់ឮដូចរន្ទះខែចេត្រ។</span></p>
<p><span style="color: #000000;">ទាំងរថយន្ត និងម៉ូតូ ដែលសុទ្ធតែបើកបរក្នុងល្បឿនលឿនគួរសមនោះ បានក្រឡាប់ជាច្រើនត្រឡប់ធ្លាក់ទៅក្នុង ប្រឡាយចិញ្ចើមផ្លូវថ្នល់។ គ្រោះថ្នាក់ចរាចរដ៏ព្រឺព្រួចនេះ បណ្តាលឲ្យភរិយា លោក សូ វិសាល កៀបជាមួយរថ យន្តរហូតដាច់ក្បាលស្លាប់ ហើយបុរស ៣នាក់ ធ្វើដំណើរតាមម៉ូតូ ក៏បានស្លាប់ភ្លាមៗនៅនិងកន្លែងកើតហេតុផង ដែរ។ ដោយឡែក លោក សូ វិសាល កូនៗ និងសាច់ញាតិរបស់លោក សរុប៨នាក់ បានរងរបួសធ្ងន់ និងស្រាល។</span></p>
<p><span style="color: #000000;">ក្រោយកើតហេតុ ប្រជាពលរដ្ឋ និងសមត្ថកិច្ច បានព្យាយាមជួយគាស់យកជនរងគ្រោះចេញពីរថយន្ត រួចបញ្ជូនទៅ សង្គ្រោះបន្ទាន់នៅមន្ទីរពេទ្យបង្អែកខេត្តកំពត។ ចំណែករថយន្ត និងម៉ូតូ ត្រូវបានសមត្ថកិច្ចស្ទូចយកទៅរក្សាទុក រីឯសាកសព ត្រូវបានសមត្ថកិច្ចទាក់ទងរកក្រុមគ្រួសារ ដើម្បីយកទៅធ្វើបុណ្យតាមប្រពៃណី៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/22/60-22-02-2015--10-44-38.jpg"><img src="/FileManager/Articles/mce/2015/2/22/60-22-02-2015--10-44-38.jpg" alt="" /></a></span></p>
<p><a class="thickbox" title="" href="/FileManager/Commons/2015/2/22/61-22-02-2015--10-44-45.jpg"><img src="/FileManager/Articles/mce/2015/2/22/61-22-02-2015--10-44-45.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/22/60-22-02-2015--10-44-38.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>