<p><span style="color: #000000;">ព័ត៌មានអន្តរជាតិ ៖ កងទ័ពជើងទឹក ប្រទេស បង់ក្លាដេស បានបញ្ជូននាវា ៤ គ្រឿង ទៅដោះស្រាយបញ្ហា ប្រឈមជាមួយនឹងករណីលេចធ្លាយប្រេង ចេញពីនាវាដឹកប្រេង បន្ទាប់ពីគ្រោះថ្នាក់ បុកគ្នាក្នុងនោះករណី លេចធ្លាយប្រេង កម្រិតច្រើនលើសលប់មួយនេះ ពិតជាបានគម្រាមគំហែងជាខ្លាំង ដល់ជម្រកសត្វផ្សោត កម្រ ។ </span></p>
<p><a class="thickbox" title="" href="/FileManager/Commons/2014/12/11/80-11-12-2014--13-59-57.jpg"><img src="/FileManager/Articles/mce/2014/12/11/80-11-12-2014--13-59-57.jpg" alt="" /></a></p>
<p><span style="color: #000000;">ប្រភពសារព័ត៌មាន ពីទំព័រ ប៊ីប៊ីស៊ី អោយដឹងថា នាវាដឹកប្រេងដែលក្រឡាប់លិច រហូត មានករណីលិច ធ្លាយប្រេងមួយនេះ ត្រូវបានគេមានជំនឿជាក់ថា បានផ្ទុកប្រេងដល់ទៅ ៣៥០,០០០ លីត្រ បានបុកគ្នាជា មួយនឹងនាវាមួយគ្រឿងផ្សេងទៀត កាលពីព្រឹកថ្ងៃអង្គារ កន្លងទៅនេះ នៅក្នុងតំបន់ Sundarbans ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/11/81-11-12-2014--14-00-07.jpg"><img src="/FileManager/Articles/mce/2014/12/11/81-11-12-2014--14-00-07.jpg" alt="" /></a><br /></span></p>
<p><span style="color: #000000;">មន្រ្តីជលផល និងព្រៃឈើអោយដឹងថា ករណីលេចធ្លាយប្រេងលើកនេះ បានកើតឡើង នៅ ឯជម្រកសត្វ ផ្សោត រួមមានពូជកម្រ Irrawaddy ថែមទៀតផង ។ ដោយឡែក រដ្ឋាភិបាល ប្រទេសនេះ បាន ចេញសេច ក្តីប្រកាសស្របច្បាប់ រួមជាមួយនឹង លិខិត ប្រឆាំងទៅនឹង ម្ចាស់នាវា ពីរគ្រឿងបង្កហេតុខាងលើនេះ ។ </span></p>
<p><span style="color: #000000;">ក្រោយពីបានដកស្រង់ សម្តីមន្រ្តីផ្លូវការ ក្នុងស្រុក ទំព័រសារព័ត៌មានបរទេស ប៊ីប៊ីស៊ី ចុះផ្សាយអោយដឹងថា ប្រេងបានធ្លាយចេញ និង ហូរកាត់លើផ្ទៃទឹក ប្រមាណជាង ៤០ គ.ម តាមបណ្តោយទន្លេ Sela ផ្ទាល់តែ ម្តង ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>