<p><span style="color: #000000;">យានយន្ដ៖ រដ្ឋមន្ដ្រីក្រសួងសេដ្ឋកិច្ចប្រទេស អាល្លឺម៉ង់ លោក Sigmar Gabriel បានថ្លែងថា បញ្ហាដ៏ធំដែលបានកើតឡើង ក្នុងក្រុមហ៊ុន រថយន្ដ Volkswagen ដែលបានផ្ទុះឡើងក្នុងទឹកដីអាមេរិកកាលពីពេលថ្មីៗនេះ ការពិតទៅបានកើតឡើង តាំងពីមុនលោក Martin Winterkorn ចូលកាន់តំណែង ម្ល៉េះ ។ </span></p>
<p><span style="color: #000000;">លោក Sigmar Gabriel បានថ្លែងការកោតសរសើរជាខ្លាំងចំពោះការសម្រេចចិត្ដរបស់ Martin Winterkorn ទៅលើទំនួលខុសត្រូវ ចំពោះមុខតំណែង បើទោះបីជាខ្លួនមិនបានប្រព្រឹត្ដក៏ដោយ។ ពាក្យសម្ដីរបស់លោក Sigmar Gabriel បាននិយាយថា " ខ្ញុំពិតជាកោតស្ញប់ស្ញែងនឹង ទឹកចិត្ដរបស់ គាត់ណាស់ ចំពោះតួនាទីមួយនេះ គាត់ស៊ូទទួលខុសត្រូវទាំងអស់ បើទោះបីជាគាត់ មិនបានធ្វើ ហើយធ្វើដោយអចេតនាក៏ដោយ " ។ ប្រភពដដែលបានបន្ដទៀតថា លោក Martin Winterkorn មិនបានដឹងពីបច្ចេកវិទ្យា បំបែកផ្សែងឧស្ម័ន ដែលមានបំណងភូតភរកុហក់ដល់ អាមេរិកនោះទេ ។ </span></p>
<p><span style="color: #000000;">លោក Stephan Weil ដែលជាអ្នកនយោបាយ នឹង ថ្នាកដឹកនាំគណៈបក្ស Lower Saxony បានថ្លែងដែរថា គាត់ជឿជាក់ លើសេក្ដីថ្លែងការ របស់លោក Martin Winterkorn ដែលថា គាត់ពិតជាមិនស្គាល់ នឹង មិនដឹង អ្វីទាំងអស់ ចំពោះ កំហុសឆ្គងប្រព័ន្ធបច្ចេកវិទ្យាទាំងនេះ ហើយ សមាជិកដ៏ទៀត ក៏ជឿជាក់ផងដែរ។ </span></p>
<p><span style="color: #000000;">ស្របពេលនឹងសេចក្ដីថ្លែងការណ៍ចុះចេញពីតំណែងកាលពីម្សិលមិញ លោក Martin Winterkorn បានពន្យល់ថា គាត់បានកំពុងតែដោះស្រាយ នឹងទទួលខុសត្រូវទាំងអស់ រាលកំហុសដែលបានកើតឡើងបោះទោះបីជាគាត់ មិនបានដឹងរឿងនេះក៏ដោយ។ </span></p>
<p><span style="color: #000000;">ក្រុមហ៊ុន នឹងត្រូវបានគេរំពឹងទុកថា នឹងត្រូវប្រកាសសមភាពអ្នកដែលត្រូវចូលខ្លួនមកដោះស្រាយ ចំពោះ បញ្ហាត្រឹមថ្ងៃសុក្រនេះ ហើយក៏ជាពេលដែល ក្រុមហ៊ុន ត្រូវប្រកាសឲ្យដាច់ស្រេចចំពោះលោក Martin Winterkorn ផងដែរ ។ យោងតាមការចុះផ្សាយរបស់គេហទំព័រខ្លះទៀត បានអះអាងថា ក្រុមហ៊ុន អាចនឹងត្រូវ បណ្ដេញចេញនូវ ថ្នាក់ដឹកនាំប្រធានសមាជិកក្រុមហ៊ុន បី ដោយពីរនាក់គឺ ក្រុមហ៊ុន Audi និង ម្នាក់ទៀត គឺ Porsche ដែលបានខ្វះការចាប់អារម្មណ៍ ទៅលើកំហុសដែលបានកើតឡើង។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/25/9-25-2015-2-30-07-pm-25-09-2015--14-36-40.png"><span style="color: #000000;"><img src="/FileManager/Articles/mce/2015/9/25/9-25-2015-2-30-07-pm-25-09-2015--14-36-40.png" alt="" /></span></a></span></p>
<p><a class="thickbox" title="" href="/FileManager/Commons/2015/9/25/9-25-2015-2-31-47-pm-25-09-2015--14-37-57.png"><img src="/FileManager/Articles/mce/2015/9/25/9-25-2015-2-31-47-pm-25-09-2015--14-37-57.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ carscoops</span></p>