<p><span style="color: #000000;">ព័ត៌មានអន្តរជាតិ ៖ សហពីលុត ជាអ្នកបើកយន្តហោះធ្លាក់ ក្រុមហ៊ុន អាកាសចរណ៍ Germanwings លោក Andreas Lubitz ធ្លាប់បានទទួលការព្យាបាលផ្លូវចិត្ត ដែលតែង តែចង់ធ្វើអត្តឃាត មុនពេល ដែលលោកទទួលបាននូវ អាជ្ញាប័ណ្ណ បើកបរយន្តហោះ នេះបើតាមការ គូសបញ្ជាក់អោយដឹង ពីក្រុម តាមដានស៊ើបអង្កេត ។</span></p>
<p><span style="color: #000000;"><a class="thickbox" title="" href="/FileManager/Commons/2015/3/31/15-31-03-2015--09-13-52.jpg"><img src="/FileManager/Articles/mce/2015/3/31/15-31-03-2015--09-13-52.jpg" alt="" /></a><br /></span></p>
<p><span style="color: #000000;"><a class="thickbox" title="" href="/FileManager/Commons/2015/3/31/12-31-03-2015--09-13-10.jpg"><img src="/FileManager/Articles/mce/2015/3/31/12-31-03-2015--09-13-10.jpg" alt="" /></a><br /></span></p>
<p><span style="color: #000000;">ប្រភពដដែលបន្តអោយដឹងថា ករណីរកឃើញ លោក ធ្លាប់បានទទួលការ ព្យាបាលផ្លូវចិត្ត ដែលតែង តែចង់ធ្វើអត្តឃាត នោះ គឺមានរយៈពេលយូរមកហើយ មិនមែនថ្មីៗនេះ នោះទេ។ ស្ថិតនៅក្នុងវ័យ ២៧ ឆ្នាំ លោក Lubitz រងនូវមន្ទិលសង្ស័យ ថាមានចេតនា បើក យន្តហោះ ទម្លាក់ ទៅបុកជ្រលងភ្នំ ដាច់ស្រយាល ភ្នំ Alps ប្រទេសបារាំង ដែលបានសម្លាប់ មនុស្ស គ្មានសល់ទាំង ១៥០ នាក់ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/3/31/13-31-03-2015--09-13-20.jpg"><img src="/FileManager/Articles/mce/2015/3/31/13-31-03-2015--09-13-20.jpg" alt="" /></a><br /></span></p>
<p><span style="color: #000000;">មន្រ្តីផ្លូវការ មកពីទីក្រុង Duesseldorf ទីក្រុងធំលំដាប់ទី ២ របស់ ប្រទេសបារាំង អោយដឹងថា ក្រុម តាមដានស៊ើបអង្កេត ចំពោះករណីសង្ស័យខាងលើ ពុំទាន់ រក ឃើញ តម្រុយច្បាស់ការណ៍ ណាមួយ បញ្ជាក់បាននៅឡើយទេ ។ ដោយឡែក មានសេចក្តីរាយការណ៍ អោយដឹងថា DNA ជនរងគ្រោះ ប្រ មាណ ៨០ នាក់ ត្រូវបានរកឃើញហើយ ។ </span></p>
<p><span style="color: #000000;">ព្រះរាជអាជ្ញា មកពីទីក្រុងធំលំដាប់ទី ២ ខាងលើ លោក Christoph Kumpa អោយដឹងថា រយៈពេល ប៉ុន្មានឆ្នាំកន្លងទៅ មុនពេលលោក Lubitz បានក្លាយជា ពី លុត មានពេលមួយនោះ លោក Lubitz របាយការណ៍បញ្ជាក់បានថា លោកធ្លាប់បានទទួលការ ព្យាបាលជម្ងឺផ្លូវចិត្ត ខណៈលោកតែងតែមាន គំនិតក្នុងការធ្វើអត្តឃាត ផ្ទាល់តែម្តង ប៉ុន្តែ ប្រធានបទនេះ គឺកើតមានឡើង អស់រយៈកាលយូរមក ហើយ ពុំមែនថ្មីៗ នោះទេ ។ </span></p>
<p><span style="color: #000000;">គួររំឮកថា ពុំមានការគូសបញ្ជាក់អោយច្បាស់ ពីកាលបវិច្ឆេទ ព្យា បាលជម្ងឺផ្លូវចិត្ត លោក Lubitz នៅ ឡើយទេ ។ របាយការណ៍ បញ្ជាក់អោយ ដឹងថា លោក Lubitz បានចុះឈ្មោះ ហ្វឹកហ្វើន ក្រុមហ៊ុន Lufthansa (ជាក្រុមហ៊ុនគ្រប់គ្រង អាកាសចរណ៍ Germanwings) ក្នុងអំឡុងឆ្នាំ ២០០៨ លុះក្រោយមក នៅឆ្នាំ ២០១៣ លោក បានក្លាយជា ពីលុត ស្រប ច្បាប់តែម្តង បន្ទាប់ពីមានការទទួលស្គាល់ផ្លូវ ការ ក្រោយពីទទួលអាជ្ញាប័ណ្ណ ។ សារព័ត៌មាន ធ្វើសេចក្តីរាយការណ៍ អោយដឹងថា អំឡុងឆ្នាំ ២០០៩ បេក្ខភាព សហពីលុតរូបនេះ ធ្លាប់ត្រូវបានធ្វើរោគវិនិច្ឆ័យ និងរកឃើញ ពីជម្ងឺធ្លាក់ទឹកចិត្ត ធ្ងន់ធ្ងរ ៕</span></p>
<p><span style="color: #0000ff;"><a href="/News/Detail/78246/germanwings-crash-dna-of-78-victims-found" target="_blank"><span style="color: #0000ff;">- អាន ៖ បែកធ្លាយ សម្តីចុងក្រោយ ពីលុត បើកយន្តហោះ ពីបន្ទប់ កាប៊ិន មុនបន្តិច មុនយន្ត ហោះ ធ្លាក់</span></a></span></p>
<p><a class="thickbox" title="" href="/FileManager/Commons/2015/3/31/10-31-03-2015--09-13-00.jpg"><img src="/FileManager/Articles/mce/2015/3/31/10-31-03-2015--09-13-00.jpg" alt="" /></a></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>