<div class="article-content">
<p><strong>ភ្នំពេញ ៖</strong> ម៉ូតូរ៉ឺម៉កកង់បី មួយគ្រឿង ត្រូវរងនូវការ ខូចខាតទាំងស្រុង និងបុរសម្នាក់បាន រង<br />របួសធ្ងន់ធ្ងរ ខណៈត្រូវរថយន្តវីហ្គោ មួយគ្រឿង បើកបុកយ៉ាងពេញទំហឹង កាលពីវេលាម៉ោង<br /> ២១និង២០ នាទីយប់ថ្ងៃទី១៣ ខែមិថុនា ឆ្នាំ២០១៣ ស្ថិតនៅតាម បណ្តោយផ្លូវលេខ ២៧១ <br />កែងផ្លូវលេខ៤៣២ សង្កាត់ទួលទំពូងទី២ ខណ្ឌចំការមន។</p>
<p>ប្រជាពលរដ្ឋដែលបានឃើញហេតុការណ៍ខាងលើនេះបាន និយាយរៀបរាប់ប្រាប់ សមត្ថកិច្ច<br />ថា មុនពេលកើតហេតុ គេបានឃើញបុរស ម្នាក់វ័យជាង ៣០ ឆ្នាំ បានបើករ៉ឺម៉កកង់បី មួយ<br />គ្រឿង ធ្វើដំណើរតាម បណ្តោយផ្លូវលេខ ២៧១ ក្នុងទិសដៅពីត្បូងទៅជើង ដោយបានបើក <br />រេចុះរេឡើង ហាក់បីដូចជា ស្រវឹងស្រា លុះ ជិះមកដល់ចំណុច កើតហេតុ ក៏ស្រាប់តែមាន <br />រថយន្តមួយគ្រឿង ម៉ាកវីហ្គោ ពណ៌ប្រាក់ មិនចាំស្លាកលេខ មួយគ្រឿង បានបើកមកបុករ៉ឺម៉ក<br />កង់បី ពេញទំហឹងតែម្តង បណ្តាលឲ្យរ៉ឺម៉កកង់បី ក្រឡាប់ផ្ងារជើងខ្ទេចទាំងស្រុង នឹងអ្នក បើក<br />រ៉ឺម៉កត្រូវរថយន្តបុកផ្ងារក្រោយបោកក្បាលនឹង ដែករ៉ឺម៉កកង់បី នឹងបន្តបោកផ្ទប់នឹងថ្នល់ត្រូវ<br />រងរបួសធ្ងន់ ហើយត្រូវសមត្ថកិច្ចហៅរថយន្តសាមុយ មកដឹកយកទៅសង្គ្រោះនៅមន្ទីរពេទ្យ<br />ភ្លាមៗ។</p>
<p>ប្រភពដដែលបានបន្តថា រថយន្តបង្កក្រោយដឹងថាបើកបុកគេឲ្យរបួសរួចនោះ គេបានបើករត់<br />គេចខ្លួនបាត់ស្រមោសតែម្តង ។ សមត្ថកិច្ចបានបញ្ជាក់ថា គ្រោះថ្នាក់នេះគឺបង្កឡើងដោយសារ រថយន្តវីហ្គោលបានបើកបរក្នុងល្បឿនលឿន ទំនងជាអ្នកបើកបរស្ថិត ក្នុងស្ថានភាពថែមទៀត ទើបបើករហូតបង្កឲ្យមានគ្រោះថ្នាក់ដែលនឹកស្មានមិនដល់។</p>
<p>ជាពិសេសអ្នករងរបួសត្រូវបានសមត្ថកិច្ចហៅរថយន្តសាមុយមកដឹកយកទៅសង្ក្រោះ ចំណែក<br />ម៉ូតូកង់បីត្រូវ បាន ក្រុមគ្រួសារមកធ្វើលិខិតពីសមត្ថកិច្ចយកទៅជូសជុល ព្រោះរថយន្តបង្ករត់<br />គេចបាត់ស្រមោស៕</p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0102.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0103.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0104.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0105.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/June/id-007/Pheak-0106.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>