<p><span style="color: #000000;">ព័ត៌មានអន្តរជាតិ ៖ កុមារជនភៀសខ្លួនដល់ទៅ ៩០០០នាក់ សេចក្តីរាយការណ៍បានគូសបញ្ជាក់ ឲ្យដឹងថា បានបាត់ខ្លួន បើចាប់គិតមកដល់ត្រឹមថ្ងៃទី ១ កក្កដា ២០១៦ នេះបើយោងតាមប្រភពពី ប៉ូលីសសហព័ន្ធអាល្លឹម៉ង់។ គួរបញ្ជាក់ថា តួរលេខកុមារជនភៀសខ្លួនបាត់ខ្លួនលើកនេះ គឺកើនឡើង ទ្វេដងបើធៀបទៅនឹងតួរលេខកាលពីដើមឆ្នាំ។ </span></p>
<p><a class="thickbox" title="" href="/FileManager/Commons/2016/8/30/11-30-08-2016--10-43-38.jpg"><img src="/FileManager/Articles/mce/2016/8/30/11-30-08-2016--10-43-38.jpg" alt="" /></a><br /><br /></p>
<div class="article__summary summary "><span style="color: #000000;">តួលេខផ្លូវការដែលបានចេញផ្សាយដោយ ប៉ូលីសសហព័ន្ធអាល្លឹម៉ង់ Germany's Federal Criminal Police Office (BKA) ក្រោយពីមានសំណើពីសារព័ត៌មានក្នុងស្រុក "Neue Osnabrücker Zeitung អោយដឹងថា ហោចណាស់ កុមារៗជនភៀសខ្លួនតិចបំផុត ៨៩៩១នាក់ ដែលមានអាយុក្រោម ១៧ ឆ្នាំនោះ គឺបានបាត់ទំនាក់ទំនងជាមួយនឹងអាជ្ញាធរក្នុងស្រុក ។ គួរបញ្ជាក់ថា កាលពីខែមករា ដើម ឆ្នាំ ២០១៦នេះ តួរលេខកុមារបាត់ខ្លួនមានត្រឹមតែ ៤៧៤៩នាក់តែប៉ុណ្ណោះ ខណៈភាគច្រើននៃកុមារ បាត់ខ្លួននោះ គឺមានវ័យជំទង់ និង ៨៦៧នាក់ គឺមានវ័យ ក្រោម ១៣ឆ្នាំ ។</span></div>
<div class="article__summary summary "><br /><a class="thickbox" title="" href="/FileManager/Commons/2016/8/30/11a-30-08-2016--10-43-46.jpg"><img src="/FileManager/Articles/mce/2016/8/30/11a-30-08-2016--10-43-46.jpg" alt="" /></a><span style="color: #000000;"> </span></div>
<div class="article__summary summary "><span style="color: #000000;"><br /></span></div>
<div class="article__summary summary "><span style="color: #000000;">អ្នកនាំពាក្យតំណាងឲ្យ BKA គូសបញ្ជាក់ឲ្យដឹងថា បើទោះបីជាមានការបាត់ខ្លួន កុមារជនភៀសខ្លួន ដ៏ច្រើនសន្ធឹក តែមិនបានន័យថា គ្រប់កុមារបាត់ខ្លួនទាំងអស់ធ្លាក់ចូលទៅក្នុងហានិភ័យគ្រោះថ្នាក់ នោះទេ ។ "មានករណីជាច្រើន ពាក់ព័ន្ធនឹងការបាត់ខ្លួន កុមារជនភៀសខ្លួន ដែលនៅក្នុងនោះ កុមារខ្លះ បានធ្វើដំណើរទៅជួបឪពុកម្តាយរបស់ពួកគេ សាច់ញ្ញាត្តិរបស់ពួកគេ ដែលមាននៅតាម បណ្តាទីក្រុងមួយចំនួនផ្សេងទៀត នៅក្នុងប្រទេសអាល្លឹម៉ង់ ខណៈមួយចំនួនបានត្រលប់មកវិញ និងមួយចំនួនទៀត មិនបានត្រលប់មកវិញ ស្របពេលដែល ពុំមានសេចក្តីរាយការណ៍ លម្អិតដល់ អាជ្ញាធរពីការពិតនៃកុមារបាត់ខ្លួន (ឈ្មោះ,អាយុ) ដែលមាននៅ database ជុំរុំជនភៀសខ្លួន <span style="font-size: 12px;">នេះបើ យោង តាមសម្តីអ្នកនាំពាក្យ BKA គូសបញ្ជាក់ដល់ភ្នាក់ងារសារព័ត៌មាន ។ </span></span></div>
<div class="article__summary summary "></div>
<div class="article__summary summary "><span style="color: #000000;">ច្រើនជាងនេះទៅទៀត ក៏មានបញ្ហាប្រឈមមួយចំនួន ពាក់ព័ន្ធនឹងការចុះឈ្មោះ នៅពេលដែល កុមារភៀសខ្លួនត្រូវផ្លាស់ទីទៅកាន់តំបន់ផ្សេងទៀត ឬក៏បាត់ IDs ជាដើម ដែលនាំមកនូវ ការបាត់ បង់តួរលេខនៅទិន្នន័យដើម។ ស្រ្តីអ្នកនាំពាក្យ BKA ដដែល បន្តឲ្យដឹងថា ពួកយើងពុំមានភស្តុតាង ដែលថា កុមារបាត់ខ្លួនធ្លាក់ចូលទៅក្នុងដៃឧក្រិដ្ឋជនដែលនាំមកនូវហានិភ័យគ្រោះថ្នាក់ដល់ពួកគេ នោះទេ ៕</span></div>
<div class="article__summary summary "><br /><br /></div>
<div class="article__summary summary "><span style="color: #000000;">ប្រែសម្រួល ៖ កុសល</span></div>
<div class="article__summary summary "><span style="color: #000000;">ប្រភព ៖ អ័រតេ </span></div>