<p><span style="color: #000000;"><strong>(អាមេរិក)៖</strong> បេក្ខភាពប្រធានាធិបតីអាមេរិក ពីគណបក្សសាធារណរដ្ឋ ដែលកំពុងមានប្រជាប្រិយភាព លោក Donald Trump បានសន្យាថា នឹងកាត់ក្បាលក្រុមឧទ្ទាម ISIS ព្រមទាំងរ៉ឹបអូស យក ប្រេងរបស់ពួកនេះ ប្រសិនបើលោកជាប់ឆ្នោត ធ្វើជាប្រធានាធិបតីអាមេរិក ។ នេះបើ យោងតាមការ ចេញ ផ្សាយ របស់សារព័ត៌មាន Daily Mail នៅថ្ងៃទី០៨ ខែមករា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/1/8/17f-08-01-2016--15-59-25.jpg"><img src="/FileManager/Articles/mce/2016/1/8/17f-08-01-2016--15-59-25.jpg" alt="" /></a></span></p>
<p><span style="color: #000000;">បេក្ខភាពប្រធានាធិបតីអាមេរិក ពីគណបក្សសាធារណរដ្ឋ ដែលកំពុងមានប្រជាប្រិយភាព លោក Donald Trump</span><span style="color: #000000;"><a class="thickbox" title="" href="/FileManager/Commons/2016/1/8/17f-08-01-2016--15-59-25.jpg"></a><br /></span></p>
<p><span style="color: #000000;">តាមរយៈវីដេអូដែលចាប់ផ្សាយ តាមកញ្ចក់ទូរទស្សន៍ លោកក៏បានរិះគន់ដល់ប្រធានាធិបតីអាមេរិក នាពេលបច្ចុប្បន្នគឺលោក Barack Obama និងលោកស្រី Hilary Clinton ពាក់ព័ន្ធនឹងការប្រើប្រាស់មីស៊ីលវាយប្រហារក្រុម ISIS នៅសមរភូមិ។</span></p>
<p><span style="color: #000000;">«ខ្ញុំនឹងកាត់ក្បាលក្រុមឧទ្ទាម ISIS និងយកប្រេងពួកគេឲ្យបានឆាប់ រហ័សបំផុត។ ខ្ញុំនឹងបញ្ឈប់ការធ្វើអន្តោប្រវេសន៍ខុសច្បាប់មកកាន់ទឹកដីអាមេរិក ជាពិសេសគឺតាមព្រំដែនប្រទេសម៉ិចសិក»។</span></p>
<p><span style="color: #000000;">នៅប៉ុន្មានសប្ដាហ៍មុននេះ លោក Trump បានប្រកាសយ៉ាងខ្លាំងៗថា លោកនឹងប្រឆាំងដាច់ខាត់នូវការហូរចូលជ ន ម៉ូស្លីម មកកាន់ទឹកដី អាមេរិក ដោយលោកចាត់ ទុកថា វាជាបើកផ្លូវឲ្យក្រុមភេរវករមានឱកាសចូលមកធ្វើភេរវកម្ម។</span></p>
<p><span style="color: #000000;">គួរបញ្ជាក់ផងដែរថា លោក Trump បានប្រកាសថា លោកនឹងចំណាយ ២លានដុល្លារអាមេរិក ក្នុងមួយសប្ដាហ៍ ដើម្បីធ្វើការឃោសនាតាមកញ្ចក់ទូរទស្សន៍៕</span></p>
<p> </p>
<p style="text-align: right;"><span style="color: #000000;">ប្រភព ៖ Dailymail</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>