<p><span style="color: #000000;">បន្ទាប់ពីការពិភាក្សាគ្នាជាមួយ Donald Trump លោក Bill Gates បានឱ្យដឹងថា រដ្ឋាភិបាលថ្មី អាចនឹងកាត់បន្ថយប្រាក់វិនិយោគទៅលើបច្ចេកវិទ្យាបៃតង។</span></p>
<p><span style="color: #000000;">លោក Bill Gates សហស្ថានិករបស់ Microsoft ទើបតែបានសន្យាថានឹងប្រើប្រាស់ទ្រព្យមួយ</span><br /><span style="color: #000000;">ចំណែកធំរបស់ខ្លួន ដើម្បីទប់ទល់នឹងបំរែបំរួលអាកាសធាតុ។ ចំណែកលោក Donald Trump មហាសេដ្ឋីទើបតែជាប់ឆ្នោតជាប្រធានាធិបតីអាមេរិក ធ្លាប់ហៅការទប់ទល់នឹងបំរែបំរួលអាកាស</span><br /><span style="color: #000000;">ធាតុថា ជា “ល្បិចបោកប្រាស់”។</span></p>
<p><span style="color: #000000;"><a class="thickbox" title="" href="/FileManager/Commons/2016/12/15/bill1-15-12-2016--09-02-57.jpg"><span style="color: #000000;"><img src="/FileManager/Articles/mce/2016/12/15/bill1-15-12-2016--09-02-57.jpg" alt="" /></span></a></span></p>
<p><span style="color: #000000;">ប៉ុន្តែ ដោយវិធីណាមួយនោះ អ្នកទាំងពីរដែលមានការយល់ឃើញខុសគ្នានេះ បានពិភាក្សាគ្នា</span><br /><span style="color: #000000;">ប្រកបដោយជោគជ័យ នេះបើតាមការឱ្យដឹងពីលោក Bill Gates។ ការពិភាក្សាគ្នាតាមទូរស័ព្ទ</span><br /><span style="color: #000000;">នេះបានធ្វើឡើងកាលពី២សប្ដាហ៍មុន និងមានរយៈពេលប្រហែល ៨នាទី អនុញ្ញាតឱ្យលោក </span><br /><span style="color: #000000;">Bill Gates អធិប្បាយអំពីគម្រោងវិនិយោគ និងការធ្វើកិច្ចការមនុស្សធម៌របស់លោក។</span></p>
<p><span style="color: #000000;">លោក Bill Gates និយាយថា “ប្រការសំខាន់ដែលខ្ញុំចង់ជម្រុញ នោះគឺ យើងមានឱកាសដើម្បី</span><br /><span style="color: #000000;">កែលំអភាពច្នៃប្រឌិត មិនត្រឹមតែនៅក្នុងវិស័យថាមពលនោះទេ ប៉ុន្តែ នៅមានវិស័យផ្សេងៗជា</span><br /><span style="color: #000000;">ច្រើនទៀត ដូចជា អប់រំ និងឱសថ”។</span></p>
<p><span style="color: #000000;">នៅពេលត្រូវបានសួរអំពីការពិភាក្សាគ្នាតាមទូរស័ព្ទនេះ និងឥរិយាបទតែងតាំងគណរដ្ឋមន្ត្រីថ្មី</span><br /><span style="color: #000000;">របស់លោក Trump តើលោកមានមានទំនុកចិត្តដែរ ឬទេ លោក Gates ឆ្លើយថា ៖ “កែលំអ</span><br /><span style="color: #000000;">គំនិតច្នៃប្រឌិត គឺជាប្រការដែលសមស្របសម្រាប់បក្សប្រជាធិបតេយ្យ និងបក្សសាធារណរដ្ឋ </span><br /><span style="color: #000000;">យើងខ្ញុំនឹងខំប្រឹងឱ្យអស់ពីសមត្ថភាព”។</span></p>
<p><span style="color: #000000;">Bill Gates និងមហាសេដ្ឋីមួយចំនួន ទើបតែបានបង្កើតមូលនិធិវិនិយោគថ្មីមួយដែលមានឈ្មោះ</span><br /><span style="color: #000000;">ថា Breakthrough Energy Ventures ដោយមានគោលដៅបង្កើនដើមទុនវិនិយោគទៅក្នុងវិស័យ បច្ចេកវិទ្យាដែលទាក់ទឹននឹងថាមពលស្អាត ជួយកាត់បន្ថយឧស្ម័នផ្ទះកញ្ចក់។</span></p>
<p><span style="color: #000000;">ក្រុមអ្នកវិនិយោគបានបណ្ដាក់ទុនទៅក្នុង Breakthrough Energy Ventures រួមមាន Jeff Bezos</span><br /><span style="color: #000000;">(CEO របស់ Amazon), Richard Branson (ស្ថាបនិករបស់ Virgin) និង Michael Bloomberg (ស្ថាប</span><br /><span style="color: #000000;">និករបស់ទីភ្នាក់ងារព័ត៌នមាន Bloomberg)។ ក្រៅពីនេះ ក៏មាន John Doerr និង Vinod Khosla ដែលធ្លាប់បានវិនិយោគច្រើនទៅលើក្រុមហ៊ុនថាមពលបៃតងផងដែរ។</span></p>
<p><span style="color: #000000;">មូលនិធិ Breakthrough Energy Ventures នឹងប្រមូលផ្ដុំបណ្ដាអ្នកវិទ្យាសាស្ដ្រកំពូលៗដើម្បី</span><br /><span style="color: #000000;">វាយតម្លៃ ទៅលើគំនិតដែលទាក់ទឹននឹងវិស័យចំនួន៥ ៖ អគ្គនិសនី ចរាចរណ៍ កសិកម្ម ផលិត</span><br /><span style="color: #000000;">កម្ម និងសំណង់។</span></p>
<p><span style="color: #000000;">បន្ទាប់ពីការពិភាក្សាគ្នាជាមួយ Donald Trump លោក Bill Gates បានឱ្យដឹងថា រដ្ឋាភិបាលថ្មី អាចនឹងកាត់បន្ថយប្រាក់វិនិយោគទៅលើបច្ចេកវិទ្យាបៃតង។ ប៉ុន្តែ លោកបានរកឃើញចំនុច</span><br /><span style="color: #000000;">វិជ្ជមានមួយចំនួនពីការជជែកគ្នានេះ ដូចជា ទឹកប្រាក់វិនិយោគទៅលើវិស័យស្រាវជ្រាវ និង</span><br /><span style="color: #000000;">អភិវឌ្ឍ (R&D) អាចនឹងកើនឡើង៕</span></p>
<p style="text-align: right;"><br /><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ bloomberg</span><br /><br /></p>