<div class="item-page">
<p><span style="color: #000000;"><strong>(ភ្នំពេញ)៖</strong> ឧកញ៉ា ម៉ុង ឫទ្ធី ប្រធានក្រុមហ៊ុនម៉ុងឫទ្ធីគ្រុប បានប្រកាសប្រាប់សាធារណជនឲ្យប្រយ័ត្នចាញ់បោកជនឆបោកមួយចំនួន ដែលកំពុងដើរបំផុសលក់ដីឡូតិ៍ ដោយបានអះអាថា ជាគម្រោងរបស់ក្រុមហ៊ុនរបស់លោកឧកញ៉ា។</span></p>
<p><span style="color: #000000;">ការអះអាងរបស់ឧកញ៉ា ម៉ុង ឫទ្ធី បានធ្វើឡើង ក្រោយពេលមនុស្សមួយក្រុមមានគណនី Facebook ឈ្មោះ «New Generation» បានផ្សព្វផ្សាយលក់ដីឡូតិ៍ពុះលក់ ដោយអះ អាងថា ជាគម្រោងរបស់ឧកញ៉ា ម៉ុង ឫទ្ធី។</span></p>
<p><span style="color: #000000;">ក្រុមជនដែលលោកឧកញ៉ា ម៉ុង ឫទ្ធី ហៅថាជា ជនបោកប្រាស់នេះ បានសរសេរលើទំព័រ Facebook របស់ពួកគេអមដោយរូបភាពឧកញ៉ា ម៉ុង ឫទ្ធី ថា <strong>«នេះជាការចុះ ទស្សនកិច្ចជាមួយក្រុមការងារសម្រាប់គម្រោងថ្មី ដីឡូតិ៍ពុះលក់គម្រោងទី៥ មានចំនួន១០០០ឡូតិ៍ យើងខ្ញុំធ្វើតាមសំណើររបស់អតិថិជនដែលស្នើសុំមកក្រុមហ៊ុន យើងខ្ញុំចង់បានតំលៃធូរថ្លៃមកដល់ហើយមានគ្រប់ទំហំ សូមទំនាក់ទំនងមកដើម្បីទទួលបានប្លង់ល្អៗ ០៩៩ ៧៧ ០៦ ០៦ និង០៩៨ ៧៧ ០៦ ០៦»</strong>។</span></p>
<p><span style="color: #000000;">ឧកញ៉ា ម៉ុង ឫទ្ធី បានអះអាងនៅលើទំព័រ Facebook របស់លោកនៅថ្ងៃទី០៣ ខែមករា ឆ្នាំ២០១៧ ថា «សូមមេត្តាប្រុងប្រយ័ត្នអានេះបោកប្រាស់ទាំងរស់ ខ្ញុំអត់មានគម្រោងនេះទេ កុំចាញ់ការឃោសនានេះឲ្យសោះ»៕</span></p>
<p><span style="color: #000000;"><img src="http://image.freshnewsasia.com/2017/January/fn-2017-01-03-17-09-01-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>