<p><span style="color: #000000;"><strong>(ភ្នំពេញ)៖</strong> តារាចម្រៀងកំពុងពេញនិយម ប្រចាំក្នុងផលិតកម្ម រស្មីហង្សមាស អ្នកនាង ពេជ្រ សោភា ត្រូវបានក្រុមគ្រួសារបញ្ជូនទៅសង្គ្រោះបន្ទាន់ នៅមន្ទីរពេទ្យឯកជនមួយក្នុងក្រុងភ្នំពេញ នាម៉ោងប្រមាណ១រំលងអាធ្រាត្រយប់មិញនេះ បន្ទាប់ពីស្ថានភាពជំងឺរបស់នាងធ្វើទុកខ្លាំង រហូតដល់ថ្នាក់ទ្រាំលែងបាន ហើយត្រូវបានក្រុមគ្រូពេទ្យ យកចិត្តទុកដាក់ជួយសង្គ្រោះ ព្យាបាលរហូតដល់បានធូរស្បើយឡើងវិញ។</span></p>
<p><span style="color: #000000;">អ្នកនាង ពេជ្រ សោភា បានថ្លែងប្រាប់ Khmertalking នៅមុននេះបន្តិចថា ជាការពិតយប់មិញនេះ ស្ថានភាពជំងឺរបស់នាង ពិតជាធ្វើទុក្ខខ្លាំងមែន រហូតត្រូវបញ្ជូនទាំងពាក់កណ្ដាលយប់ ទៅសង្គ្រោះបន្ទាន់នៅមន្ទីរពេទ្យ ប៉ុន្តែរហូតមកដល់ម៉ោងនេះ ស្ថាន់ភាពជំងឺបានធូរស្បើយបន្តិចហើយ បន្ទាប់ពីគ្រូពេទ្យ បានចាក់ថ្នាំ និងឲ្យថ្នាំលេចរួចមក ។</span></p>
<p><span style="color: #000000;">ពេជ្រ សោភា និយាយថា «ចា៎បង..យប់មិញហ្នឹងខ្ញុំឈឺធ្ងន់មែន ដោយសារជំងឺចាស់ខ្ញុំធ្វើទុក្ខខ្លាំង ដូចជាថប់ៗដង្ហើម ហើយក៏ត្រូវមកព្យាបាលទាំងយប់នៅមន្ទីរពេទ្យ..តែពេលនេះលែងអីហើយបង បានធូរបន្តិចវិញ ក្រោយពីគ្រូពេទ្យដាក់សេរ៉ូម ចាក់ថ្នាំឲ្យខ្ញុំរួចមក..។ តាមការពិតទៅជំងឺខ្ញុំគ្រាន់តែត្រូវការ តាមដានជាប្រចាំតាមវេជ្ជបញ្ជារបស់ពេទ្យ ទើបមិនសូវអី..!»។</span></p>
<p><span style="color: #000000;">សម្រាប់តារាចម្រៀង ពេជ្រ សោភា ត្រូវបានមហាជនដឹងថា នាងមានជំងឺឈាមសស៊ីឈាមក្រហម ហើយត្រូវការមើលថែយ៉ាងយកចិត្តទុកដាក់ គោរពតាមវេជ្ជបញ្ជារបស់គ្រូពេទ្យ ដើម្បីឲ្យជំងឺនេះបានធូរស្បើយ ខណៈដែលកន្លងមក នាងធ្លាប់បានចេញទៅព្យាបាលនៅក្នុងប្រទេសថៃ ជាច្រើនដងរួចមកហើយ។ ម្យ៉ាងទៀតកាលពីពេលថ្មីៗនេះ បានលេចឮដំណឹងថា នាង គ្រោងនឹងចេញទៅព្យាបាល នៅឯប្រទេសបារាំងបន្ថែមទៀត ដើម្បីឲ្យជំងឺនេះជាសះស្បើយតែម្ដង ប៉ុន្តែមិនទាន់ទាំងបានចេញទៅបារាំងផង ជំងឺចេះតែធ្វើទុក្ខជាបន្តបន្ទាប់ បែបនេះ៕</span></p>
<p> </p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13690687_911032639029052_8259629486030979881_n.jpg?oh=20449d5667a963d6b507104bda1d37a3&oe=581451D7" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtf1/v/t1.0-9/13654219_908462829286033_3475525486805685352_n.jpg?oh=793a1413a76063548d51341348c3affc&oe=582055DC&__gda__=1478371719_4402829fad33c364af7a8853778d6c47" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13620989_907205126078470_6577791552472904616_n.jpg?oh=9a6c69bfda95f5bd67942716c1ee26e3&oe=5816B779" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13658982_907205612745088_1263579218453515153_n.jpg?oh=bbcf757036eec701a71a4c540c817965&oe=581AEBDD" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/12928335_855349364597380_3080955556351727369_n.jpg?oh=15da5dc83c42ba57b0f05ab1f1f62352&oe=5830A62A" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>